Varúð!! Bölsót frá Naglanum

Eins og áður hefur komið fram á þessari síðu þá er fátt sem pirrar Naglann jafn mikið eins og yfirheyrslur um mataræði Naglans.  Í gegnum tíðina hefur Naglinn komist að því að það virðist vekja ómælda forvitni hjá náunganum þegar dregið er upp Tupperware box sem inniheldur ekki samloku eða pastasull.  Kjúklingur og hýðisgrjón, eða nautakjöt og möndlur, eða fiskur og salat gefur skotleyfi á spurningaflóð um matarvenjur og Naglinn lítur á slíkt sem afskiptasemi og leiðist fátt meira en að útskýra hvað sé að fara ofan í mallann. Sökum þessa hefur Naglinn vanið sig á að borða í einrúmi, að undanskilinni nánustu fjölskyldu sem spáir ekki lengur í fæðuval Naglans.

Hins vegar lenti Naglinn í þeirri stöðu um daginn að neyðast til að snæða kvöldmatinn fyrir framan konu sem Naglinn var að hitta í annað eða þriðja skiptið. Naglinn reiddi fram kjúlla með hnetusmjöri og spínatsalati, og þá var eins og skrúfað frá krana af spurningum sem dundu á Naglanum.   

Hvað er þetta sem þú ert að borða? Af hverju borðarðu þetta?  Borðarðu aldrei brauð?  Heldurðu að þú getir ekki borðað svona og svona brauð?  Borðarðu alltaf það sama? Langar þig aldrei í "normal" mat?  

Naglinn vildi auðvitað ekki vera dóni og svaraði öllum spurningum samviskusamlega, þrátt fyrir gríðarlegan pirring og að líða eins og múslima í yfirheyrsluklefa í Guantánamo.  

En þegar kom spurningin "Hvað gerist ef þú borðar eitthvað óhollt?", þá gat Naglinn ekki meir og horfði djúpt í augun á konunni og sagði:  " Þá springur alheimurinn!!"  

Heimskuleg spurning krefst heimskulegs svars.

   

 

Athugasemdir

[Elín Sigríður Grétarsdóttir, 16.3.2009 kl. 11:00]

i feel your pain - ég hef vreið á "öðruvísi" mataræði síðan 2005 og það er alveg merkilegt hvað fólki gengur illa að sætta sig við það - "ætlarðu að vera á þessu kálfæði alla ævi?" - "þetta geeeetur nú ekki verið hollt?" - "leyfirðu þér ALDREI neitt?"  - það þarf auðvitað ekki að taka fram að þeir sem hafa mestu skoðanirnar eru að sjálfsögðu þeir sem ekki veitti af að taka til í ísskáp og kropp :)

[Rakel (IP-tala skráð) 16.3.2009 kl. 11:28]

Djöfull er ég sammála þér Ragga!!! Maður fær bara nóg af þessu á ákveðnum tímapunkti!

[Adda, aðdáðandi:o) (IP-tala skráð) 16.3.2009 kl. 13:39]

Hehe....ég hló innra með mér að lesa þennan pistil frá þér:) Skil þig sko mjög vel. Ég er búin að vera grænmetisæta í 18 ár og vil helst ekki borða fyrir framan annað fólk sem ekki þekkir mig mikið því þá get ég átt von á spurningarflóði. Eins og t.d. hvað borðar þú eiginlega á jólunum og hvort ég sé ekki orðin leið á því að borða bara endalaust af grasi og þ.h. fáránlegar spurningar....gott að ég er ekki ein um það að vilja borða í næði til að lostna við svona spurningarlista :o)

[Óli Jóns (IP-tala skráð) 16.3.2009 kl. 15:27]

Eins og talað úr mínum munni, ef það er einhvertíma sem að ég svindla þá er það í fjölmennum matarboðum með ókunnugum, nógu óþægilegt er að verða allt í einu miðdepill athyglinar hvað þá með munninn fullann af mat!

[Soffía (IP-tala skráð) 16.3.2009 kl. 15:51]

hahahaha - gott svar

Vonandi gengur vel í Kóngsins Kaupmannahöfn

[Telma (IP-tala skráð) 16.3.2009 kl. 21:39]

Má ég samt spyrja þig svona af því að það er uppáhaldið þitt að svara svona spurningum, hvað borðar þú?? Hvað borðaru til dæmis í morgunmat, alltaf hafragraut eða hvað? Og borðaru aldrei brauð yfirhöfuð eða borðaru brauð sem þú bakar sjálf t.d. speltbrauð? borðaru hrökkbrauð eða seturu það í sama flokk og brauð? færðu þér aldrei sósur? hvaða fæðubótaefni notaru? Ég veit að þú færð þér prótein en hvað færðu þér það oft? og ertu að taka einhverjar brennslutöflur eða hvað? Borðaru skyr eða hvað finnst þér um mjólkurvörur?

Ég er ekki að reyna að pirra þig með öllum þessum spurningum ég er bara að verða svo þreytt á aukakílóunum og langar svo að vita hvernig manneskja sem mér finnst ég geta tekið mér til fyrirmyndar borðar! ;) Vonandi nenniru að svara mér ;)

Með þökk fyrir frábæra síðu

[Anna Sæunn Ólafsdóttir (IP-tala skráð) 17.3.2009 kl. 00:15]

Þú ert náttúrulega snillingur Ragga, þetta er eins og talað út úr mínu hjarta! Er sjálf tiltölulega nýbyrjuð í "heilsugeiranum", ef svo má að orði komast, og ekki búin að lifa á heilsusamlegu fæði í mjög langan tíma en það er ótrúlegt hvað maður er þegar farinn að fá yfir sig og það virkilega gerir það að verkum að maður leitast við að borða í einrúmi, sem er hálf sorglegt... en hvað leggur maður svo sem ekki á sig til að þurfa ekki að troða ofan í sig einhverjum viðbjóði sem sumir kalla mat. ;) Fyrir mér er þetta náttúrulega bara frelsun og þegar maðu hefur fundið hana snýr maður auðvitað ekkert til baka í kjaftæðið! En ekki nóg með að maður fái kommentin frá liðinu útaf því sem fyrir manni sjálfum er venjulegur matur, heldur líka ef það kemur fyrir á góðum degi að maður leyfir sér að stinga nefinu ofan í kræsingar fær maður engu að síður komment um hvort maður megi þetta nú og svo framvegis... sorrý varð að fá að tjá mig með þér í þessu! :) Þú ert flottust, haltu áfram að keep us updated!

[Nanna (IP-tala skráð) 17.3.2009 kl. 08:22]

Bwaaaa.... þú ert svo mikill töffari :) sé alveg fyrir mér þegar þú svaraði tutlunni ;)

[Soffía Sveinsdóttir (IP-tala skráð) 17.3.2009 kl. 09:04]

Mér finnst nú maturinn sem þú taldir upp "venjulegur" - það er kannski merki um að ég er orðin að matarheilsufríki  (bara jákvætt ).  Ég tek yfirleitt með mér nesti í vinnuna og uppsker yfirleitt öfund (enda ööööömurlegur kokkur á vinnustaðnum sem notar salt og mettaða fitu í óhófi).

[Ragnhildur Þórðardóttir, 17.3.2009 kl. 09:40]

Takk öllsömul fyrir ykkar innlegg. Mikið er ég fegin að vera ekki eina grumpy týpan þegar kemur að spurningum um fæðuval.

Telma! Það sem hentar mér þarf ekki að henta einhverjum öðrum. Af hverju skellirðu þér ekki bara í fjarþjálfun til mín og þá förum við í gegnum mataræðið þitt frá A til Ö og hvað hentar þér og þínum markmiðum. Sendu mér póst á [e-mail] ef þú hefur áhuga.

[Ingunn Þ. (IP-tala skráð) 17.3.2009 kl. 09:51]

Eins og ég hef sagt þér áður og eins og Telma kemur inn á þá held ég að oftast, þegar fólk eins og þú sem borðar hollan og góðan mat og árangurinn er eftir því í útliti, heilsu og líðan, að þá vill fólk vita hver galdurinn er.
Það eru ótrúlega margir sem hafa ekki hinn minnsta grun um það hvað er hollt og hvað er ekki svo hollt.
Ég hef heyrt athugasemd um það að pylsa sé nú ekkert óholl...þetta er jú bara kjöt og brauð og hvað getur verið óhollt við það!
Það eru bara alls ekki allir með innihald og næringargildi á hreinu og átta sig því ekki á hvað er í matvælunum sem það er að láta ofan í sig.
Auðvita er það leiðinlegt ef fólk er eitthvað að hneykslast en ég myndi bara vera stolt og montin ef einhver vill vita fræðast...það er greinilega eitthvað að virka hjá þér og þú ert að uppskera eins og þú sáir og getur sagt fólki frá því teinrétt

[Fjolnir G (IP-tala skráð) 21.3.2009 kl. 17:04]

Þegar einhver spyr: "Leyfirðu þér ALDREI neitt?"  Þá er eðlilegast að svara með spurningu: "Leyfir ÞÚ þér alltaf ALLT?"