Bringing sexy back

Bakið á Naglanum er eins og það hafi lent í hakkavél.  Í síðustu viku voru sperrurnar í latsanum allsráðandi en núna eru þær á milli herðablaðanna, sem er bara jákvætt því Naglann vantar meiri þykkt á bakið. 

Brækur Naglans eru að þrengjast óþægilega mikið yfir lærin og ekki alveg eins auðvelt að hneppa og áður. Naglinn er á fullu að telja sér trú um að þetta séu vöðvar sem fylla svona skemmtilega út í óteygjanlegt gallaefnið.  

En í þessu "bulking" tímabili þarf maður víst að sætta sig við að nota smurolíu og skóhorn til að komast í gallabrækur, og víðar peysur eru eina spjörin í boði, til að fela mallakútinn .

 

 Hér kemur Bakæfing gærdagsins:

Upphífingar:  negatífur (hoppað upp og stjórnað á leiðinni niður) 5 sett x 8 reps

Þessi er algjör snilld fyrir peð eins og Naglann, eftir að hafa rembst í þessari getur Naglinn núna híft sig upp án aðstoðar heilum 3svar sinnum.  Bíðið bara, einn daginn verða lóðaplötur festar við mittið og repsað eins og vindurinn.  En hún drepur á manni lófana... bætir verulega í siggið.

Róður með lóð: 30 kg x 8 reps, 30 kg x 8 reps, 32,5 x 6 reps, 32,5 x 5 reps, 32,5 x 5

Niðurtog (að eyrum): 32,5 kg x 7 reps , 32, 5 kg x 7 reps, 35 kg x 6, 35 kg x 5 reps

Róður með stöng: 50 kg x 7 reps, 50 kg x 7 reps , 52, 5 kg x 5 reps , 52,5 kg x 5 reps

Niðurtog (að framan): 4 sett x 25 kg x 8 reps 

 

Kviður:

Decline uppsetur m/ lóð: 4 sett x 14 kg x 12 reps

Kviðkreppa í vél * (súpersett) * Fótalyftur með beina fótleggi: 3 sett x 15 reps * 15 reps

Athugasemdir

[Helga Dögg (IP-tala skráð) 30.1.2008 kl. 14:31]

Ha

[Helga Dögg (IP-tala skráð) 30.1.2008 kl. 14:34]

Ha ha... þvílík snilld! Mig vantaði einmitt hugmynd af góðri bakæfingu fyrir morgundaginn ;o) Takk fyrir!

Ein spurning ef það er ok. Þegar þú tekur ZMA-ið, fyrir svefnin væntanlega þá, ertu þá ekki að borða neitt eftir kvöldmat? Ekkert prótein og ekki neitt? Tekurðu það oftar yfir daginn, fyrir æfingu eða eitthvað slíkt?

En hvað þá með kreatín, er það þá úti líka, kannski óþarfi? Ég hef verið að taka Betagen frá EAS og hef alltaf tekið einn skammt fyrir svefninn en það hlýtur að draga úr virkni ZMA-sins þar sem það er einhver sykur og e-ð í því. Ætti ég þá að sleppa kvöldskammtinum af Betageninu?

Takk takk fyrir góð ráð og skemmtilegt blogg :o) Þú ert langefst í mínu favorites!

[Ragnhildur Þórðardóttir, 30.1.2008 kl. 15:06]

Blessuð Helga Dögg,

Ég fæ mér prótín fyrir svefninn og ZMA c.a hálftíma seinna.  Reyndar segir á dollunni að maður megi ekki borða neinar mjólkurafurðir með ZMA en ég las um þetta á spjallþráðum og það virðast flestir fá sér prótín samt og svo ZMA hálftíma seinna.

Kreatín tek ég fyrir og eftir æfingu, en aldrei fyrir svefn.  Ég nota bara hreint kreatín og hef aldrei prófað Betagen svo ég veit ekki hvernig notkunarreglurnar eru þar.  Áttu að taka það fyrir svefninn?  Ég  prófaði einu sinni kolvetnablandað kreatín og vatnaðist svo af því, en hef ekki upplifað það með hreint kreatín.  Ég myndi ekki halda að það trufli ZMA virknina svo mikið, en þú ættir samt að láta líða smá tíma á milli, t.d hálftíma - klukkutíma.   

[Haukur (IP-tala skráð) 30.1.2008 kl. 15:46]

Ég tek alltaf ZMA fyrst til að trufla ekki frásog og fæ mér svo prótein ca. hálftíma seinna fyrir svefninn.

[Ragnhildur Þórðardóttir, 30.1.2008 kl. 17:39]

Það er líklega betra svoleiðis eins og þú gerir það Haukur. Ég ætla að gera þetta hinsegin hér eftir.

[Helga Dögg (IP-tala skráð) 30.1.2008 kl. 22:18]

Glæsilegt :o) Takk fyrir þetta bæði tvö!!

Ég tek hér með upp nýtt kvöldplan...

Bkv. Helga Dögg