Oversovelse

 

Það hlaut að koma að því....eftir að hafa vaknað samviskusamlega kl. 5:30 á hverjum einasta virka morgni í mörg herrans ár til að fara í ræktina án þess að klikka, sváfu Naglinn og hennar ektamaður yfir sig í morgun og rumskuðu ekki fyrr en kl. 8:19.  Fyrr má nú sofa yfir sig!! 

Svo það varð ekkert úr brennslu þennan morguninn hjá Naglanum en verður bætt upp seinnipartinn eftir lyftingarnar. 

Finnst eins og ég hafi ekki burstað í mér tennurnar eða sé skítug af því ég fór ekki í ræktina í morgun.  VÁÁÁ hvað maður er orðinn mikill fíkill, þetta er bara eins og heróínneytandi að fá skammtinn sinn að fara og hamast og djöflast.

"Svarthvíti" hugsunarhátturinn er líka að lauma sér upp í heilabúið, með leiðinlegar hugsanir eins og að nú sé allt ónýtt fyrst það datt eitt skipti út.... en ég er á fullu að henda slíkum hugsunum út í hafsauga. 

Athugasemdir

[Ingunn Þ. (IP-tala skráð) 19.10.2007 kl. 10:32]

Blessuð góða...ég er viss um að þú komir bara tvíefld til leiks í næstu lotu
Ekki vera með þetta andlega ofbeldi á sjálfa þig

[Ragnhildur Þórðardóttir, 19.10.2007 kl. 11:31]

Ég er líka alveg viss um það, held að þetta hafi verið örlögin að grípa í taumana og segja mér að chilla aðeins í brennslunni (ekki kexinu).  Á örugglega eftir að vera hrikaleg á lyftingaæfingu á eftir, full af orku og nautsterk .

[Óla Maja (IP-tala skráð) 19.10.2007 kl. 13:22]

Vá hvað ég skil þig vel  Finnst alveg glatað ef ég kemst ekki á æfingu (er með tvö börn og stundum kemur eitthvað uppá með þau sem ekki er gott að gera nokkuð við). Er líklega ekki búin að stunda þessa morguniðju eins lengi og þú en núorðið er ég alveg ómöguleg ef ég kemst ekki í ræktina að morgni. Auðvitað er  planið ekkert ónýtt en þó skynsemin segi manni það, þá er vaninn bara svo sterkur að það er erfitt að sætta sig við svona uppákomur

Njóttu þín á æfingunni í dag

[Ragnhildur Þórðardóttir, 19.10.2007 kl. 13:37]

Akkúrat Óla Maja, þegar allt kemur til alls þá er maður ekkert nema vaninn og verður rosalega háður daglegu rútínunni. Þegar eitthvað raskar henni þá er voðalega erfitt að höndla það.  Ég segi stundum við fólk þegar ég er skömmuð fyrir að vera svona hrikalega "anal" í kringum æfingarnar, að þó að engin fíkn sé af hinu góða, þá sé það þó skárra að vera með ræktarfíkn en aðra óhollari fíkn .

Ætla að taka hrikalega á bibbanum og tribbanum á eftir....  

[sas (IP-tala skráð) 19.10.2007 kl. 15:08]

Ertu þá að brenna á morgnana og lyfta á kvöldin.  Er það holt? ég meina kemur ekki árangurinn í hvíldinni.  Kannski heimskuleg spurning en ef að maður spyr ekki þá veit maður ekki. 

[Ragnhildur Þórðardóttir, 19.10.2007 kl. 17:05]

Það er ekki til neitt sem heitir heimskuleg spurning að mínu mati. Já ég brenni á morgnana og lyfti seinnipartinn, á meðan ég er að skera niður fyrir mótið enda aðeins 5 vikur til stefnu. Svo passa ég að borða vel og rétt og sofa vel (gerði það aldeilis síðustu nótt) og þá geng ég ekki of mikið á mig. Ég brenni samt ekki svona mikið aðra daga ársins.

[Óla Maja (IP-tala skráð) 19.10.2007 kl. 17:23]

Ég aftur! Segðu mér.. varstu búin að ákveða hvort þú tekur þátt í Þrekmeistaranum núna? Man bara eftir því þegar þú talaðir um að þetta væri svo óhentugur tími vegna tímasetningar á Fitness.

[Elín Björk Ásbjörnsdóttir (IP-tala skráð) 19.10.2007 kl. 19:47]

Sælar aftur

Ég held að ég hafi skrifað athugasemd á vitlausan dag, þar að segja daginn í gær.

Ef þú nennir mátt þú kíkja á þær.

Kveðja Elín