Axlir og mallakútur

Massaði axlakvikindin í gær með Jóhönnu.  Tókum hrikalega á því enda eru sperrurnar í dag sendar með DHL hraðsendingaþjónustu beint frá djöflinum sjálfum. 
Nýtt PR (Personal Record) var slegið í pressu með lóð, 20 kg takk fyrir takk, náði 3 repsum alveg ein og Jóhanna spottaði mig í því síðasta.  Kellingin er þokkalega sátt við það .

Löggan tók eftir því að nokkrir karlmenn sem voru að lyfta í kringum okkur hættu allir því sem þeir voru að gera þegar Naglinn byrjaði að rymja og stynja undir stönginni. 
Það var eins og einhver hefði ýtt á pásu .  Það eru svo margir plebbar sem vita ekkert hvernig þeir eiga að bregðast við þegar þeir sjá og heyra "kellingar" taka almennilega á því. 

Æfing gærdagsins:

Axlir:

Axlapressa m/lóð: 17,5kg x 8 reps, 18kg x 7 reps, 18kg x 7 reps, 20 kg x 4 reps

Axlapressa m/stöng: 32,5 kg x 8 reps, 32,5kg x 8, 35kg x 6, 35kg x 6 

Hliðarlyftur með lóð: 4x10 reps @ 8kg

Hliðarlyftur í vél: 3x10 reps 2 plötur

Framlyftur í vél: 3x 10 reps 1 plata

Kviður:

Swiss ball með lóð: 3 x 10-12 reps @ 6 kg

Decline með lóð: 3 x10-12 reps @ 6 kg

Fótalyftur hangandi beinir fætur: 3 x 15

Athugasemdir

[Audrey, 5.4.2008 kl. 09:28]

Kraftur í tjéllingunni!

En hvað tekurðu oft maga...? Ég tek eiginlega aldrei maga því mér fannst magavöðvarnir farnir að stækka út á við og ýta út bumbunni á mér .. án gríns sko !!

[Ragnhildur Þórðardóttir, 7.4.2008 kl. 10:44]

Ég er haldin massífum komplexum yfir maganum  svo ég tek kviðæfingar 3-4x í viku.  Hann byrjar oft að standa út ef maður tekur hann þungt.  Það er líka mikilvægt að spenna hann vel í gegnum alla æfinguna og passa öndunina.  Ég hafði gert kviðæfingar vitlaust í mörg ár og var kennt að gera þær rétt.