Morgunleikfimi á RÚV

Naglanum þykir það þyngra en tárum taki að einn liður í sparnaðaraðgerðum RÚV ohf. sé að taka morgunleikfimina af dagskrá.
Líkamsræktarstöðvar henta ekki öllum, og í þessu hörmulega árferði hafa ekki allir tök á að kaupa sér líkamsræktarkort.
Má þar sérstaklega nefna eldri kynslóð þessa lands sem í sveita síns andlits hefur stritað fyrir salti í grautinn en á nú að ræna ellílífeyrinum til að borga undir þessar hýenur sem hanga í felum úti í heimi og spiluðu kapítalísk rassgöt sín úr buxunum.

Fyrrum vinnuveitandi Naglans, Gunnar Guðmundsson lungnalæknir benti á í Morgunblaðinu að margir af hans skjólstæðingum eru eldra fólk sem verður að hreyfa sig til að halda lungnasjúkdómum sínum í skefjum.
Hann mælir með morgunleikfiminni við sína sjúklinga og margir hreinlega halda sér á lífi með þeirri ástundun.

Væri ekki nær að leggja niður þetta þulustarf í Ríkissjónvarpinu, nú eða láta Palla fá ódýrari bíl til að komast til og frá vinnu?

Athugasemdir

[M, 2.12.2008 kl. 12:57]

Já, hún er oft furðuleg forgangsröðunin

[Valdís (IP-tala skráð) 2.12.2008 kl. 14:38]

Svo innilega sammála, fá PM út úr fréttalestri, lækka laun hans, ódýrari bíl og sleppa þessum þulum.

[Nanna (IP-tala skráð) 2.12.2008 kl. 20:05]

Heyrheyr! Dúlla frænka mín hlustaði sko á morgunleikfimina... en hún hló samt eiginlega meira en að gera æfingarnar ;)

[Svava (IP-tala skráð) 3.12.2008 kl. 08:17]

Heyr Heyr!!!

[Ragnhildur Þórðardóttir, 3.12.2008 kl. 08:26]

Hlátur styrkir kviðvöðvana svo morgunleikfimin hefur allavega virkað eitthvað ;-)

[Jóhannes (IP-tala skráð) 3.12.2008 kl. 14:11]

Komdu sæl Nagli. Ég er alltaf regluga að renna í gegnum gamlar færslur hjá þér og sé alltaf eitthvað áhugavert. Eitt sem mig langar að spyrja þig um núna:

Í þessari færslu  http://www.ragganagli.blog.is/blog/ragganagli/category/2171/   segirðu frá því að það borgi sig fyrir þá sem reyna að grenna sig að lyfta þungt. Ég las þetta hjá þér fyrir nokkrum vikum og hef farið eftir því síðan - ég verð að segja að það hefur gefist frábærlega og ég sé mikla bætingu, svo bara takk fyrir það :)

En það sem mig langaði að spyrja þig er hvort að þetta eigi við um allar æfingar, þá sérstaklega langar mig að spyrja þig um eitt tæki, veit ekki hvað það kallast, en maður situr með púða utan á fótunum og ýtir svo út, glennir sig sum sé. Þetta á að taka mjaðmir og rass að mér skilst.

Margir hafa sagt mér að það eigi að gilda annað um þessa æfingu heldur en aðrar, það er að betri árangur gefi að taka mörg reps í henni? Er eitthvað til í því eða á ég bara að halda mínu striki?

Tek annars fram að ég er meira nota tæki heldur lóð, stefni á að breyta því eftir 1-2 mánuð, þá kem ég örugglega með fleiri spurningar.

Bestu kveðjur, og takk fyrir frábæra síðu!

[Ragnhildur Þórðardóttir, 3.12.2008 kl. 16:38]

Sæll Jóhannes,

Takk fyrir að kíkja í heimsókn á síðuna. Ég hef aðeins verið að taka til í færslunum og flokka þær betur svo þær séu aðgengilegri, það er enn í vinnslu.

Varðandi spurningu þína þá er best að lyfta þungt og fá reps á þessar stóru basic æfingar: hnébeygjur, deadlift, bekkpressu, upphífingar. En taka aðeins fleiri reps á einangrandi æfingar. Ég persónulega nota aldrei "kvensjúkdómalækna" tækin sem þú talar um, þau æfa pínulitla vöðva sem eru notaðir hvort eð er í öllum stóru fótaæfingunum: beygjum, deddi, framstigi o.s.frv. Ef þú tekur þær æfingar sem allir eiga að gera þá áttu ekki að þurfa að fara í glennutækin. En ef þú vilt endilega nota þau skaltu taka 12-15-20 reps.