Rugl sem Naglinn sá í ræktinni í dag....

... varð að deila þessu með ykkur lesendur góðir... 

Berfættur maður að skokka á brettinu og við hliðina á honum var maður á harðaspani í....GALLABUXUM  Rólegir í óþægindin!!!

 

Væri gaman að heyra hvaða rugli þið lesendur hafið orðið vitni að í ræktinni 

Athugasemdir

[Hanna (IP-tala skráð) 9.6.2009 kl. 15:42]

Sæl Ragga og takk fyrir frábæra síðu:) Var að velta einu fyrir mér...þú talar um að maður eigi að lyfta þungt og endurtekningar fáar, en svo eru margir einkaþjálfarar tala um að hafa endurtekningarnar fleiri og þyngdir því minni. Ég er til að mynda með tvískipt prógram frá ágætis einkaþjálfara þar sem hann vill að ég lyfti 15-20 sinnum. Myndiru mæla með því að ég myndi breyta yfir?? Og annað, ertu alltaf að lyfta þungt eða breytiru stundum yfir??

[Ragnhildur Þórðardóttir, 9.6.2009 kl. 16:01]

Hanna! Ég mæli með að þú lesir þessa grein http://ragganagli.blog.is/blog/ragganagli/entry/684513

Það er ekki hægt að byggja upp vöðva í háum repsum. Há reps hafa sinn sess í þjálfunarprógrömmum en alls ekki sem eini repsafjöldinn. Lág reps verða að vera í hverju prógrammi hvort sem markmiðið er uppbygging eða viðhald á massanum í megrun.

Ef þú treystir þjálfaranum þínum þá skaltu fara eftir því sem hann/hún segir þér, eftir x mánuði skaltu mæla hvort þú sért að ná þeim árangri sem þú sóttist eftir í upphafi.

[Óli Jóns (IP-tala skráð) 9.6.2009 kl. 17:06]

Sextugur/sjötugur illa lyktandi maður í vinnuskyrtu, gallabuxum og sandölum að taka niðurtog eins og enginn væri morgundagurinn trónir á toppi listans yfir skrítna hluti hjá mér. Svo eru alltaf einhverjir á inniskóm eða "crocs" að lyfta, skil það ekki alveg heldur...

[Linda Björk Markúsardóttir (IP-tala skráð) 9.6.2009 kl. 19:23]

Maður að taka bekkinn eins og enginn væri morgundagurinn með kóksopa og snickersbita á milli setta. Það held ég svei mér þá að verði ekki toppað.

[Sylvía (IP-tala skráð) 9.6.2009 kl. 21:24]

fullt af furðufuglum hér í nesinu :)

1. gamall kall sem kom í stuttbuxum og engu öðru hljóp og lyfti og fór svo beint útí pottana úr salnum- ÁN ÞESS AÐ FARA Í STURTU

2. stelpa sem settist í salnum, dró upp glassúrsnúð, át og fór svo beint á hlaupabrettið, jukk...

 og svo allir hinir sem koma með kókómjólk eða kaffibollana sína með sér og drekka milli setta...

[Greta (IP-tala skráð) 9.6.2009 kl. 23:47]

Ein sem var oft að æfa í gallabuxum og peysu.

Sá eina skreppa út að reykja eftir æfinguna og fara svo inn og sækja krakkann sinn í gæsluna. ÓJ!

Man eftir einni sem var ekki búin að gera sér grein fyrir því að æfingabuxurnar hennar voru orðnar svo eyddar á rassinum að það var vandræðalegt.

[sas (IP-tala skráð) 10.6.2009 kl. 06:42]

Ég sé mjög oft að menn fái sér kaffibolla á milli setta þó sérstaklega svona kraftlyftingamenn.  Er það ekki bara það sama og að vera að fá sér orkudrykki með koffeni í?

[Mama G, 10.6.2009 kl. 09:08]

Alltaf þegar ég nenni ekki í ræktina hugsa ég um að ég verði að standa við það sem ég hef commitað mig í. Svo reyni ég að rifja upp fólk til að taka mér til fyrirmyndar í commitmenti og það fyrsta sem kemur alltaf upp í hugann hjá mér er maður sem var á nærbuxunum einum saman að neðan og í skrifstofuskyrtu að ofan og hljóp eins og andskotinn væri á hælunum á honum (við erum að tala um að fólk þurfti að taka sveig framhjá brettinu til að fá ekki svitagusurnar yfir sig). Maður verður ekki mikið meira committaður í gymið en þetta hugsaði ég með mér

[Soffía Sveinsdóttir (IP-tala skráð) 10.6.2009 kl. 09:34]

Talandi um gusur... það var frekar fyndið (en samt smá ógeðslegt) á einni BootCamp æfingunni. Síðasta verkefni æfingarinnar var að taka 500 m róður eins hratt og maður gat. Einn tók svo hrikalega á því að hann ældi um leið og hann var búinn, það gusaðist yfir róðravélina... yummí að þrífa það!!

 P.s. það er ekki algengt að fólk æli á BC æfingum (aaaalgjör goðsögn), amk ekki yfir tækin!!!

[Ragnhildur Þórðardóttir, 10.6.2009 kl. 09:53]

Hahahaha... frábærar sögur. Matvæli, reykingar, uppköst og aðrir vessar, klæðaburður á mörkum hins siðlega.....greinilega til nóg af furðufuglum í líkamsræktarstöðvum heimsins.

Keep 'em coming gott fólk. Okkur veitir ekki af að hlæja á þessum síðustu og verstu.

[Hrund (IP-tala skráð) 10.6.2009 kl. 12:19]

Eldri kona í fjólubláum samfesting úr svona glansandi hjólabuxnaefni, ferlega smart

[Siggi (IP-tala skráð) 10.6.2009 kl. 12:40]

Fólk sem stynur hærra en þegar það fær fullnægingu er alltaf skemmtilegt.  Einnig ungir strákar sem 'taka' 100 kg í bekk, og eru með 2 félaga sína sitthvorum megin til að taka ca 30 kg á mann með þeim eru alltaf flottir líka

[Ragnhildur Þórðardóttir, 10.6.2009 kl. 13:30]

Ohhh láttu mig þekkja svona karaktera sem hlaða á bekkpressu-stöngina og svo eru vinirnir að dedda þyngdina með þeim. Hef ósjaldan orðið vitni að svona tilburðum, líka í axlapressu með lóð þar sem vinurinn má hafa sig allan við að ýta undir lóðin. Halda menn virkilega að þetta sé leiðin til stækkunar? Að taka kannski 40-60% af þyngdinni....

[Vala Árnadóttir (IP-tala skráð) 10.6.2009 kl. 14:09]

Sammála þessu með stunurnar, hef orðið vitni að slíku þar sem viðkomandi var í teygjuæfingum, já eitt augnablik hélt ég að ég væri ekki stödd í líkamræktarsal  

[Agnes (IP-tala skráð) 10.6.2009 kl. 19:51]

Eftirminnilegast;

Skvísa í þröngum buxum og topp (ekki æfingaföst) , skóm með smá hælum (ekki háum, en skvísuskór með semilíusteinum), svaka hárgreiðslu, toppaði þetta svo með ca 3 kg af gullskartgripum, risakeðjum og eyrnalokkum og risahring á hverjum fingri. Svona staulaðist hún á hlaupabrettinu í ilmvatnsskýi..

 Svo auðvitað píurnar sem hlaupa og púðra sig við hverja svitaperlu.