Beygjur og skór

Naglinn vill benda þeim sem taka hnébeygjurnar (sem auðvitað allir lesendur síðunnar gera) að athuga skóbúnað sinn rækilega.

Skórnir eiga að vera með flötum botni, þannig virkjum við þjóhnappana og haminn (aftan læri) betur. S
kór með hækkuðum hæl, eins og til dæmis margir hlaupaskór, skekkja stöðuna og færa þungann óeðlilega mikið fram á við. Þannig virkjast framan lærin of mikið til samanburðar við rass og ham. Það veldur ósamræmi í styrk að framan og aftan í lærum.

Jafnframt læsir hækkaður hæll hreyfiferlinum dorsiflexion við ökklann sem er tá í sköflung.
Þegar hreyfanleika vantar á liðamótum reynir líkaminn að bæta það upp með því að leita hvar sem er að hreyfiferli. Hvað varðar takmarkaðan hreyfanleika á ökkla snýst fóturinn út á við og að innan verður snúningur á neðri og efri legginn til að vinna upp skortinn á hreyfanleika á ökkla. Þegar fóturinn snýst inn á við missirðu hreyfiferil til að snúa mjaðmalið út á við. Þetta er meginástæða þess að konur eiga það til að láta hnén detta inn á við þegar þær taka hnébeygjur, framstig, réttstöðulyftu o.s.frv. Þetta tengist verkjum í framanverðu og hliðlægu hné.

Þegar við missum hreyfanleika við mjöðm leiðir til óeðlilega mikils hreyfiferils í neðra baki, en við viljum að það sé stöðugt svo það geti fært kraft frá neðri líkama upp í efri part og öfugt. Ef mjóbak er of hreyfanlegt verður ekki áhrifarík færsla á þessum krafti og hryggsúlan getur orðið fyrir óþarfa áreiti. Þetta getur leitt til bakverkja.

Skilaboðin eru þau að lélegur skóbúnaður, hvort sem er vegna hækkunar á hæl, eða að skórnir eru of háir eða þröngir yfir ökklann getur leitt til vandamála ofar í hreyfikeðjunni. Lausnin felst í að skipta yfir í skó sem færa okkur nær jörðinni, semsagt flatbotna skór, nú eða bara vera á sokkaleistunum eða tásunum.

Athugasemdir

[Anna María (IP-tala skráð) 20.10.2008 kl. 20:52]

Jahá... þessi færsla passar eins og hanski við það sem ég er búin að vera að hugsa um síðan á æfingu í morgun. Ég neflilega er ansi hreint aum í bakinu núna eftir hnébeygjur dagsins. Næst prófa ég að vera á sokkaleistunum og athuga hvort það sé kannski málið.

Bestu þakkir mín kæra

Kveðja

Anna María

[Ragnhildur Þórðardóttir, 20.10.2008 kl. 21:21]

Það gæti líka verið að þú sért ekki að skjóta rassinum nógu mikið aftur, þá fer þyngdin í bakið.

[Vala Árnadóttir (IP-tala skráð) 21.10.2008 kl. 08:50]

Takk fyrir, þetta er einmitt búin að vera í vandræðum með að finna réttu stöðuna í þessari æfingu finnst ég svo föst og erfitt að halda jafnvægi. Nú verður bara strippað fyrir framan stöngina og málið er leyst - takk, takk.

[Mama G, 21.10.2008 kl. 09:07]

Hæ, mælirðu með einhverri spes tegund af skóm til að nota í lyftingar? Ég á bara Asics hlaupaskó þessa dagana

[Ragnhildur Þórðardóttir, 21.10.2008 kl. 10:08]

Ég nota flatbotna götu-strigaskó sem ég á, t.d eru margir tískuskór frá Puma, Nike og Adidas með flötum botni.  Annars er ódýrast að henda sér bara á sokkaleistana .

[Aggatho (IP-tala skráð) 21.10.2008 kl. 12:31]

Ég prufaði að vera bara á tásunum um daginn (í staðin fyrir að vera í strigaskónum mínum), and I will never go back :)
Mér fannst ég vera miklu stöðugri og öruggari svoleiðis.

[Nanna (IP-tala skráð) 22.10.2008 kl. 09:20]

Ég mæli með tásunum.... svo lengi sem það taki ekki allir upp á þessu og gymið fari að anga af táfnyk ;)