Fjarþjálfun Naglans

 

Fjarþjálfun er tiltölulega nýtt fyrirbæri á markaði.  Hún virkar þannig að þjálfari og skjólstæðingur hans eiga samskipti sín á milli í gegnum þann magnaða miðil, veraldarvefinn.  Þjálfari lætur í té æfingaplan og fylgist með mataræði, og skjólstæðingur veitir upplýsingar um árangur. 

Fjarþjálfun getur hentað ansi stórum hópi fólks.  Fjölmargir eru ekki tilbúnir til að borga svimandi háar upphæðir fyrir einkaþjálfara, og eins og efnahagsástandið er í dag þarf að ígrunda vel hverja krónu.  Aðrir búa úti á landsbyggðinni þar sem slík þjónusta er hreinlega ekki í boði.  Enn öðrum finnst best að æfa einir en vilja gjarnan leiðsögn og upplýsingar til að tími þeirra nýtist sem best.

Margir hafa forvitnast að undanförnu um Fjarþjálfun Naglans. 
Það hefur ekki farið hátt um þennan valkost, en Naglinn tekur semsagt að sér fjarþjálfun fyrir þá sem vilja ná árangri í sinni þjálfun og mataræði. 

Áhugasömum er bent á www.ragganagli.com fyrir frekari upplsýsingar eða senda tölvupóst á [e-mail]. 

Athugasemdir

[M, 19.9.2008 kl. 10:23]

Ég verð sko í bandi, finnst þetta snilld   Veit að matarræðið verður erfiðast

Held einmitt að það sé svo gott að fá leiðbeiningar og hvatningu.  

Eigðu ljúfa helgi framundan

[Ragnhildur Þórðardóttir, 19.9.2008 kl. 10:29]

Halldóra!  Góða skemmtun á TINU, hún er lang flottust.  Að halda sér í þessu formi verandi á sjötugsaldri er tilefni í Nóbelsverðlaun.   Vertu í bandi þegar þú kemur til baka.

M! Ekki spurning, vertu í bandi þegar þú ferð aftur á stjá.  Mataræðið er bara vani, smá hjalli að komast yfir fyrst, en svo langar þig bara að borða hollt þegar þú finnur hvað þér líður vel af því.

Góða helgi skvísur

[Baddý "granni" (IP-tala skráð) 19.9.2008 kl. 17:43]

Hæ, hæ, ótrúlega gaman að fylgjast með þér og gaman að lesa síðuna þína. Ég kíki reglulega hingað inn og fannst kominn tími til að skrifa eitt stykki comment. Gangi þér rosa vel næstu vikunar og ég vona að þú rúllir þessari fitness keppni upp. Svo má náttúrulega benda á að fjarþjálfunin hentar einstaklega vel fyrir íslendinga sem búa erlendis, fólk er nefnilega ekkert að tapa sér í gymminu hérna úti og því vantar oft hvata. Góða helgi!!! Kveðja frá Vínarborg, Baddý "granni"

[Ragnhildur Þórðardóttir, 20.9.2008 kl. 07:48]

Nei, blessuð Baddý. Gaman að þú skulir kíkja hér í heimsókn, takk fyrir það kærlega. Hvernig er lífið í Vínarborg? Ég skal alveg trúa því að Austurríkismenn séu ekki að rífa harkalega í járnið eins og landi þeirra hann Arnold.

Þetta er einmitt góð hugmynd fyrir Íslendinga erlendis, því oft eru tungumálaörðugleikar mikil hindrun í að fá sér þjálfara, eða að fólk vill fá einhvern með svipaðan bakgrunn.

Bestu kveðjur til þín og fjölskyldunnar.

P.S ég sé oft Jason og Rós frænku þína í Laugum (í sitthvoru lagi), en þori ekki að ganga upp að þeim og kynna mig....*roðn*