Appelsínu hafragrautur

Skammtur af haframjöli

1 tsk rifinn appelsínubörkur

1 tsk appelsínudropar eða kreista nokkra dropa úr appelsínu eða 1 tsk ósykraður appelsínusafi

Vatn (magn fer eftir hversu þykkan graut menn vilja: minna vatn = þykkari grautur)

 

Haframjöl, vatn, appelsínudropar og rifinn appelsínubörkur sett í pott og látið sjóða.  Þegar suðan kemur upp, setja 2-3 skeiðar af Husk og hræra vel.  Bæta vatni út í ef grauturinn verður of þykkur.

Best að láta standa í pínu stund áður en borðað til að fá appelsínubragðið vel fram.

Athugasemdir

[Hulda (ókunnug) (IP-tala skráð) 13.2.2008 kl. 13:46]

Hef það ekki í mér lengur að kvitta ekki  samviskan nagar....

Kem hingað reglulega, og hef gert í nokkrar vikur. "Ráfaði" hingað inn af einhverri slysni og setti í favorites.... Finnst frábært að lesa það sem þú hefur að segja og ráðin þín hjálpa mér mikið í minni rækt.

En eins og ég sagði þá finnst mér ég vera eins og einhver "þjófur" að lesa hér og skilja ekki einu sinni eftir mig kveðju..... sem er hér með komið til skila

Kveðja frá áhugasömum lesanda á Akureyri

[Ragnhildur Þórðardóttir, 13.2.2008 kl. 14:01]

Sæl og blessuð Hulda, og kærar þakkir fyrir að kíkja í heimsókn.  Frábært að röflið í mér gagnist einhverjum .  Gangi þér rosa vel í þinni líkamsrækt, og ef þú ert með einhverjar spurningar þá skellirðu þeim bara í athugasemdakerfið og ég reyni að svara eftir bestu getu .

[Jóna Jóns (IP-tala skráð) 13.2.2008 kl. 15:32]

Hún Hulda ýtti undir samviskubit hjá mér...kíki hér inn á hverjum degi...það er nú það minnsta sem maður getur gert...það er að þakka fyrir sig... 

Takk takk

Kveðja

Jóna 

[Óla Maja (IP-tala skráð) 13.2.2008 kl. 17:56]

Ummmm.... þennan VERÐ ég að prófa. Er samt ekki ennþá orðin leið á þessum "gamla" góða sem þú sagðir einu sinni frá hér á síðunni og ég hef bara borðað á hverjum morgni síðan og þar hefur magaveiki, hálsbólga, þynnka eða ferðalög ekki haft nein áhrif á þann fasta lið í tilverunni. Er semsagt orðin hafragrautarfíkill - thank's to you

[Ragnhildur Þórðardóttir, 13.2.2008 kl. 19:20]

Sæl Jóna, og takk sömuleiðis fyrir að kíkja í heimsókn. Alltaf gaman að "sjá" ný andlit hér.

Óla Maja! Ég veit það, maður verður háður hafragrautnum, hann er bara snilld og ekki spillir gríðarleg hollustan fyrir.

[Sibba (IP-tala skráð) 13.2.2008 kl. 22:45]

hæ hæ hvað er þetta Husk??

                    kveðja Sibba

[Ragnhildur Þórðardóttir, 14.2.2008 kl. 08:43]

Husk eru trefjar og fást í apótekum.  Er í grænum og hvítum pökkum.  Hjálpar rosa til við meltinguna .

[Sibba (IP-tala skráð) 14.2.2008 kl. 11:27]

frábært ég í Apótekið

[Dísa (IP-tala skráð) 14.2.2008 kl. 12:47]

Takk, takk. Alltaf að kíkja á þig, þorði ekki annað en að kvitta í þetta skiptiðSkemmtilegasta síðan á mbl blogginu og fróðlegasta. Takk fyrir

[Ragnhildur Þórðardóttir, 14.2.2008 kl. 14:08]

Sæl Dísa,  Kærar þakkir fyrir hrósið .  En síða er víst til lítils gagns ef ekki eru lesendur svo ég þakka þér sömuleiðis fyrir að kíkja í heimsókn .

[Lokka (IP-tala skráð) 20.2.2008 kl. 01:18]

Góð hugmynd að setja appelsínubörk í grautinn. Þegar að ég áttaði mig á að hafragrautur þarf ekki að vera eins og veggfóðurslím fór ég að prófa mig áfram með grautargerð og hef búið mér til nokkra varianta. Appelsínubörkur verður prófaður í fyrramálið. Ég er búin að setja grófu hafrana mína í skál ásamt vatni, sólblómafræjum og appelsínuberki. Þar kúra þeir í nótt og bíða þess að vera settir inn í örbylgjuofn meðan að ég klæði mig og pota linsunum í augun.

Hvernig er það með Naglann, setur hann mjólk út á grautinn sinn?

P.s Er sammála þér með Husk, það er frábært fyrir garnirnar. Ég tek það reyndar stundum inn í hylkjum. Kaupi það þá með Acidophilus.

[Ragnhildur Þórðardóttir, 20.2.2008 kl. 14:17]

Nei Naglinn getur víst ekki borðað mjólkurvörur, en set sojamjólk stundum í staðinn, eða hræri prótíndufti í vatn og helli út á grautinn.... það er algjört nammi

[Lokka (IP-tala skráð) 21.2.2008 kl. 01:42]

Jaso. Mér finnst líka gott að setja sojamjólk út á graut. Hvaða próteinduft finnst þér best? Mér finnst þau svo svakalega misgóð, á erfitt með að ímynda mér próteinduft út í vatn sem nammi.

[Ragnhildur Þórðardóttir, 21.2.2008 kl. 10:54]

Þú hefur greinilega ekki smakkað Scitec prótein.  Það er algjör suddi það er svo gott.  Ég var búin að prófa þau mörg prótinduftin, en já sæll!! eftir að hafa prófað Scitec þarf ég ekki að svindla lengur..... svona nánast .  Vá ég hljóma eins og auglýsing .