Keppnisdagur Naglans

Jæja þá er dagurinn runninn upp.
Dagurinn sem líf Naglans hefur snúist um síðustu mánuðina.
Eftir 7 tíma mun Naglinn skakklappast á hælum uppi á sviði í Austurbæ og leyfa hundruðum að grandskoða rassinn. Spenna, kvíði og tilhlökkun hrærast í bland inni í Naglanum þessa stundina.

Þetta ferli hefur allt verið gríðarlega lærdómsríkt, sérstaklega að merkja breytingar á líkamanum og árangur af ströngu mataræði og æfingum. Eins að sjá hvað virkar fyrir minn líkama og hvað ekki, því engir tveir líkamar eru eins og það sem hentar einum þarf ekki endilega að henta mér. Þess vegna verða keppendur alltaf betri og betri með hverju móti því þeir læra á líkamann sinn í gegnum marga niðurskurði.

Það sem kom mér mikið á óvart í undirbúningnum er hversu allir eru boðnir og búnir að aðstoða og hjálpa við allt mögulegt sem viðkemur keppninni eins og: mataræði, æfingar, lit, pósur, bikiní.
Ég hef fengið ómetanlegan stuðning og aðstoð frá öðrum reyndari keppendum: Ingunni, Heiðrúnu, Sollu og Önnu Bellu sem allar hafa verið óþreytandi að svara endalausum spurningum Naglans, og hjálpað með bikiní, ásetningu á lit og peppað mann andlega.
Ástarþakkir elskurnar mínar fyrir alla hjálpina!!

Hjartans þakkir allir sem hafa óskað mér góðs gengis, stuðningur ykkar er mér mikils virði. Ég er langt frá því að vera hætt að blogga, þið losnið sko ekki svo auðveldlega við nöldrið í Naglanum um heilbrigðan lífsstíl.

Góða helgi !!

Athugasemdir

[Óla Maja (IP-tala skráð) 24.11.2007 kl. 10:27]

Ég óska þér góðs gengis í dag og að fyrst og fremst hafirðu bæði gagn og gaman af deginum.   

Hlakka til að frétta af þér og fá meira að lesa og fræðast í framtíðinni

Bestu kveðjur

[Majan (IP-tala skráð) 24.11.2007 kl. 11:36]

Sendi þér lukkustrauma og gleðifræ í bland við súkkulaðirúsínur! Hlakka til að sjá þig á sviðinu í dag. Þú massar þetta ííííhaaaaaa!!

[Fannar Karvel (IP-tala skráð) 24.11.2007 kl. 13:00]

Vona að maður losni nú ekki við "nöldrið" í bráð, nýbyrjaður að lesa og líkar mjög vel.

Vona líka að við verðum saman á sviðinu í mars

[Sibba (IP-tala skráð) 24.11.2007 kl. 13:37]

 Er búin að vera að fylgjast með þér á blogginu og gaman og fróðlegt að lesa haltu því áfram Gangi þér vel í dag

[Jóhanna (IP-tala skráð) 24.11.2007 kl. 21:26]

hæ sæta og gangi þér vel í dag :) hugsa til þín, þú ert algjör hetja og kannski maður fari bara að taka þig sér til fyrirmyndar :):)

[Audrey, 25.11.2007 kl. 10:26]

Nú er maður farinn að sjá eftir að hafa ekki farið í Austurbæ að fylgjast með í gær því ég finn hvergi neitt um úrslitin!  Bíð því spennt eftir næsta bloggi hér en líklega ertu alveg búin á því og ert að njóta þess að sofa út

Vonandi gekk þetta rosalega vel