Go hard or go home

Það eiga að vera þungar lyftingar með fáum repsum (1-6) í öllum æfingaprógrömmum. 

Þjálfun með miklum þyngdum bætir svokallaðan ‘myogenic tone'. 
‘Myogenic tone' er í raun mæling á þéttni vöðvans.  Þegar líkaminn er fitulítill, þá geta þéttir og harðir vöðvar farið ansi langt í að bæta útlit líkamans.  Því meiri þyngd sem er notuð, því meiri verður notkun á Type II hreyfieiningum - þessum sem hafa mestu möguleika á stærð og styrk. 

Vandamálið er að fæstir eyða nægum tíma í að lyfta í lágum repsafjölda, því þeir halda að þessi tegund þjálfunar er eingöngu fyrir styrktaraukningu.  Þung og fá reps tengjast þeirri aðlögun tauga sem eykur styrk svo þau auka vissulega styrk

Afleiðingin er skilvirkara taugakerfi sem þýðir aukin tíðni taugaboða, aukinn hraði á myndun krafts í hverri hreyfieiningu og aukin geta til að virkja Type II hreyfieiningar. 

Hins vegar með réttum þjálfunarviðmiðum og prógrammi geta þung og fá reps einnig stuðlað að verulegri vöðvastækkun. 

Aukinn styrkur og skilvirkara taugakerfi sem fylgir fáum þungum repsum færist yfir á hefðbundnari vaxtarræktarþjálfun því við getum notað meiri þyngdir þegar við þjálfum í vöðvastækkunar repsafjölda (6-12), og þannig fá vöðvarnir meiri örvun og meiri ástæðu til að stækka og styrkjast.    

Athugasemdir

[Palli (IP-tala skráð) 26.9.2008 kl. 11:04]

Svo er líka svo ógeðslega gaman að lyfta þungt, gleymdir að taka það fram

[Nanna (IP-tala skráð) 26.9.2008 kl. 11:07]

Sammála Palla.... djöfulli gaman að döflast eins og sveitt svín með alvöru þyngdir ;)

 En fjölbreytnin er lykillinn að fallegum líkama....  Maður þarf að passa sig að festast ekki í einhverju einu !

[Ragnhildur Þórðardóttir, 26.9.2008 kl. 11:13]

Ohhh segiði, það er ekkert eins skemmtilegt og að lyfta þungt eins og skepna

En eins og þú segir Nanna þá er það bara einn þáttur af mörgum í góðu prógrammi.   

[doddi (IP-tala skráð) 26.9.2008 kl. 15:05]

Ertu ekki til í að skella playlistanum þínum inn, hvaða lög þú ert að hlusta á þegar þú rífur í járnið og brennir eins og enginn sé morgundagurinn. Er orðinn hundleiður á mínum playlista og langar að uppfæra.

[Ragnhildur Þórðardóttir, 27.9.2008 kl. 14:36]

Doddi! Góð hugmynd, ég skal skella upp playlistunum mínum fljótlega.

Júlíus! Takk fyrir það kærlega. Við sem stundum þetta sport vitum að þungu lyftingarnar skila svo ótrúlega miklu árangurslega séð, fyrir utan adrenalín kikkið og ego boostið sem fylgja þeim.

[doddi (IP-tala skráð) 27.9.2008 kl. 17:37]

Ok þú segir að lyfta þungt og fáar endurtekningar ef ég skil þetta rétt, erum við að tala um 85-90% getu og á maður að lyfta af slíkum ákafa í 4-6 vikur og þyngja enn meir eftir það eða fer maður að lyfta léttu eftir að hafa lyft þungu?

[Ragnhildur Þórðardóttir, 27.9.2008 kl. 19:19]

Það er ekki ráðlegt að taka allar æfingar þungt, það kallar bara á ofþjálfun. Betra er að blanda fáum repsum við hærri repsafjölda (6-12). Það má skipta út hvaða æfingar eru teknar þungt, hversu margar eru teknar þungt og hve mörg sett, til þess að skapa fjölbreytni og sjokkera líkamann.

[Hrund (IP-tala skráð) 27.9.2008 kl. 23:59]

Þetta er ákkúrat öfugt hjá mér... mér finnst leiðinlegt að lyfta þungt! Finnst langskemmtilegast að lyfta léttara og oftar og hafa mikla keyrslu í æfingunum. En maður verður auðvitað að hafa þetta fjölbreytt....