Kolvetni og vökvasöfnun

Af hverju fær maður bjúg og verður allur þrútinn og uppþembdur eftir að hafa borðað of stóran skammt af kolvetnum ?

Líkaminn geymir umfram kolvetni í vöðvum sem vöðva glýkógen.  Glýkógen keyrir áfram æfinguna, þannig að það sem við borðum umfram í dag mun keyra áfram æfinguna á morgun.  Ef hins vegar glýkógenbirgðirnar eru nokkuð fullar fyrir, eru umfram kolvetni geymd sem líkamsfita. 
Neysla kolvetna getur valdið tímabundnum bjúg (vökvasöfnun).  Við neyslu á kolvetnum er insúlín losað og við það eykst magn hormónsins aldosterone sem heldur vatni í líkamanum, sérstaklega undir húð.  Við þetta myndast bjúgur og maður þrútnar í andliti, á fingrum og ökklum sérstaklega. 

 

Um leið og eðlileg inntaka kolvetna hefst aftur fellur magn aldosterone aftur í eðlilegt horf eftir 1-2 daga og þar með losnar um vatnssöfnunina.  Margir misskilja þetta ástand og telja sig hafa fitnað eftir aðeins eina stóra máltíð, en staðreyndin er sú að kolvetni breytast ekki svo hratt í fitu, en geta hins vegar valdið vökvasöfnun mjög hratt sem getur litið út eins og fitusöfnun.

Besta ráðið við að losa vatn er einfalt.  Drekka vatn!! og nóg af því.

Athugasemdir

[M, 26.2.2008 kl. 11:11]

Á við þetta vandamál að stríða þ.e.a.s bjúgur á fingrum, frekar óþolandi. Finnst þetta ekki endilega fylgja mataræðinu, bólgna jafnvel upp ef mér er of heitt og jafnvel eftir göngutúr úti.  En jú hef tekið eftir eins og eftir rauðvínsglas ( glös). Reyni að drekka vatn á móti sem dugar ekki alltaf

[Ragnhildur Þórðardóttir, 26.2.2008 kl. 11:55]

Vatnið er það eina sem blífar á helv...bjúginn.  Ég þrútna einmitt sjálf þegar mér er heitt, og fæ hrikalegan bjúg eftir nammidaga.  Lít alltaf út eins og óléttur hamstur í nokkra daga eftir sukkið. 
Það er alveg óþolandi að vera svona næmur á þetta .