BCAA... Very very important mæ frend

Prótín veitir líkamanum byggingarefni fyrir vefi, aðallega fyrir vöðvavefi.
Þetta byggingarefni kallast amínósýrur en prótín er samsett úr keðjum amínósýra, sumar framleiðir líkaminn sjálfur en aðrar þarf hann að fá úr fæðunni.

Þær sem líkaminn getur ekki búið til sjálfur kallast BCAA og nefnast isoleucine, leucine og valine.

Til þess að aminosýrur nýtist til uppbyggingar vefja forðast líkaminn að nota prótín sem orkugjafa í hvíld og brennir frekar kolvetnum og fitu.

Í átökum, eins og þegar við lyftum, notar líkaminn einnig kolvetni og fitu til að knýja sig áfram en líka prótín og þá aðallega BCAA amínósýruna leucine.

Þess vegna er mikilvægt að taka inn aminosýrur fyrir og eftir æfingu til að tryggja nægilegar birgðir af BCAA í líkamanum fyrir átökin, sérstaklega af leucine. Þannig komum við í veg fyrir vöðaniðurbrot og BCAA geta sinnt hlutverki sínu að byggja upp vöðva.

Athugasemdir

[Audrey, 18.12.2007 kl. 14:56]

Og hvar fáum við þetta leucine?  Í hverju er það?  Alltaf er ég læra eitthvað nýtt hérna

[Ragnhildur Þórðardóttir, 18.12.2007 kl. 17:41]

Með því að taka inn BCAA töflur fyrir og eftir æfingu ertu komin með góðar birgðir af leucine ;-). Færð þær í bætiefnaverslunum, t.d Hreysti eða Vaxtarvörum.

Þú tókst ansi vel á því í ræktinni áðan. Keep up the good work!!

[Audrey, 18.12.2007 kl. 18:11]

Takk fyrir þetta!

Já, ég held að ég sé eitthvað vel hlaðin í dag - var að byrja að taka kreatín í fyrsta skipti hehe... annars get ég bara ekki beðið eftir að fá að byrja að brenna meira og borða pínu minna!  Mér finnst ég eitthvað voða mikil og stór þessa dagana

[Ragnhildur Þórðardóttir, 18.12.2007 kl. 20:50]

Kreatínið gerir rosalega hluti, ekkert smá gaman fyrstu dagana eftir kreatínhleðslu og maður tekur á því eins og skepna. Vertu sátt við stærðina, því meiri massi því betra. Fagnaðu hverju kílói og hverjum sentimetra ;-)

[Svanur Heiðar Hauksson, 18.12.2007 kl. 23:15]

Hæ Ragnhildur ég er gamall íþróttamaður og var svo í líkamsrækt í fjölda mörg ár en hef ekki tekið á því síðustu árin en er með kort í Hreyfingu næstu tvö árin að ég held. nú er að drífa sig af stað og því spyr ég hvar fæ ég Kreatín og hvað er það. Kær kveðja Svanur.

[Ragnhildur Þórðardóttir, 19.12.2007 kl. 08:04]

Kreatín færðu í öllum helstu verslunum með fæðubótarefni. Til þess að fræðast meira um kreatín bendi ég þér á færsluna: Kreatín er fyrir alla, konur og kalla sem þú finnur undir fastar síður hér til vinstri á síðunni.

Gangi þér vel í ræktinni ;-)