Allir gera mistök

Nokkrar sjóðheitar skonsur, sem eru miklar fyrirmyndir Naglans, voru spurðar að því hvað hefðu verið þeirra helstu mistök þegar þær byrjuðu að æfa og borða hollt.

Hér koma svörin þeirra:

• Giska á magn af mat í stað þess að vigta eða telja. 15 g af hnetusmjöri er miklu minna en fólk heldur.
• Ég ályktaði bara að ég væri ekki að borða of mikið. Af hverju gallabuxurnar urðu alltaf þrengri og þrengri var mér mikil ráðgáta he he…

• Að átta mig á hollusta þarf að gerast alla daga, ekki bara mánudag til föstudags. Einn dagur í rugl um helgi getur hindrað árangurinn og þurrkað út góða viku.

• Óraunhæfar væntingar. Ég hélt að ég myndi fá sjóðheitan skrokk eftir nokkrar lyftingaæfingar og nokkrar vikur af hollustu. Nú veit ég betur og hef lært að þolinmæði er lykillinn í fitutapi.

• Að búast við árangri “med det samme”. Ég lagðist í þunglyndi ef ég missti ekki 5kg strax í viku 1.

• Að skilja ekki muninn á ÞYNGDARtapi og FITUtapi. Ég ályktaði að fyrst vigtin hreyfðist ekki þá væri ekkert að gerast.

• Þráhyggja yfir vigtinni. Ég vigtaði mig á hverjum degi og varð þunglynd ef hún fór ekki niðurávið. Nú vigta ég mig einu sinni í viku. Mælingar og hvernig fötin passa skiptir mig svo miklu meira máli.

• Að borða ekki nóg af góðu fitunni. Ég setti samasemmerki milli fitu í mat og fitu í líkama. Nú veit ég hvað hún er mikilvæg fyrir fitutap, vöðvauppbyggingu og heilbrigði.

• Ég vanmat skaðann af því að fara yfirum í svindli og hunsa 90% regluna.
• Að detta af beinu brautinni þýddi “fuck-it, þetta er ónýtt hvort eð er” og gúffaði í mig það sem eftir var dagsins.

• Ég hélt að prótinbar væri hollari en venjulegur matur því þau voru hönnuð með fitness fólk í huga.

• Skemmdi brennslukerfið með alltof miklu af brennsluæfingum.

• Ég hunsaði öll lögmál um að maður stækki í hvíld og gerði alltaf meira og meira af æfingum, bæði lyftingum og brennslu, því ég hélt að meira væri betra.

• Ég trúði mýtunum að 1200 kal væri leiðin til fitutaps, og skildi ekki af hverju ekkert gerðist (líkaminn í bullandi vörn). Minnkaði og minnkaði matinn og var komin niður í 800 kal á dag. Það var skelfilegt tímabil.

• Að borða of lítið alltof lengi. Það tók mig langan tíma að laga þann skaða sem ég gerði líkamanum með alltof fáum hitaeiningum.

• Ég var löt og nennti ekki að undirbúa máltíðirnar fyrir næsta dag kvöldið áður. Það var ávísun á að grípa eitthvað óhollt sem hendi var næst af því ég hafði ekki tíma á morgnana.

• Að drekka ekki nóg vatn. Það leiddi oft til ofáts þar sem líkaminn mistúlkar oft þorsta fyrir hungur.

• Mistök Naglans:
• Að borða of lítið.
• Að brenna of mikið.
• Að æfa alltof mikið – 10 – 12 x í viku
• Að taka heilan dag af bulli og ætla svo að ná því af með 6 dögum af 60 mínútna cardio.
• Enda fékk Naglinn að finna fyrir afleiðingunum af þessum mistökum….handónýtt brennslukerfi.

Athugasemdir

[Fjólan (IP-tala skráð) 24.7.2009 kl. 11:58]

ég reikna með að hafa brennt of mikið ásamt því að borða of lítið og taka góðan sukk dag og ætla að brenna alla vikuna á eftir... humm

gæti verið eh að brennsluni hjá mér ..í denn brenndi ég mikið á morgnana og lyfti svo seinnipartinn og notaðist við ýmsar brennslutöflur

[Herdís (IP-tala skráð) 24.7.2009 kl. 13:28]

Hvernig lýsir ónýtt brennslukerfi sér? og er hægt að laga það ?

[Óla Maja (IP-tala skráð) 24.7.2009 kl. 18:43]

Vá.. ég held að maður hafi brennt sig á nær öllu af ofantöldu  En það er ágætt að vita að maður hefur vitkast eitthvað :p Svo er spurning um að virkja alla viskuna ;-)

[Jóhanna (IP-tala skráð) 24.7.2009 kl. 20:49]

Held að ég hafi gerst sek um öll þessi mistök ... annars þá sendi ég þér póst um fjarþjálfunina, ég vona að þú hafir fengið hann ...? :)

[Ragnhildur Þórðardóttir, 25.7.2009 kl. 09:00]

Fjóla! Það fer eftir magni og lengd tímabils of mikilla brennsluæfinga hvort kerfið sé eitthvað skemmt. Í mínu tilfelli gerðist það eftir keppni, það er algengast.

Herdís! Kíktu á þessa grein: http://ragganagli.blog.is/blog/ragganagli/entry/541537

Jóhanna! Nei fékk engan póst, sendirðu hann á [e-mail] eða á yahoo meilið? Yahoo-ið er í e-u fokki og ég er búin að dömpa því og taka saman við gmail.

[Jóhanna (IP-tala skráð) 25.7.2009 kl. 11:47]

Ég sendi það bara á emailið sem ég fann á fjarþjálfunarsíðunni þinni, það hefur þá kannski verið yahoo.com. Ég prófa bara að senda þér á gmail núna. Þetta var sko æsispennandi póstur sem þú hefðir ekki viljað missa af ... ;) ehmm