Ommiletta kaupfélagsstjórans

Lítill fugl læddi að mér þeirri hugmynd að setja inn á síðuna uppskriftir að hollmeti.  Ég brást hin skjótasta við enda tek ég öllum uppástungum um efni á síðuna fegins hendi.  Hver veit nema þetta verði vikulegur þáttur hér á síðunni .

Hér deili ég með ykkur lesendur góðir uppskrift að vinsælum kvöldmat / hádegismat Naglans.  Svo vinsæll hefur þessi réttur verið í lífi Naglans að hann er nú í pásu sökum ofneyslu .

Ommiletta kaupfélagsstjórans:

Innihald:

5 eggjahvítur pískaðar saman í skál (rauðunni er alltaf hent á mínu heimili en það má setja eina rauðu ef fólk vill)

Grænmeti, það sem til er í ísskápnum hverju sinni, t.d laukur, sveppir, blaðlaukur, paprika, rauðlaukur, hvað sem er bara.  Grænmetið þurrsteikt í nokkrar mínútur eða þangað til laukurinn er orðinn sveittur.  Það er lykilatriði að eiga góða teflonhúðaða pönnu  svo ekki þurfi að drekkja matnum í olíu.  Sjálf steiki ég aldrei upp úr olíu, alltaf á þurri pönnu.

Eggjahvítum bætt út í grænmetið á pönnunni og látið malla á vægum hita í c.a 10 mínútur eða þar til efri hlutinn er orðinn þurr á að líta.  Þá er lettunni vippað á hina hliðina í nokkrar mínútur, smá pipar og voilá komin dýrindis prótínrík og fitulítil máltíð. 

Ofan á ommilettuna má setja 2-3 sneiðar af 11% osti, eða eina sneið af sojaosti sem svo bráðnar ofan á...jammí  og herlegheitin svo borin fram með gufusoðnu brokkolíi eða aspas og 1 msk af tómatsósu eða salsasósu ef vill. 

Bon appetite!!

Athugasemdir

[Kristjana Ósk (IP-tala skráð) 29.8.2007 kl. 15:13]

þetta er algjör snilldarréttur.. og svo er hann líka svooooo fljótlegur, sem er fínt fyrir svona lélega kokka eins og mig ;) ..en ég hef líka prófað að setja smá létt kotasælu eða sojamjólk út í eggjahvíturnar og píska vel, þá verður hún ennþá meira jammí...

[Elsa (IP-tala skráð) 29.8.2007 kl. 15:24]

Girnó spurning um að prufa þessa. Hérna hvaða grænmeti ert þú að borða ? Þú talar stundum um ávaxtasykur og eitthvað slíkt.

[Ragnhildur Þórðardóttir, 29.8.2007 kl. 19:59]

Kristjana, ég veit það ommiletta er algjör snilld fyrir lélega og lata kokka eins og okkur. Mér var sagt að hætta að nota sojamjólk sniff sniff og sakn sakn og þessir blesar hjá Mjólkursamsölunni eru hættir með létt kotasælu. Legg til að við fjöldamótmælum fyrir utan Bitruhálsinn. Fáum Sigga pönk í lið með okkur, hann kann að mótmæla.

Elsa. Það er ekki ávaxtasykur í grænmeti, bara í ávöxtum. Ég borða flest allt grænmeti enda er það gott í kroppinn. Sveppir, laukur, paprika, rauðlaukur, blaðlaukur, brokkolí, blómkál, rófur, kartöflur, sætar kartöflur, kál, tómatar, gúrka... the list goes on and on.

[Óla Maja (IP-tala skráð) 29.8.2007 kl. 20:10]

Frábær uppskrift  Ég prófa þessa áður en langt um líður. Skora á þig að koma með fleiri svona uppskriftir.

Má ég annars spyrja; ef þú mátt ekki fá þér sojamjólk lengur - færðu þér þá einhverja mjólk út á hafragrautinn? Ég hef borðað hafragraut a la Ragga síðan þú sagðir frá honum hér á síðunni (hann er b.t.w. algjört æði) og borða hann alltaf mjólkurlausan (hef bara aldrei vanið mig á mjólk út á hafragraut) en ég hef verið að spá í hvort mig vanti þá ekki prótein í morgunmatnum..!

[Hrund (IP-tala skráð) 29.8.2007 kl. 20:42]

Ein spurning: Er venjuleg kotasæla ekki í lagi ef maður er að reyna að grenna sig? ....og annað: er soyaostur fitumikill miðað við venjulegan ost (11-17%)?

 kv. Hrund

[Ragnhildur Þórðardóttir, 29.8.2007 kl. 21:09]

Óla Maja,

Ég fékk mér alltaf smá slettu af sojamjólk út á hafragrautinn en það er ekki prótínskammturinn, heldur fæ ég mér annað hvort prótínsjeik með eða 4 eggjahvítur. Þaðan kemur prótínskammturinn í morgunmatnum.

Hrund,

Venjuleg kotasæla er í góðu lagi, aðeins 5% fita. Sojaostur er dálítið feitur en ef þú notar bara eina sneið af og til er það í góðu lagi. Ef þú ert að spá í fituinnihald þá er 11% ostur betri kostur... þetta rímaði meira að segja.

[Hrund (IP-tala skráð) 29.8.2007 kl. 21:22]

takk fyrir svarið...bara eitt í viðbót!! Svo er ég hætt í bili  Hvað má maður borða mörg egg á dag? Er ekki eitthvað hámark?

Hrund

[Ragnhildur Þórðardóttir, 29.8.2007 kl. 21:33]

mátt borða eins mikið af eggjahvítum og þú vilt en ekki meira en 3-4 rauður á dag.

[Óla Maja (IP-tala skráð) 29.8.2007 kl. 21:52]

Jahá..! Það er semsagt alveg óhætt fyrir mig að borða meira á morgnana  En gaman..

Takk fyrir svarið

[Mína (IP-tala skráð) 30.8.2007 kl. 11:10]

Frábært að fá góðar hugmyndir að einföldum en hollum mat. Endilega að láta fleiri hugmyndir flakka öðru hvoru

Takk fyrir góða og fróðlega síðu. 

[Kristjana Ósk (IP-tala skráð) 30.8.2007 kl. 19:30]

..afhverju hættiru að drekka soyamjólk? ..en já ég er til í mótmæli, vil fá létt kotasæu aftur.. það hlaut að vera að það væri hætt að framleiða hana,er búin að leita af henni ansi lengi