RannsóknarNagli

Naglinn bauð sig fram sem þátttakandi í rannsókn hjá sjúkraþjálfunarskor við Háskóla Íslands, þar sem verið er að athuga hvernig hreyfiferlar og vöðvavirkni í neðri útlimum breytist með tilkomu þreytu hjá heilbrigðum einstaklingum við hlaup.  Semsagt hvaða vöðvar í fótunum þreytast fyrst við hlaup, og hvernig bregðast hinir vöðvarnir við þegar það gerist.  Fara þeir að vinna meira eða öðruvísi? 
Naglanum finnst þetta afar athyglisverð rannsókn, og hlakkar til að heyra niðurstöðurnar. 

Naglinn mætti í fyrra mælinguna af tveimur í gær.  Þá hljóp Naglinn á stigvaxandi hraða á hlaupabretti þangað til ég treysti mér ekki lengur að halda hraðanum.  Semsagt að uppgjöf. 
Í seinni mælingunni á Naglinn að hlaupa í 20-30 mínútur á jöfnum hraða sem ákvarðaður verður út frá niðurstöðu fyrri mælingarinnar.  Þegar Naglinn metur álag 19-19,5 á Borg skala á að hætta að hlaupa.

Þar sem Naglinn verður allur í rafskautum og elektróðum á fótunum þá var beðið um að mæta í stuttbuxum. 
Naglinn gróf upp eina slíka spjör lengst innan úr skápnum, sem voru keyptar þegar Naglinn var töluvert léttari og minni um sig en nú.  Sem betur fer voru engir speglar á svæðinu, enda brækurnar ósiðlega stuttar og ekki að gera vextinum neinn greiða.  Vægast sagt óþægilegar aukaverkanir fylgdu því líka að vera í brókum sem ná upp í görn, en lærin nudduðust svona skemmtilega saman og nú er Naglinn með svöðusár innan á lærunum.  Naglinn labbar því eins og með gulrót upp í ....  

Spurning með að redda sér nýrri brók fyrir næsta hlaup og þá einhverjar sem ná niður á mið læri takk.

Athugasemdir

[M, 20.8.2008 kl. 10:29]

[Mama G, 20.8.2008 kl. 10:51]

Já, maður kannast við að hafa fundið svona what-was-I-thinking-!?-spjarir í skápnum hjá sér annað slagið  Ég bíð líka spennt eftir niðurstöðum. Koma þær fyrir helgi??

[Ragnhildur Þórðardóttir, 20.8.2008 kl. 11:40]

Niðurstöðurnar koma örugglega ekki í bráð, enda eiga miklu fleiri eftir að taka þátt, svo þarf að vinna úr gögnunum og skrifa skýrslu. Þessar akademísku rannsóknir taka yfirleitt einhverja mánuði að birta niðurstöður.

En ég bíð spennt. Seinni mælingin mín er í næstu viku.

[Guðrún Emilía Guðnadóttir, 20.8.2008 kl. 21:48]

Varstu samt ekki bara sexý? nei maður er víst aldrei flottur ef maður þarf að passa sig eitthvað, en flott hjá þér að taka þátt.
Kveðja
Milla.

[sas (IP-tala skráð) 21.8.2008 kl. 07:49]

Ragga gætirðu aðeins  aðstoðað, hvaða vöðvar á maður að æfa samann er að reyna að stíla inn á efri hlutan og lyfta 4 sinnum í vikuþ? 

[Ragnhildur Þórðardóttir, 21.8.2008 kl. 08:38]

Milla!  Já það er nauðsynlegt að mínu mati að leggja sitt af mörkum í þágu vísindanna .  Svo var þetta bara skemmtilegt fyrir utan læranuddið .

SAS! Það eru svo endalausir möguleikar á samsetningu lyftingaprógramms. 
Ef þú ætlar að lyfta 4x í viku þá mæli ég með annað hvort:
1) efri-neðri- hvíld eða brennsla-efri-neðri-hvíld eða brennsla-hvíld

2) brjóst+þríhöfða- bak+tvíhöfða- hvíld eða brennsla- fætur,-axlir+hendur,- hvíld eða brennsla-hvíld

Gangi þér vel!

[Guðrún Emilía Guðnadóttir, 21.8.2008 kl. 10:57]

Ég er líka hlynnt því, var sjálf að taka þátt í heilmikilli rannsókn á vegu
Íslenskra erfðagreiningar og hjartalækna, minn hjartasjúkdómur passaði akkúrat við þessa rannsókn og vona ég að þeir finni eitthvað með tímanum út úr þessu. hef einnig tekið þátt í giktarrannsókn.
Knús í daginn
Milla

[Ragnhildur Þórðardóttir, 21.8.2008 kl. 11:08]

Frábært framtak hjá þér Milla .  Ég vann við vísindarannsóknir á LSH og hef sjálf gert rannsóknir í náminu og þekki því mikilvægi þess að fá þátttakendur.  Það kemur mér alltaf jafn mikið á óvart hve margir eru tilbúnir til að fórna tíma sínum og taka þátt í rannsóknum sem snerta ekki endilega þeirra eigin hagsmuni.

[Guðrún Emilía Guðnadóttir, 21.8.2008 kl. 11:12]

Mér hefur ætíð fundist það bara skilda mín ef ég get gert eitthvað í þágu vísindanna, sem hjálpa til við að finna til dæmis lyf við hinum ýmsu sjúkdómum.

[Nanna (IP-tala skráð) 21.8.2008 kl. 11:32]

Úff, það þyrfti 5 karlmenn til að reyna að fá mig til að fara í stuttbuxur....  Don´t like them at all!!!

[sas (IP-tala skráð) 25.8.2008 kl. 20:27]

takk takk