Jóla hvað??

 Nú er tími vellystinga í mat og drykk að renna upp. 

Margir fá eflaust kvíðahnút í magann yfir að kílóin safnist utan á þá yfir jólahátíðirnar, og árangur vetrarins eftir hamagang í ræktinni og strangt mataræði fokinn út í veður og vind.  En það er ekkert lögmál að bæta á sig jólakílóum.   Það er vel hægt að fara á jólahlaðborð og í jólaboð án þess að kýla vömbina. 

 

Á jólahlaðborðum er mjög margt hollt í boði.

 

Veljum:

Lax og síld: bæði eru sneisafull af góðu Omega- 3 fitusýrunum. 

Kalkúnn: mjög magur og prótínríkur,

Sætar kartöflur og kartöflur: góð flókin kolvetni 

Rúgbrauð: er í lagi... í hófi samt

Gufusoðið grænmeti: gulrætur, grænar baunir, blómkál, brokkolí o.s.frv er besta fæða sem við látum ofan í okkur, pakkað af vítamínum og andoxunarefnum

Roast beef: Eitt magrasta kjöt sem völ er á, pakkað af prótíni

Rauðkál: allt í lagi, smá sykur í því en ekkert til að panika yfir

 

Forðumst:

Laufabrauð: steikt upp úr feiti...viðbjóður!!

Sykurhúðaðar kartöflur:  Sykurhúðaðar.... Need I say more?

Rjómasósur: mettuð fita fyrir allan peninginn

Hangikjöt: salt og fita alla leið

Majónes síldarsalöt: Majó er afurð djöfulsins og ætti að forðast í lengstu lög

Paté:  Mikil mettuð fita, dýrafita

Svínasteik/ Purusteik: Dýrafita = hækkað kólesteról=kransæðasjúkdómar

Desert:  Erfitt en sparar fullt af tómum hitaeiningum úr sykri og fitu.  Ef þér finnst þú eiga það skilið, fáðu þér nokkrar skeiðar til að seðja sárustu löngunina, en ekki klára fullan skammt.

Í jólaboðum er allt í lagi að kanna fyrirfam hjá gestgjafanum hvað sé í matinn, og koma þá með sitt eigið kjöt í Tupperware ef við viljum ekki fylla æðarnar af mettaðri fitu úr svíni eða öðru óhollu kjöti.   Þá má nýta góða meðlætið sem gestgjafinn býður upp á en sneitt framhjá óhollustu á borð við rjómasósur, sykurbrúnaðar kartöflur og fengið okkur þeim mun meira af grænmeti, kjöti og laxi.

Munið bara að njóta þess að fá ykkur gott að borða, án þess þó að magnið keyri fram úr hófi.  Með því að velja rétt og borða hæfilega skammta, getum við farið í gegnum allar matarveislurnar án þess að bæta á okkur.

 

Njótið vel !!   

 

Athugasemdir

[Mína (IP-tala skráð) 19.11.2007 kl. 09:59]

Frábærar leiðbeiningar - takk fyrir þetta

Prenta þetta út og tek með mér hvert á land sem er. hehe

[Ragnhildur Þórðardóttir, 19.11.2007 kl. 11:48]

Ekki málið skvís, maður verður að sjálfsögðu við óskum dyggra lesenda.  Til hamingju með buxnadæmið, þú ert algjör hetja og þvílíkt dugleg.  Er að kafna úr stolti af þér .

[Fjóla Þorsteins (IP-tala skráð) 19.11.2007 kl. 14:07]

Hæ, bara hjartanlega sammála þér með hvert orð.

[Majan (IP-tala skráð) 19.11.2007 kl. 22:04]

Þú ert snillingur! Aldeilis þörf áminning þetta - ég verð með þessa bloggfærslu í rassvasanum fram yfir áramót.

Vá, það er hrikalega stutt eftir - nú er bara að massa þetta fyrir allan peninginn!! Ég er búin að kaupa miða - verð á svæðinu og garga á ykkur duglega fólk :) Kooooooooooma svoooooooo!

[Ragnhildur Þórðardóttir, 20.11.2007 kl. 08:31]

Maja!  Frábært að þú ætlir að mæta og styðja okkur skvísurnar.  Þú verður að garga á okkur: "út með latsana", "setja í lærin", "brosa".  Þetta verður stuð, ég hlakka bara til .