C-vítamín

C-vítamín gerir meira en að koma í veg fyrir kvef. Það er hjálparefni í ýmsum ferlum í líkamanum, t.d í myndun kollagens í bandvef, auk þess að auka upptöku á járni úr fæðunni. Vægur skortur af C-vítamíni kemur fram sem þreyta, minni mótstaða gegn sýkingum og blóðleysi vegna þess að upptaka á járni er léleg.

C-vítamín er öflugt andoxunarefni og berst á móti sindurefnum í líkamanum. Sindurefni (free radicals) geta valdið lifandi frumum skaða en C-vítamín verndar frumur líkamans, blóð og aðra vessa likamans frá skemmdum af völdum sindurefna. C-vítamíns gegnir einnig mikilvægu hlutverki í vöðvauppbyggingu og er mikilvægt bætiefni fyrir fólk sem æfir af krafti.. Það kemur í veg fyrir að nítur oxíð sé eyðilagt af sindurefnum sem eykur blóðflæði til vöðva.

C-vítamín heldur testósterón magni í líkamanum í hámarki með því að minnka hlutfall kortisóls á móti testósteróni. Rannsókn í Journal of Strength and Conditioning Research sýndi að inntaka á 1000 mg af C-vítamíni á dag minnkar losun kortisóls í líkamanum, en eins og við vitum er kortisól vondi kallinn sem eyðileggur vöðvana okkar. Þannig geta vöðvarnir stækkað og við getum lyft meiru.
Þar sem líkaminn ferlar C-vítamín mjög hratt þá mæla margir sérfræðingar með að taka 500 mg af C-vítamíni 2x á dag, sérstaklega mikilvægt er að taka C-vítamín eftir æfingu.

Það er meira af C-vítamíni í papriku – í einni stórri papriku eru 209 mg C-vítamín á móti 98 mg í einni stórri appelsínu.

Athugasemdir

[Viktoría (IP-tala skráð) 14.5.2009 kl. 12:40]

Sæl Ragga þetta er frábær síða hjá þér, það er alltaf fræðandi og uppörvandi að lesa hana.  Veist þú um einhver vítamín etc. sem er gott að taka til þess að styrkja liði og/eða brjósk?

[Ragnhildur Þórðardóttir, 15.5.2009 kl. 17:42]

Takk fyrir það kærlega Viktoría. Glúkósamín/chondroitin er bætiefni sérstaklega til að styrkja liðamót og liði. Einnig er nauðsynlegt að taka alltaf inn Omega-3 fitusýrur, eitt af fjölmörgum hlutverkum þess er að smyrja liðina.

Lið - Aktín frá Heilsuhúsinu er líka gott.