Öl er böl !!

Af hverju gerir maður sjálfum sér þetta??  Djammar langt fram eftir morgni og er svo gjörsamlega handónýtur allan sunnudaginn og mánudaginn líka.  Þegar vekjaraklukkan hringdi í gærmorgun langaði mig til að gráta og eina hugsunin var "neeeiii....leyfið mér að sofa bara pínu lengur plíííís". 

En með herkjum dru#$&aði ég mér framúr og niður í Hreyfingu og tók brennslu og leið svo milljón sinnum betur á eftir. 

Þessi pistill er því tileinkaður öllum þeim sem fóru á djammið á laugardaginn, og ég veit að þeir eru margir, þar sem miðbær Reykjavíkur var gjörsamlega stappaður fram eftir sunnudagsmorgni þegar ég loksins drattaðist heim.  

 Bæði áfengisdrykkja og svefnleysi eru örugglega það versta sem maður gerir líkamanum.

Hér koma nokkrar staðreyndir um áfengi og neikvæð áhrif þess á líkamann: 

1)  Hvert gramm af áfengi inniheldur 7 hitaeiningar, en kolvetni og prótín innihalda aðeins 4 hitaeiningar.  Í áfengi eru svokallaðar "tómar" hitaeiningar, því þær veita engin næringarefni s.s vítamín og steinefni.

2)  Léttvín og bjór innihalda mikinn sykur og því er magn hitaeininga sem neytt er umfram þörf líkamans.  Þetta veldur losun á háu magni insúlíns og  hitaeiningar eru geymdar í fitufrumum sem hækkar fitumagn líkamans.

3) Þar sem áfengi veitir litla sem enga næringu, hefur það örvandi áhrif á matarlyst bæði á meðan neyslu stendur og eftir hana.  Áfengi losar líka um hömlur, og undir áhrifum verður manni oft sama um heilsusamlegt mataræði.

4) Áfengi truflar meltingu prótíns og kolvetna í lifur og hún getur ekki myndað nýjan glúkósa.  Áfengi truflar líka framleiðslu ensíma í brisi sem sjá um niðurbrot fitu í líkamanum.  Sterk tilhneiging verður hjá líkamanum til fitusöfnunar og erfitt að byggja upp vöðvavef. 

5) Áfengi þurrkar upp líkamann.  Vökvabúskapur líkamans fer úr skorðum við neyslu áfengis því mikið af vatni líkamans þarf til að vinna úr áfengi í nýrum í stað þess að nýtast í aðra starfsemi.  Það getur tekið líkamann nokkra daga að vinna upp þetta vökvatap.  

Eru fleiri en ég hættir að drekka??

Athugasemdir

[Eysteinn Skarphéðinsson, 15.5.2007 kl. 14:17]

Þú átt bara að hætta þessu böli og taka okkur hin til fyrirmyndar,út að hlaupa ,vinna,hesthúsið ogmf um helgina

[Jenný Anna Baldursdóttir, 15.5.2007 kl. 14:17]

Ég er óvirkur alki mín kæra og löngu búin að átta mig á skaðsemi áfengis, loksins þegar ég horfðist í augu við það.  Ég bendi þér á í mesta bróðerni að muna eftir afleiðingunum ÁÐUR en þú færð þér í glas.  Heh..

[DoctorE (IP-tala skráð) 15.5.2007 kl. 14:28]

Maður er yfirleitt búinn að gleyma kvölunum þegar næsta helgi kemur

[Ragnhildur Þórðardóttir, 15.5.2007 kl. 20:35]

Þar sem aðaláhugamál mitt er ræktun líkama og sálar, þá vildi ég einfaldlega benda á skaðleg áhrif ölsins fyrir okkur sem hömumst í ræktinni alla daga. Ég myndi nú ekki ganga svo langt að segja að drykkja mín sé eitthvað vandamál sem þurfi að hætta, þar sem ég neyti áfengis á u.þ.b tveggja mánaða fresti, en ætli það verði ekki eitthvað lengri bið í það núna. Djammið er ekki þreytunnar og myglunnar virði.

[Eydís Hauksdóttir, 16.5.2007 kl. 11:30]

Blessuð Ragnhildur, gaman að fá comment frá þér skvísa :-) Sé á síðunni þinni að þú ert á kafi í ræktinni og svaka góðu formi... mér veitti af því að gera þó ekki væri nema 10% af því sem þú ert að gera í þeim málum, tíhí. Gott að lesa þetta sem þú varst að skrifa um áfengi, drakk nefnilega aðeins og mikið hvítvín í gærkvöldi og það er að skila sér í mikilli vanlíðan núna :( Bestu kveðjur frá Danmörku, Eydís

[Ragnhildur Þórðardóttir, 16.5.2007 kl. 11:48]

Blessuð Eydís!  Til hamingju með að vera fyrsti bloggvinur minn .  Já ölið getur verið böl.... allavega daginn eftir eins og þú ert rækilega minnt á í dag .  Batakveðjur!!

[Óla Maja (IP-tala skráð) 16.5.2007 kl. 18:32]

Blessað áfengið...  Ég stóð lengi í þeirri trú að eitt og eitt léttvínsglas skipti nú ekki svo miklu máli. Eftir að ég fór að vera duglegri við hreyfingu þá finn ég alveg að þetta hefur ótrúlega mikið að segja. Ég finn bara strax mun á þrekinu hjá mér daginn eftir ef ég fæ mér léttvín. Þá er ég kannski ekki að tala bara um 1 glas.. en 2-3 - þá finnst mér ég finna mun! Sumt af því sem þú segir hef ég heyrt áður en ég vissi ekki að áfengið væri svona hitaeiningaríkt né þetta með vatnið  Úff.. ég held að maður hugsi sig nú tvisvar um áður en maður fær sér næst í glas !!

Takk fyrir góða fræðslu