Æfing í dag...hvað skal borða??

Ég prédikaði hér um daginn um mikilvægi þess að næra sig rétt eftir æfingu en ekki síður mikilvægt er hvað við borðum fyrir æfingu.  Við getum ekki gefið allan kraft í æfingarnar ef bensínið klárast á miðri æfingu.  Eitt reps í viðbót eða smá þyngingar á lóðum getur skipt sköpum fyrir árangur og er eingöngu mögulegt með réttri og góðri næringu fyrir átökin.

Það er mikilvægt að borða rétt samsetta máltíð 1-2 klst fyrir æfingu sem samanstendur af kolvetnum með lágt GI, prótíni og fitu og ávöxtum. 

Kolvetni með lágt GI eru hæglosandi og tryggja að orkan dugi í gegnum alla æfinguna.

Til dæmis: hýðishrísgrjón, gróft brauð, haframjöl, heilhveiti eða spelt pasta.

Prótín eru byggingarefni vöðva og án þess stækka þeir ekki,

Til dæmis: egg, kjúklingur, magurt kjöt eða fiskur.

Fitusýrur auka testosterone magni líkamans en það er eitt mikilvægasta hormónið til að vöðvauppbyggingar.  Fitusýrur veita mikla orku, og eru lengi að meltast og viðhalda þannig seddutilfinningu í gegnum alla æfinguna.

Til dæmis: EFA töflur (Essential Fatty Acids), feitur fiskur (lax, silungur, makríll, sardínur), hnetur og möndlur, hörfræolía.

Ávextir eru sneisafullir af vítamínum og andoxunarefnum.  Þeir víkka æðarnar svo blóðið ferðast auðveldar gegnum líkamann og kemur í veg fyrir of háan blóðþrýsting meðan á æfingu stendur.

Þar sem ávextir hafa hátt GI þá losast kolvetnin í þeim hratt út í blóðrás og veita því góða orku fyrir skammvinn átök líkt og lyftingar.  Ávextir eru því góður kostur rétt fyrir æfingu ef okkur finnst líkamann vanta skjótfengna orku.

 

Rétt bætiefni 30 mínútum fyrir æfingu getur einnig skipt sköpum hvort við náum hámarks árangri á æfingunni eða ekki.  Hafið samt í huga að BÆTIefni eru aðeins til að bæta við fæðuna. Séum við ekki vel nærð fyrir æfingu þá verður hefur það engin áhrif þótt við séum sneisafull af púðri og pillum.

 

Góð bætiefni fyrir æfingu:

 

Fjölvítamín

Brennslutöflur

Kreatín (líka eftir æfingu)

BCAA (Amínósýrur)

Glútamín (líka eftir æfingu)

Koffín

Ginseng

Athugasemdir

[Snjólaug (IP-tala skráð) 12.10.2007 kl. 11:56]

Note taken. Takk fyrir þetta. Skelli nokkrum hnetum með útá Weetabixið fyrir morgun-æfingu :)

[Svana (IP-tala skráð) 12.10.2007 kl. 21:57]

Takk fyrir frábær ráð;-)