Stoltur Nagli

Naglinn er að kafna úr stolti af einum kúnnanum sínum og má til með að monta sig aðeins.
Hún hefur náð þvílíkum árangri síðan hún byrjaði í þjálfun hjá Naglanum og það er yndislegt að fylgjast með breytingunum á bæði útlitinu, styrknum og þolinu.

Á einum mánuði fuku heilir 10 sentimetrar af kviðnum. Hún keypti sér æfingabuxur í upphafi, og þær eru núna að hrynja niðurum hana.
Við horfum ekki mikið á kílóin enda er hún að lyfta þungt og þ.a.l að bæta á sig kjöti samhliða fitutapinu.
En það eru samt hátt í 5 kg farin.
Þegar hún byrjaði í þjálfun gat hún 3 og hálfa armbeygjur. Núna tekur hún 16 kvikindi.
Þyngdirnar auknar í næstum í hverri viku og hún er farin að taka spretti, konan sem hafði ekki hlaupið síðan í menntaskóla.

Hugarfar hennar gagnvart æfingunum og mataræðinu er án efa stærsti þátturinn í árangri hennar. Hún er svo staðráðin í að ná árangri og hefur svo jákvætt viðhorf. Hún tekur öllum ábendingum Naglans varðandi mataræðið möglunarlaust og leiðréttir strax það sem þarf að laga. Hún mætir á hverja æfingu, og kvartar aldrei undan þyngdum eða að einhverjar æfingar séu leiðinlegar eða erfiðar. Aldrei heyrist: "Þetta er svo þungt, ég get þetta ekki, æi, ekki þessi æfing."

Það sannast aftur og aftur að allt er hægt ef viljinn er fyrir hendi.
Hugarfarið er eina hindrunin í að ná markmiðum sínum.
Jákvætt hugarfar og viljastyrkur kemur okkur á áfangastað.

Athugasemdir

[Soffía, 10.2.2009 kl. 11:57]

Frábært   Er þetta einhver sem þú ert með í fjarþjálfun eða einkaþjálfun hefðbundinni? 

[Snjólaug (IP-tala skráð) 10.2.2009 kl. 14:46]

Frábært, til hamingju með það báðar tvær Þetta er svaka árangur á svona stuttum tíma!

btw þá ætla ég líka að verða eins og konan í færslunni hér á undan

[Kúnninn (IP-tala skráð) 10.2.2009 kl. 22:42]

Enda með besta og mest hvetjandi þjálfara sem fyrir finnst! Takk fyrir hjálpina Ragnhildur mín :D Nú er einsgott að standa sig áfram svo ég valdi þér ekki vonbrigðum híhí.

[Soffía Sveinsdóttir (IP-tala skráð) 11.2.2009 kl. 09:40]

Frábært, til hamingju með árangurinn báðar tvær  

 Kemur ekki á óvart

[Mama G, 11.2.2009 kl. 14:47]

Já, ég held að það hafi einmitt verið ein skynsamlegasta ákvörðun sem ég tók á síðasta ári þegar ég tók einn mánuð hjá þér Ragga

Þú hefur greinilega tötsið í þetta, það hefur allt legið niðrávið í sentimetrum og kílóum hjá mér síðan ég tók ekki nema einn mánuð hjá þér!

Takk - ég kem pottþétt aftur í þjálfun hjá þér.

[Ragnhildur Þórðardóttir, 11.2.2009 kl. 15:38]

Takk takk alle sammen. Við erum voða stoltar ég og kúnninn, sem þarf ekki að hafa áhyggjur að valda mér vonbrigðum. Árangurinn hefur þegar farið langt fram úr öllum væntingum mínum.

[Ragnhildur Þórðardóttir, 11.2.2009 kl. 15:39]

Gréta! Takk fyrir hrósið. Frábært að heyra hvað þér gengur vel áfram. Haltu endilega áfram á þessari braut.

[Nanna (IP-tala skráð) 11.2.2009 kl. 15:46]

Frábært að fá svona dæmisögu !  Finnst vanta jákvæðni og þor í alltof marga, en þeir sem taka hlutina alvarlega eru sigurvegarar bara fyrir að geta það ! ;)

[Vala Árnadóttir (IP-tala skráð) 12.2.2009 kl. 13:18]

Ég er enn að bíða eftir að kreppan fari í pásu svo ég geti komið til þín í fjarþjálfun, það mun gerast, borga niður árskortið fyrst