Sperrur....eigum við að ræða það eitthvað?

Já fínt, já sæll.... eigum við eitthvað að ræða harðsperrurnar? 

Ég hef nú bara sjaldan lent í öðru eins, allur skrokkurinn er í hönk og ég ennþá eftir að taka brjóst og bibb og tribb í vikunni. 

Nú væri gaman að vita hvort það sé eðlilegt eftir mót að fá strengi sem eru ekki þessa heims.  Lyfti reyndar ekkert frá miðvikudegi fram á mánudag, svo það er spurning hvort þessi nokkura daga pása hafi eitthvað að segja, eða hvort vöðvarnir séu bara eins og svampar eftir sveltið síðustu dagana fyrir mót.  Hhhhmmm .... Naglinn þarf greinilega að leggjast í rannsóknir um þetta mál .

 

Er reyndar sterkari en terpentína þessa dagana og gat þyngt í nánast öllum fótaæfingum í gær. 

 

Það er greinilegt að pizzu kvikindið og sykurinn úr 10 mojito-um frá því um helgina eru ennþá að synda í blóðrásinni.  Eins og sést reyndar á bumbunni sem er ekkert að haggast.  Fimm kíló á einni helgi taka víst sinn tíma að hypja sig .

Athugasemdir

[Kristín Birna (IP-tala skráð) 29.11.2007 kl. 12:59]

Þú mátt nú ekki gleyma að þú tókst rosalega vatnslosun fyrir mót þar sem skrokkurinn var gjörsamlega þurrkaður upp og partur af þessum fimm kílóum er bara vatn að koma til baka, sem á að vera til staðar

...og svo er stutt í næsta niðurskurð, kílóin fara alla vega pott þétt þá

[Fjóla (IP-tala skráð) 29.11.2007 kl. 13:05]

Sammála Kristínu ! Þegar maður skoðar neðri mynd langar mann ekkert í FEITMETI svei mér þá hahahha .  Hvíldu þig kona !

[Mína (IP-tala skráð) 29.11.2007 kl. 14:14]

Úff - ég jesúsa mig bara í bak og fyrir yfir þessari mynd,,, enda verð ég viðkvæmari og meiri tepra með aldrinum!!!

Gaman að lesa pistlana þína! Keep up the good work

[Ragnhildur Þórðardóttir, 29.11.2007 kl. 16:06]

Naglinn hafði nú ekki í hyggju að hvíla sig neitt frá æfingum eftir mótið, enda mætt á hurðarhúninn í Hreyfingu kl. 6 á mánudagsmorgunn.  Ég hló nú bara að þessum 5 kg sem hlóðust utan á mig yfir helgina, enda vissi ég að þetta væri að mestu leyti bara vökvi, bæði sem upp á vantaði og bjúgur eftir ósómann sem fór ofan í mig. 

[Nanna (IP-tala skráð) 29.11.2007 kl. 16:11]

Sperrurnar eru sko alveg eðlilegar eftir allt sveltið ;) en það er um að gera að pína sig áfram og taka hrikalega á því ;) Vöðvarnir taka nefnilega rosalegan vaxtarkipp eftir svona svelt ef maður pínir þá áfram !

[Ragnhildur Þórðardóttir, 29.11.2007 kl. 18:08]

Nanna! Takk fyrir þetta, var einmitt að spyrja út í sperrurnar og fékk svipuð svör hjá reyndum keppendum. Mér var einmitt sagt að lyfta eins og vindurinn núna því nú sé akkúrat tíminn sem vöðvatutlurnar stækka. Er núna bara í þungt þungt þungt og fá reps, og djö.... er ég að fíla það ;-)

Takk fyrir alla hjálpina á laugardaginn. Sjáumst svo hressar saman á sviðinu um páskana.

[Fjóla (IP-tala skráð) 29.11.2007 kl. 19:35]

Þú er svo sannarlega NAGLI !

[lesandi (IP-tala skráð) 29.11.2007 kl. 21:01]

Ég get ekki ímyndað mér að þetta sem þú ert að gera sé hollt.  Svelti og 5 kg á einni helgi.  Það er ljóst að líkamanum vantaði eitthvað.

[Ragnhildur Þórðardóttir, 30.11.2007 kl. 08:52]

Kæri lesandi, það eru bara þessir síðustu 2 dagar fyrir mót sem eru ekki hollir þegar maður borðar og drekkur minna en aðra daga.  Þessi 5 kg er aðallega vökvasöfnun eftir að hafa borðað óhollt og þá verður vökvasöfnun.  Að öðru leyti tel ég mig lífa mjög heilbrigðum lífsstíl, hreyfi mig mikið og borða vel og hollt alla aðra daga en þessa 2 fyrir keppni. 

[Audrey, 30.11.2007 kl. 09:57]

Ég var að spá í einu - ég las hérna einhverntímann um sykurlaus DaVinci sýróp frá Kaffitár.  Ég nota alltaf svona í kaffið en í innihaldslýsingunni stendur "cane sugar"..  Eru það einhverjar sérstakar týpur sem er alveg án sykurs?  Eða er "cane sugar" einhverskonar gervisykur bara 

[lesandi (IP-tala skráð) 1.12.2007 kl. 13:18]

Ég geri mér grein fyrir því að þú lifir holt.  Það er augljóst.  Það sem ég er meira að spá í er bara hvort að þegar keppt er í fitness/vaxtarækt sé ekki farið yfir strikið.  Eftir ´því sem ég hef lesið mér til þá er það víst ekkert óalgengt að stelpur hætti á blæðingum fyrir svona mót og fái dún hár á líkamann.  Ef það gerist er líklegt að viðkomandi sé komin í anorexiu ástand.  Viðkomandi nær e.t.v. ekki BMI mörkum vegna vöðvamassa en ástandið í líkamanum er ekki eðlilegt.

Semsagt hvenær erum við komin yfir strikið þannig að hollustan sé orðin óhollusta?  Ég vil taka það fram að ég er ekki að beina þessu að þér sérstaklega heldur meira svona almennar pælingar.

Langar líka að vita hversu lengi er mögulegt að halda þeim skurð sem er á keppnisdegi?

[Haukur (IP-tala skráð) 1.12.2007 kl. 20:33]

Ég myndi halda að meiri hluti almennings lifi mun óheilbrigðara líferni allt árið heldur en fitness keppendur í undirbúningi fyrir mót.  Held að Sævar Ingi Borgarsson hafi skrifað ágætis pistil um þetta hérna einhver tímann.

[Ragnhildur Þórðardóttir, 2.12.2007 kl. 18:09]

Þegar fituprósentan er orðin mjög lág líkt og gerist fyrir mót er hætta á að blæðingar kvenna hætti sökum ójafnvægis í hormónabúskapnum. En % er bara lág í nokkrar vikur því að eftir mót og "off-season" fara fitnesskeppendur aftur upp í %. Sumir reyndir keppendur hafa aldrei misst úr blæðingar, en sumir missa þær úr jafnvel í fyrstu keppni. Svo það er einstaklingsbundið eins og allt annað. Aldrei hef ég heyrt um dún hárin og gat ekki merkt slíkt á þeim sem kepptu með mér síðast, enda litu þær allar mjög hraustlega út. Fitnesskeppendur eru í "topp"formi á keppnisdag og halda því ekki nema í mjög stuttan tíma. Um leið og keppni lýkur og keppendur fá sér gott að borða og næstu vikuna þegar mataræðið er ekki eins stíft og fyrir keppni fer skurðurinn. Þegar keppt er í fitness/vaxtarrækt ertu ekki að ofbjóða líkamanum nema í mjög stuttan tíma, bara þessa 3 síðustu daga fyrir mót. Ég held að það sé mun óhollara að troða í sig hamborgurum og pizzum eins og margir landsmenn gera allan ársins hring en það sem fitness keppendur gera í 3 daga.