Are you an athlete?

Bara kominn mánudagur og flott heilsuhelgi að baki.  Ég notaði (alltof sjaldséða) veðurblíðuna sem var um helgina og skellti mér út að hlaupa á sunnudagsmorguninn.  Ég elska kyrrðina sem er á sunnudagsmorgnum kl. 7, ekki sála á ferli nema löggan og einstaka leigubíll með eftirlegukind í aftursætinu.  Tók fullt af brekkum og sprettum og kýldi púlsinn upp úr öllu valdi.  

Á laugardag var fótunum refsað í World Class enda eru harðsperðurnar í gær og í dag ekki þessa heims.  En ég fékk hrós á æfingunni frá Bandaríkjamanni sem fékk að nota fótapressuna með mér.  Hann ætlaði varla að trúa að ég væri að taka sömu þyngd og hann (130 kg), og sagði " Man you got seriously strong legs.  Are you an athlete?"  Ég fór alveg hjá mér við þessa athugasemd, roðnaði , og náði bara að stynja upp einhverju vesælu "no".  Sagði ekki einu sinn takk eða neitt.  En egóið skaust hins vegar í gegnum þakið og endaði út í Laugardalslaug .  En mig langaði samt að segja "Yeah man I'm an athlete" en þar sem afrekaskráin eru tvær Þrekmeistarakeppnir, held ég að ég flokkist engan veginn sem "athlete".  Og ef hann hefði spurt, hvaða íþrótt stundarðu?  Ööööö, fitnessmastersport, or something .  Ég vildi að ég hefði haldið áfram í handbolta eða hestunum en ekki hætt hvoru tveggja sökum 14 ára gelgju.  Þá væri ég allavega "athlete" í dag.  

Nú eru 15 dagar síðan ég svindlaði síðast í mataræðinu og eina alvarlega löngunin sem hefur gert vart við sig er í uppáhalds bragðarefinn (með bönunum, jarðaberjum og pekanhnetum).  Að öðru leyti er geðheilsan nokkuð í lagi, og mig er ekki enn farið að dreyma kökuhlaðborð, en það gerist ansi oft þegar langt líður á milli nammidaga .

Athugasemdir

[Óla Maja (IP-tala skráð) 26.6.2007 kl. 00:36]

Hrikalega ertu dugleg! Held að þú hefðir alveg getað svarað þessari spurningu kanans játandi. Ég skil samt alveg klemmuna varðandi það hvaða sport þú ættir að segja að þú æfðir  Vona að þú hafir náð að bjarga egóinu frá drukknun í lauginni svo þú getir flaggað því eins og þú mátt alveg við

Ég er sko búin að haga mér alveg eins og kjáni undanfarið. Það eina skynsamlega sem ég geri er að borða hafragraut á morgnana en annars er mataræðið fáránlegt og hreyfingin engin  En nú á að drífa sig í háttinn og byrja morgundaginn að hætti Naglans

[Ragnhildur Þórðardóttir, 26.6.2007 kl. 09:03]

 Það fara allir af beinu brautinni af og til, það er það sem gerir okkur mannleg .  Við erum ekki vélmenni sem getum æft og borðað hollt 365 daga á ári.  Það er ekkert annað í stöðunni Óla Maja mín en að klifra aftur upp á hrossið ef maður dettur af baki.  Tomorrow is another day sagði Scarlett O'Hara .