Skikkjan inn í skáp

Gærdagurinn fer í sögubækurnar sem ömurlegasti dagur í langan tíma.  Naglinn hefur margoft lýst því yfir að verða ekki veikur, Naglinn er ofurmenni sem verður bara ekki veikur svoleiðis er það bara. 

En í gær þurfti Naglinn að hengja skikkjuna í skáp og játa sig sigraðan.  Flensa, hálsbólga, hiti og beinverkir skóku skrokkinn og dagurinn fór í legu undir feldi, gláp á fjóra þætti af Aðþrengdum eiginkonum og netið skoðað í öreindir. 

Versta við þetta allt saman var að komast ekki í ræktina. 

Naglinn höndlar illa svona uppákomur sem setja rútínuna úr skorðum. 

Var hitalaus í morgun svo Naglinn skellti sér í brennslu til að svitna ógeðinu út.  Veikindin sögðu nú alveg til sín en þolið var svipað og hjá berklasjúklingi.  En betra en ekkert samt. 

Svo eru það axlirnar seinnipartinn og fróðlegt að sjá hvort styrkurinn sé úti í móa með þolinu.

Athugasemdir

[Rakel (IP-tala skráð) 17.1.2008 kl. 13:14]

Hef rekið augu inn á síðuna þína reglulega og vildi bara spurja þig að einu þar sem að þú ert nú heilsualki  það er hrós!!

Ég á s.s. pólarúr og nota það mikið, vildi bara vita hvað ég ætti að vera að brenna á klukkutíma, eða hvað er svona góð brennsla þá í kaloríum?

Kveðja, Rakel

[Dísa skvísa (IP-tala skráð) 17.1.2008 kl. 13:48]

Sæl, varð hreinlega að kvitta, rakst á þessa síðu og vá, las bara allar færslurnar eins og reyfara, hef haft brjálaðan áhuga á líkamsrækt í mörg ár, en hef staðnað svolítið lengiGaf mér mikið pepp að lesa bloggin þín, flottur penni hér á ferð og ég fer öflug í ræktina á eftir. Flott hjá þér stelpa, held sko áfram að fylgjast með. Með betri bloggurum sem ég hef rekist á.

Kæ kveðja

[Ragnhildur Þórðardóttir, 17.1.2008 kl. 14:17]

Sæl Rakel,

Ánægð með þetta nýyrði "heilsualki", nú nota ég þetta óspart.  Varðandi brennsluna þá fer hvíldarpúlsinn (grunnbrennslan) þín eftir aldri og þyngd.  Brennslupúls er svo 60-90% af hvíldarpúlsinum.  Það fer því eftir á hvaða álagi þú ert að æfa, hvað þú ert gömul og hve þung, hversu mikið þú ert að brenna á klukkutíma .  Flest Polar úr núorðið biðja um hæð, þyngd og aldur og reikna þannig út kaloríurnar sem þú brennir á æfingunni.

Dísa! Kærar þakkir fyrir hrósið, maður roðnar bara uppúr og niðrúr við svona falleg orð .  Mikið er ég glöð að hafa áhrif þarna úti og þú sért á leiðinni að taka á því í ræktinni á eftir.  Til hamingju með að rífa þig úr stöðnuninni  

[M, 17.1.2008 kl. 18:19]

Prufaði túnfisksalatið frá þér og var það gott til að byrja með svo fékk ég æl... upp í háls.  Gerði það með skyri og held það sé alltof þykkt.  Gefst ekkert upp og prufa næst sýrðan rjóma

Endilega komdu með fleiri hollar uppskriftir, ekki veitir af. 

[Ragnhildur Þórðardóttir, 17.1.2008 kl. 19:34]

M! Prófaðu næst jógúrtið, þannig var það gert í USA en með non-fat jógúrt sem er auðvitað ekki til hér. En það er svo lítil fita í hreinni jógúrt að það ætti ekki að koma að sök. Ég geri túnfisksalat yfirleitt með 1/2 dós af skyri og 1/2 dós 5% sýrðan blandað saman. Verður aðeins of þykkt og súrt með bara skyri.

Svo er rosa gott að setja smá sinnep eða Sweet relish með.