Partý hjá Karíusi og Baktusi og fitufrumunum

* Vissir þú að sykurneysla á mann á Íslandi er komin upp í eitt kíló á viku?
* Vissir þú að með viðbættum sykri í skólajógúrt, skólaskyri, rjómaskyri, ávaxtajógúrt og þykkmjólk fer heildarsykurmagn vörunnar í 10-14%?
* Vissir þú að venjuleg mjólk, ab-mjólk, óblandað skyr og súrmjólk innihalda aðeins um 4% mjólkursykur, allan frá náttúrunnar hendi?
* Vissir þú að eina morgunkornið sem ekki inniheldur viðbættan sykur eru óblandaðar hafraflögur?
* Cheerios er þó aðeins 3% sykur, Corn Flakes 5%, All Bran 18%, Múslí 22%, Frosted Cheerios inniheldur 40% sykur og Coca Puffs 47%. Þessar vörur eru þó auðugar af ýmsum bætiefnum.
* Vissir þú að gosdrykkjaneysla á Íslandi hefur rúmlega þrefaldast á þremur áratugum og er nú komin í meira en 130 lítra á mann?
* Vissir þú að þurrefni í gosdrykkjum er meira en 99% sykur?
* Vissir þú að algengt magn viðbætts sykurs í kexi er 17-19% og í kökum 21-28%?
* Vissir þú að sykri er bætt í nánast allan pakka-, dósa- og glasamat á Íslandi?
* Vissir þú að ennþá er ekki skylt að tilgreina viðbættan sykur á umbúðum íslenskra matvæla?
* Vissir þú að enginn aðili á Íslandi telur sig hafa það hlutverk að mæla hvort innihaldslýsingar á íslenskum matvælum séu sannleikanum samkvæmar?
* Vissir þú að nýjar rannsóknir í Bandaríkjunum benda til svipaðs boðefnarugls í heila við neyslu sykurs og við neyslu fíkniefna og borð við áfengi og heróín?

Athugasemdir

[Margrét (IP-tala skráð) 15.5.2009 kl. 17:54]

Flott upptalning hjá þér.Veitir ekki af að hlýða manni yfir stöku sinnum

[Mama G, 16.5.2009 kl. 09:15]

Já, það er alveg óþolandi hvað innihaldslýsingar á matvælum eru glataðar hérna á Íslandi. Ég myndi vilja fá sömu staðla hingað og eru í USA.

[Bryndís Böðvarsdóttir, 18.5.2009 kl. 21:12]

Sammála.

Ég á frænku sem fékk meðgöngu sykursýki. Hún þurfti aldeilis að liggja yfir þessu og pæla.

Maður kaupir allskonar ,,heilsuvörur" eins og Kellogs Special K sem á að grenna og vera svo trefjaríkt og hollt. Það er bara aldrei talað um hve mikill sykur er í þessu. Þetta borðar maður síðan, þrátt fyrir að það myndi aldrei hvarfla að mér að hrúga sykri út á hafragrautinn minn.

Spurning um að borða bara hafragraut.

[Óla (IP-tala skráð) 19.5.2009 kl. 07:17]

Sæl langaði að sp þig með hvernig próteinsstöngum þú mælir með...og hvernig er það með kristall,kristall púls og topp drykkina eru þeirr ekki betri en t.d pepsi max og kók t.d

:)

[Theó (IP-tala skráð) 19.5.2009 kl. 22:34]

Maður á svosem að vita þetta allt en held að heilinn sé snillingur að láta mann ,,gleyma" ;). Þessvegna gott að fá upprifjun.

Kemur mér sko ekkert á óvart að sykur sé ,,skyldur" eiturlyfjum og áfengi!!!

[Óli Jóns (IP-tala skráð) 20.5.2009 kl. 08:15]

Maður er alltaf að lesa allstaðar hversu mikilvægt mysupróteinið sé fyrir vöðvavöxt almenna næringu, hvernig fer þá fyrir þeim sem að eru með mjólkuróþol? Er til einhver staðgegnill fyrir mysuprótein eða á maður að háma í sig bara því meira af sojapróteini?

[Soffía Sveinsdóttir (IP-tala skráð) 20.5.2009 kl. 20:35]

Frábær upptalning og þörf áminning

[Ragnhildur Þórðardóttir, 21.5.2009 kl. 05:21]

Bryndís! Hafragrauturinn er klárlega langbesti morgunverðurinn, þar getur maður allavega verið viss að ekki sé búið að hrúga sykri í pakkann.

Óla! Ég mæli ekki með próteinstöngum yfirhöfuð, þau eru nær alltaf stútfull af földum sykri í formi glúkósasíróps, frúktósasíróps o.s.frv. Jú Kristall er skárri en Pepsi Max, ef þú velur þann sem er ekki með sykri, Kristall Plús er t.d mjög kolvetnaríkur með sykur úr ávaxtasykri.

Óli! Ég er sjálf með mjólkuróþol og ég nota Scitec vörurnar en þær eru "low-lactose" og það fer mjög vel í mig. Ég gat t.d ekki notað vörurnar frá EAS af því þær voru svo háar í mjólkursykri.