Kreppa, kreppa, allsstaðar

  Nú er kreppa og allir að spá í aurinn og velta fyrir sér hverri krónu.  Maður hefur heyrt frá mörgum að þeir ætli að spara við sig í "óþarfa" hlutum eins og líkamsræktarkortum.  Sem betur fer eru það ekki margir því samkvæmt kvöldfréttum í gærkvöldi var um 30% aukning í notkun líkamsræktarkorta í World Class eftir bankahrunið.  

Ætli þessi aukningu megi ekki skýra á þann veg að nú sé fólk loksins hætt að vinna fram á nótt til að taka þátt í lífsgæðakapphlaupinu og hafi loksins tíma til að nýta kortið sitt.  Eins hefur verið mikið rætt um að fólk sem hafi misst vinnuna eigi að hugsa um heilsu sína, hvort sem það er andleg eða líkamleg heilsa.  Naglinn veit um nokkur dæmi um fólk sem hefur misst vinnuna sem hefur byrjað í líkamsrækt í atvinnuleysinu. 

Að lokum er hér einfalt reikningsdæmi fyrir þá sem ætla að spara við sig líkamsræktarkort í kreppunni:  Það kostar þrefalt meira á mánuði að reykja pakka á dag en að eiga kort á helstu líkamsræktarstöðvum landsins.  Reykingamaðurinn finnur einhvern veginn alltaf pening til að kaupa sígarettur, en ætlar svo að "spara" á öðrum vígstöðvum eins og líkamsræktinni.  Fyrir þá sem ekki reykja er það líka dýrara að vera með Stöð 2 á mánuði en að eiga kort í líkamsrækt.

 

Athugasemdir

[Fjóla Kristín (IP-tala skráð) 7.1.2009 kl. 11:17]

vá!!! stundum vildi ég að ég reykti BARA til að getað hætt og sparað.. hehe

[sigga (IP-tala skráð) 7.1.2009 kl. 14:43]

hæ

hvað þarf maneskja sem er 150 cm á hæði í minnsta lagi að innbyrgða margar hitaeiningar á dag

[Nanna (IP-tala skráð) 7.1.2009 kl. 17:51]

Ég myndi sko selja sjónvarpið mitt ef ég ætti ekki pening til að æfa... ef eitthvað er ávanabindandi þá er það að fara í ræktina og taka á því !!!

[Óli Jóns (IP-tala skráð) 8.1.2009 kl. 12:02]

"The best things in life are free"

Að fara út að hlaupa eða taka léttar æfingar í stofuni heima er bara það besta sem bíðst, góð skemmtun, hreyfing, styttir manni stundir og best af öllu algjörlega kostnaðarlaust!
Líkamsástand og efnahagsástand eru bara að engu leiti tengd fyrirbæri...

[Ragnhildur Þórðardóttir, 9.1.2009 kl. 11:00]

Sigga! það fer eftir mörgum þáttum eins og þyngd, daglegri hreyfingu, markmiðum o.s.frv.

Helgi! Góð samlíking. Enda er skurður svipað og kreppa, ef kjúklingur væri ekki svona fjandi dýr LOL

Óli! Það má einnig gera ýmsar styrktaræfingar heimafyrir, t.d upphífingar, dýfur, armbeygjur, uppstig o.s.frv. Í staðinn fyrir stöng má hengja tvær skúringafötur fullar af vatni sitt hvorum megin á kústskaft. Um að gera að láta hreyfinguna ekki sitja á hakanum þó það sé kreppa.