Blessaður offituvandinn

Ég las nýlega viðtal við bandarískan næringarfræðing sem sjálfum tókst að missa haug af kílóum.  Hann átti við offituvanda að stríða fram á unglingsár en er núna helmassaköttaður og með doktorsgráðu í næringarfræði og íþróttalífeðlisfræði. 

Hann var spurður hvernig stæði á því að þjóðin (USA) héldi áfram að fitna og fitna nú þegar fólk væri mun upplýstara en áður um heilsu og hvernig eigi að grenna sig.  Hann kom með lista af mögulegum ástæðum sem mér finnst líka eiga vel við okkur Íslendinga þar sem offita er einnig vaxandi vandamál hérlendis.

• 1) Fólk tekur ekki ábyrgð á sjálfum sér og sínum gerðum og ætlast til að fá hlutina upp í hendurnar í stað þess að vinna fyrir þeim.  Það er nóg að gleypa einhverjar pillur eða drekka sjeika til að grennast. Það er bara ekki svona einfalt: Við þurfum öll að vinna fyrir hlutunum á hverjum degi til að ná árangri hvort sem það er líkaminn eða eitthvað annað.
• 2) Minni dagleg hreyfing þar sem flestir stunda kyrrsetuvinnu nú til dags.  Jafnvel þeir sem fara í ræktina í klukkutíma daglega hreyfa sig lítið sem ekkert hina 23 tímana.
• 3) Með auknu vöruúrvali og velmegun eru fleiri hitaeiningar í boði á hverjum degi.
• 4) Fólk borðar á veitingastöðum í auknum mæli.
• 5) Gefum okkur ekki tíma fyrir okkur sjálf, t.d að fara í ræktina eða stunda íþróttir eða aðrar tómstundir sem krefjast hreyfingar.
• 6) Skipuleggjum ekki máltíðir dagsins og endum með að grípa í eitthvað óhollt í tímahraki.
• 7) Aukin neysla skyndibita
• 8) Stækkandi skammtastærðir
• 9) Unnar afurðir notaðar í auknum mæli í stað óunna. Til dæmis hvít hrísgrjón vs. hýðishrísgrjón, kjöthakk í stað kjúklingabringu.
• 10) Of lítil neysla á ávöxtum og grænmeti
• 11) Of lítil neysla á trefjum.

Athugasemdir

[Sigurður Andri Sigurðsson, 19.7.2007 kl. 13:50]

DR Ragg (einss og DR Phill) aaltaf þegar að ég les þessa síðu or reyndar einnig síðuna hjá Hlunknum (Bjarney) þá fyllist ég  svona Fíton krafti sem að er mjög gott.  Endilega haldu áfram að upplýsa okkur hin.

[Bjarney Bjarnadóttir, 19.7.2007 kl. 17:53]

hahahah dr.Ragg og Hlunkurinn! Gott teymi  

[Ragnhildur Þórðardóttir, 19.7.2007 kl. 19:42]

Dr. Ragg er snilldarnafn. Maður reynir að breiða út boðskapinn og alltaf gaman þegar einhver nennir að lesa. Takk fyrir það....knús...

[Ragnhildur Þórðardóttir, 19.7.2007 kl. 19:44]

Hlunkur er nú rangnefni fyrir svona fitness frík eins og þig Bjarney. Var að vonast til að sjá þig í Sporthúsinu í dag. Tók góða brjóstæfingu þar seinnipartinn.

[Bjarney Bjarnadóttir, 19.7.2007 kl. 23:06]

æi oh, og ég se, fór akkúrat niðrí Laugar að hlaupa!! jæja kannski næst En hvað varstu annars að villast í sporthúsið? ferðu oft þangað? Hvernig finnst þér að lyfta þar?

[Ragnhildur Þórðardóttir, 20.7.2007 kl. 08:30]

Týpískt að við skulum akkúrat vera á stöð hvor annarrar á sama tíma .  Ég lyfti stundum í Sporthúsinu með Heiðrúnu og borga þá bara fyrir skiptið.  Fínn tækjakostur og lóðaaðstaða þar og gaman að breyta um umhverfi af og til.  Annars er ég með kort í Hreyfingu og Laugum.  Ég rekst þá kannski á þig annaðhvort í Sporthúsinu eða Laugum fyrst að þú ert líka svona víðförul um líkamsræktarstöðvar borgarinnar .