Mál og vog

Það er ekki bara góð regla að mæla og vigta matinn sinn, það er nauðsynlegt þegar markmiðið er að losa sig við aukakílóin.  Alltof margir slumpa á skammtastærðina og neyta því fleiri hitaeininga en þeir þurfa á hverjum degi.  Svo skilja þeir hinir sömu ekkert í því af hverju kílóin sitja sem fastast og byrja að trúa kjaftæðinu um að þeir séu bara óheppnir með gen.

Þetta myndband er góð áminning til okkar allra... líka til okkar sem mælum og vigtum matinn.

 

Athugasemdir

[Nanna (IP-tala skráð) 23.6.2008 kl. 10:02]

Ég er svo hjartanlega sammála ;)  Ég set allt upp í reikniforrit og vigta svo á hverjum morgni máltíðir dagsins!  Skiptir lykilmáli!!!

[Ragnhildur Þórðardóttir, 23.6.2008 kl. 10:28]

Það skiptir nefnilega öllu máli að vigta matinn sinn.  Maður sér þarna svart á hvítu hvað rétt rúmlega eða slump getur safnast saman þegar öllu er á botninn hvolft.

[Snjólaug (IP-tala skráð) 23.6.2008 kl. 11:07]

Já þetta er nauðsynlegt til að byrja með allavegana en hjá mér er nú helsta vandamálið að vita hvað ég á að vera að borða mikið. Ég geri mér litla grein fyrir því hvað ég er að brenna á hverjum degi, hvað t.d. brenni ég miklu við það að hjóla í vinnuna? .. hef ekki hugmynd

[Ragnhildur Þórðardóttir, 23.6.2008 kl. 11:11]

Notaðu púlsmæli, hann sýnir þér nákvæmlega hvað þú ert að brenna mörgum hitaeiningum miðað við hæð þína og þyngd. Bæði við að hjóla í vinnuna, út í göngutúr og á æfingu.  Algjört þarfaþing að mínu mati .

[Kristín Helga (IP-tala skráð) 23.6.2008 kl. 13:01]

Góð síða hjá þér Ragga, fullt af fróðleik! Ég ætla t.d. beint út í búð að kaupa almennilega eldhúsvog. En segðu mér, hvar kaupir maður púlsmæli sem sýnir brennsluna?

[Ragnhildur Þórðardóttir, 23.6.2008 kl. 13:19]

Sæl Kristín Helga, takk fyrir það kærlega .  Ég er persónulega hrifnust af Polar púlsmælunum.  Þeir fást í Hreysti, Útilíf og Intersport, en mínir hafa verið keyptir hjá P. Ólafsson í Hafnarfirði sem flytja þá inn. 

[ingunn (IP-tala skráð) 23.6.2008 kl. 13:42]

Hehehe, þetta myndband er algjör snilld. Rakst einmitt á það fyrir nokkrum mánuðum. Það er sérstaklega mikið möst að vigta alla fitu, t.d. hnetusmjörið eða möndlurnar því það safnast heldur betur saman ef maður borðar of mikið í einu.

Btw þá prófaði ég delite sjeik m hrískökum út í um daginn. Sæll! Vá hvað það er gott. Besta post-wo máltíð sem ég hef fengið. 

[Ragnhildur Þórðardóttir, 23.6.2008 kl. 13:48]

Ég er að segja þér það kelling, þetta er eins og bragðarefur, algjör suddi.  Tala nú ekki um að bæta bönunum og jarðarberjum út í líka á hátíðis- og tyllidögum.

[Audrey, 23.6.2008 kl. 23:22]

Ég fæ reyndar pínu leið á hrískökunum útí, finnst rosa gott að setja bara hafra.

En með að vigta.... þetta á ég eftir. Mæli mitt í skeiðum og lúkum ;-)

[Ragnhildur Þórðardóttir, 24.6.2008 kl. 08:54]

Færðu þér hafra eftir æfingu?  Það eru hæglosandi kolvetni, og ýta prótíninu ekki jafn hratt inn í vöðvana til að hefja endurnæringu.

Það er ótrúlegt hvað það borgar sig að vigta matinn nákvæmlega, sérstaklega þegar markmiðið er að losna við yfirvigtina .

[Mama G, 24.6.2008 kl. 09:46]

Jæja, þannig að ástæðan fyrir því að "þessi síðustu 5" sitja alltaf sem fastast eru bara þessar nokkrar auka kcal hér og þar allan daginn? - figures... Úff, er samt að mygla yfir tilhugsuninni um að fara að mæla allt ofan í mig, hvað með í vinnunni!? á maður að vera með vogina í mötuneytinu og teppa röðina í korter til að vigta sér hádegismat?

Oh, nenni sko ekki að byrja á þessu fyrr en eftir sumarfríið

[Ragnhildur Þórðardóttir, 24.6.2008 kl. 10:00]

Mama G.  Nei það er algjör óþarfi að teppa alla röðina.  Miklu betra að koma bara með nesti með sér, þá veistu nákvæmlega hvað er í matnum og ert búin að vigta heima.  Það er líka miklu ódýrara

[Fjölnir (IP-tala skráð) 24.6.2008 kl. 22:14]

Ha ha, vá hvað ég er sekur um að mæla vitlaust... sérstaklega allt duft draslið.  Ég hef ágæta hugmynd um að ég sé að fá 40-60g af próteini í hverjum shake, og 5-15g af arginine og glutamine þegar ég nota próteinskeiðina í það.

 Ég þarf að athuga þetta eitthvað 

[Ragnhildur Þórðardóttir, 25.6.2008 kl. 13:30]

Hehehehe .... ég er nefnilega líka sek þegar kemur að prótínduftinu.  Fæ mér alltaf vel rúmlega skeið.  Maður áttar sig ekki á hvað þetta safnast saman fyrr en það er sett niður svona svart á hvítu.