Prótín í hvert mál

Naglinn brýnir fyrir sínu fólki að borða margar smáar máltíðir og hver þessara máltíða á að innihalda prótín. Mörgum reynist erfitt að koma prótíninu alltaf inn, og skilja kannski ekki alveg tilganginn.

Í fyrsta lagi er mikilvægt að borða margar smáar máltíðir til að veita líkamanum stöðugt streymi af næringarefnum. Þegar kemur að prótíni er þetta stöðuga streymi sérstaklega mikilvægt.

Prótín geymist ekki í líkamanum líkt og kolvetni.
Kolvetni geymast í lifur sem glycogen og líkaminn getur notað það seinna, jafnvel einhverjum dögum seinna. Það er hins vegar mjög lítið magn af aminosýrum í blóðrás til þess að viðhalda vöðvabyggjandi (anabólísku) ástandi í líkamanum.
Þess vegna er mikilvægt að borða fullkomin prótín með hverri máltíð. Með fullkomnum prótínum er átt við þau prótín sem innihalda allar amínósýrukeðju, það eru aðallega afurðir úr dýraríkinu sem falla undir þann flokk. Prótín úr jurtaríkinu eru ófullkomin prótín.

Þegar við neytum prótíns í hverri máltíð verður aukning í magni af aminosýrum í blóðinu sem veldur aukningu í prótínmyndun og dregur úr niðurbroti aminosýra (katabólískt ástand).

Stöðugt magn aminosýra í líkamanum kemur í veg fyrir að hann stelist í eigin birgðir í vöðvunum til að fá næringarefnin sem hann þarfnast.
Þess vegna er mikilvægt að borða 5-6 smáar máltíðir (á 2-3 tíma fresti) sem allar innihalda prótín.

Smáar reglulegar máltíðir halda stöðugu insulin magni í líkamanum, sem er nauðsynlegt fyrir eðlilega meltingu á fitu og eðlilega vöðvastækkun.

Slíkar matarvenjur fara líka betur með meltingarkerfið.
Það gerir það líka skilvirkara, því rannsóknir hafa sýnt að margar litlar máltíðir keyra upp grunnbrennsluhraðann, brennir fleiri hitaeiningum og stuðlar að minni fitusöfnun í líkamanum.

Athugasemdir

[Ragnhildur Þórðardóttir, 9.12.2008 kl. 08:23]

Ohhh talaðu ekki um það....grrrr. Ég var einmitt að búa til lyftingaprógramm fyrir tvær stelpur sem hafa eingöngu verið í pallatímum. Þær báðu sérstaklega um prógramm sem myndi ekki gera þær að vöðvatröllum. Ég sagði þeim að ef þær yrðu svona rosalega massaðar af því að lyfta þungt þá væru þær annaðhvort A) stökkbreyttar eða B) að sprauta sig með sterum. Við sem djöflumst í járninu ár eftir ár og náum ekki einu sinni að byggja upp eins mikinn massa og við viljum.

[Ragnhildur Þórðardóttir, 9.12.2008 kl. 12:39]

Einmitt, eins og þær vakni bara upp einn morguninn orðnar helmassaðar eftir viku af lyftingum. Ef það væri nú bara svo auðvelt fyrir okkur konur að bæta á okkur massa..... ég myndi líka gefa ömmu og jafnvel mömmu fyrir 5 kg af hreinu kjöti.

[Nanna (IP-tala skráð) 9.12.2008 kl. 17:30]

Hvaða ömmu og mömmugjafir eru þetta ;) ég myndi alla vega gefa litlu tánna ;)

[Ragnhildur Þórðardóttir, 9.12.2008 kl. 18:19]

Þú þekkir ekki ömmu mína..... ha ha ha.

[Anna María (IP-tala skráð) 9.12.2008 kl. 18:23]

Hahaha. Gefa ömmu já.... hefur einhver sýnt áhuga?

[Elín H. Guðnadóttir (IP-tala skráð) 10.12.2008 kl. 13:40]

Sæl, Svo ég snúi nú alveg út úr þessari umræðu... gætir þú nokkuð bent mér á einhvern sem saumar sunboli og bikiní ?? Hvenar ætti maður að vera búin að láta sauma á sig ?? Ég fæ martraðir á næturnar yfir þessu hehehe :) ég ætla að taka þátt um páskana og er alveg lost hvað þetta varðar!

 Kv. Elín

[Ragnhildur Þórðardóttir, 10.12.2008 kl. 18:30]

Freydís er eiginlega sú eina hérlendis sem saumar eftir máli. Annars geturðu líka pantað af netinu frá USA eða Noregi. Inni á Vöðvafíkn.net eru fullt af linkum á flottar síður t.d suitsyouswimwear.com, ccfitwear.com, passionfruitdesign.com o.s.frv.

Þú þarft ekki að hafa áhyggjur af þessu strax, getur alveg sofið rótt fram í febrúar, þá skaltu fara að pæla í þessu sérstaklega ef þú pantar að utan.

[Elín H. Guðnadóttir (IP-tala skráð) 11.12.2008 kl. 08:49]

Snilld takk fyrir kærlega :)