Fegurð skipulagningarinnar

Það eru fáir sem vita eins vel og Naglinn mikilvægi skipulagningar og undirbúnings til að haldast inni á braut hollustu og hreystis.
"If you fail to prepare, you prepare to fail" er tugga sem Naglinn mun ekki hætta að nudda ofan í lesendur.

Naglinn vill því deila með ykkur blómin mín, nokkrum strategíum úr undirbúnings-vopnabúri Naglans.

The beauty of cooking in bulks:

* Skera 2-3 bringur í bita, krydda og grilla í Foreman-inum. Geyma í ísskáp. Þá á maður alltaf tilbúna bringu fyrir snarholla máltíð.

* Krydda og þurrsteikja heilan pakka af hakki í einu. Setja í Tupperware og geyma í ísskáp. Þá þarf bara að steikja grænmeti og Erluréttur er klár.

* Sjóða haug af hýðisgrjónum og geyma í Tupperware í ísskáp. Þegar mann langar í þetta sjóðandi holla korn þá hendir maður bara nokkrum grjónum á disk

* Baka nokkrar sætar kartöflur í einu. Kæla og geyma í álpappír í ísskápnum. Svo kippir maður einni út, örrar, sker í bita og stráir haug af kanil yfir.... need I say more??

* Sjóða slatta af jarðeplum í einu, kæla og skella svo í Tuppó og inn í köleskab. Eru fínar kaldar eða örraðar.
Má svo krydda efter smag.

* Búa til nokkrar eggjahvítupönnsur í einu. Kippa svo 1-2 út í einu og afþíða í ísskápnum. Eða þeir sem hafa nægan tíma á kvöldin geta gert eins og Naglinn, og kokkað eitt kvikindi fyrir morgundaginn.
Má geyma í ísskáp eða við stofuhita.

Kvöldverk Naglans:

* Búa til eggjahvítupönnsu fyrir morgundaginn

* Vigta haframjöl og setja í hafragrauts-pottinn ásamt Husk og salti, fyrir morgunverðinn. Eina sem þarf er lífselixírinn vatn útí.

* Taka til skál og gaffal fyrir hafragrautinn, disk fyrir pönnsuna, og litla skál fyrir jarðarberin

* Vítamínum, andoxunarefnum, fiskiolíu, BCAA raðað í pilluboxið.

* Taka til æfingaföt og leggja á stól frammi (svo maður veki ekki hösbandið á morgnana)

* Pakka ofan í æfingatöskuna: Hrein föt, handklæði, snyrtidót, púlsmæli, strappa....o.s.frv

* Þegar Naglinn vann utan heimilisins var eitt af kvöldverkunum að vigta og raða saman máltíðum ofan í Tuppó í nestistöskuna.

Að vera viðbúin(n) eins og skáti kemur í veg fyrir ljóta hegðun eins og að sleppa ræktinni, grípa í Júmbó, panta pizzu... þá er einfaldlega ekki hægt að nota ömurlegar afsakanir eins og tímaleysi.

Athugasemdir

[Mama G, 29.7.2009 kl. 20:08]

Nöss! og ég hélt að ég væri skipulagsfrík.

[Hólmfríður Gestsdóttir (IP-tala skráð) 30.7.2009 kl. 00:02]

Brillíant eins og alltaf :) Á eftir að nýta mér eitthvað af þessu, ekki spurning!

[Hulda (IP-tala skráð) 30.7.2009 kl. 19:13]

hahaha þú ert svo mikill snillingur.... ef maður hefði eitthvað af þessum aga.... þú ert nú hálfgerður Monk eða rainman :)

[Lena (IP-tala skráð) 31.7.2009 kl. 09:17]

Ekkert smá ánægð með skipulagið hjá þér:D þekki sum af þessum kvöldverkum mjög vel...;)

Alltaf jafn gaman að lesa bloggið þitt!

[Lilja (IP-tala skráð) 31.7.2009 kl. 12:51]

Sæl og bestu þakkir fyrir frábæra síðu!

Alveg sammála þessum pisti og stunda skipulagsstörf af hermóð sjálf! Vildi samt bera undir þig spurningu sem tengist kannski pistlinum ekki beint. Vona að þér sé sama. 

Eitt sem ég var að velta fyrir mér. Veit ekki hvort það komi fram á blogginu þínu en ég var að reyna að leita og fann ekki. Nú er ég að lyfta á morgnana klukkan 7. Hvað er best að borða fyrir og eftir æfingu á þessum tíma? Ég drekk próteinshake klukkan 6, lyfti frá 7-8, hreint prótein strax á eftir með hunangi og smá þrúgusykri (ca. 08:30) og svo hádegismat klukkan 11:30.

Mín spögúleríng er sumsé hvort þetta sé of lítið eða hvort ég þurfi að bæta við mat fyrir og/eða eftir og jafnvel 1 millimál?

[Rut (IP-tala skráð) 2.8.2009 kl. 00:21]

Smá spurning ef maður á að borða prótein í hverji máltíð,er þá í lagi að drekka 4 próteinshakea á dag?

Hvað eru fæðubótadrykkir?er það t.d próteinshake

[Ragnhildur Þórðardóttir, 2.8.2009 kl. 08:55]

Lena! Já ég skal trúa því að þú sért með "Rain-man" syndromið, enda þvílíkur árangur sem þú hefur náð mín kæra.

Lilja!

http://ragganagli.blog.is/blog/ragganagli/entry/463905/

http://ragganagli.blog.is/blog/ragganagli/entry/598199/

Rut! Mæli ekki með að drekka meira en 2 sjeika á dag. Heil fæða hefur alltaf vinninginn.

[Harpa (IP-tala skráð) 3.8.2009 kl. 13:27]

Alltaf jafn fræðandi færslur hjá þér - er ný orðin fasta lesandi á þínu bloggi.

En ég er með spurningu, reyndar ekkert tengd þessari færslu. Ég er að fara að koma mér af stað hvað varðar ræktina og ég var að pæla hver sé besta brennsluaðferðin (svona á milli lyftinga)? Ég er nefnilega með smá læri/maga og þarf að minnka það.

[Lilja (IP-tala skráð) 7.8.2009 kl. 13:38]

Oh geggjað. Takk fyrir :)