Pumpaðu járnið til að fyrirbyggja krabbamein

Hollur matur og þolþjálfun eru ekki eini mátinn til að fyrirbyggja krabbamein.

Niðurstöður nýlegrar rannsóknar sem framkvæmd var við Karolinska spítalanum í Stokkhólmi sýndu að menn geta minnkað líkur á krabbameini um allt að 40% með því að rífa í járnið af krafti. Tæplega 9000 karlmönnum var fylgt eftir frá 1980 til 2003. Þessar niðurstöður breyta fyrri ráðleggingum sem flestar hafa beinst að þolþjálfun til að minnka líkur á krabbameini: hlaupum, hjólum o.s.frv.
Það er því jafn mikilvægt og gagnlegt að pumpa lóðin, eins og að borða hollt og stunda þolþjálfun til að fyrirbyggja krabbamein.
Meira að segja menn í yfirþyngd sem stunduðu styrktarþjálfun ákaft voru ólíklegri til að fá krabbamein en menn í kjörþyngd sem ekki stunduðu styrktarþjálfun.

Það er ekki nauðsynlegt að æfa eins og vaxtarræktarkappi og djöflast í stærstu lóðunum. Það er nóg að lyfta lóðum, svitna og fá púlsinn upp. a.m.k 2 sinnum í viku, eða í 30 mínútur 5 sinnum í viku,

Rannsóknin bíður birtingar í tímaritinu Cancer Epidemiology, Biomarkers and Prevention.

Athugasemdir

[Linda Rut (IP-tala skráð) 28.5.2009 kl. 10:32]

Takk fyrir æðislega síðu !

Ég er búin að eyða undanförnum dögum í að lesa allar færslur sem þú hefur skrifað og ég er orðin svo marfalt fróðari um líkamanna og hvað á að gera og hvað ekki. 

Núna er ég talsvert yfir kjörþyngd og þyngdist um heelllling þegar ég var ólétt, núna er ég að vinna í að ná þessu af mér og ég er komin með áhuga á að stunda líkamsrækt bara með þvi að hafa lesið bloggið þitt:)

Ég er farin að skrifa dagbók, komin með matarplan og æfinarplan og núna á sko að taka á því :)

Takk enn og aftur fyrir æðislega síðu og takk fyrir að vera svona mikil hvatning ! :)

[Ragnhildur Þórðardóttir, 28.5.2009 kl. 10:48]

Hæ Linda Rut. Frábært að heyra að skrifin mín hafi blásið þér baráttuanda og metnað í brjóst. Mundu að fitutap kemur fyrst og fremst í gegnum mataræðið, vertu extra dugleg þar og þá kemur þetta. Gangi þér vel!