Hugulsemi Tjallans meiri en góðu hófi gegnir

Jæja, afsakið þögnina. Þið hafið kannski haldið að Naglinn væri dáinn, hefði kafnað í eigin spiki. Nei nei, Naglinn er sprelllifandi og sparkandi. Naglinn ól manninn í Lundúnum um liðna helgi, og var því fjarri tækninni, en ekki fjarri ræktinni þó. Massaði nokkrar æfingar í ríkisræktinni í London. Það er alltaf jafn gaman að breyta um umhverfi og æfa á nýrri grund. Tjallinn er þó afskiptasamari en við frændurnir í norðri eigum að venjast. Naglinn lenti nefnilega í tveimur atvikum þar sem hugulsemi náungans náði út yfir öll velsæmismörk. Í fyrra skiptið kom örvasa gamalmenni að Naglanum þar sem verið var að massa neðri kviðinn (og ekki veitir af). Kallinn var c.a 18 kíló, en samt með lyftingabelti, og Naglinn velti fyrir sér nýtingu þess fyrir 5 kg lóðasveiflurnar. Hann sagði með yfirstéttar breskum hreim: " This is a very good ab exercise you are doing, but if you want a smaller waist, you shouldn't be doing them with a dumbbell, but rather focus on the repetitions". Naglinn hugsaði "Öööö já já, gamli kall !! Er ég með svona feitt mitti að þér ofbýður og getur hreinlega ekki orða bundist??" en beit í vörina, taldi upp að hundrað í huganum og sagði: "Thank you for the tip, but I prefer to do them with dumbbells". Í seinna skiptið var Naglinn að negla HIIT brennslu á þrekstiganum og tók lotur þar sem hraðinn var blastaður upp í hæstu mögulegu stillingu og svo hægari lotur á milli. Í lok hraðferðanna svindlaði Naglinn og hallaði sér fram á handriðið. Nota bene! iPodinn var á fullu gasi í eyrunum, Naglinn horfði í gólfið og einbeitti sér að verkefninu þegar allt í einu verður vart við hönd sem veifar Naglanum og svo er pikkað í öxlina. Þá stendur maður á fertugsaldri hjá þrekstiganum og Naglinn tekur iPod-inn úr öðru eyranu. Mannkvikindið segir (og aftur er um að ræða hreim sem Beta sjálf yrði stolt af): "You are doing your arms a disservice by leaning forward. You should really reduce the speed and try and stand up straight". Þetta korn fyllti mælinn hjá Naglanum hvað varðar athugasemdir í þessari annars agnarsmáu líkamsræktarstöð. Andsvar Naglans var því stutt og laggott "OK, thank you" og heyrnartólinu stungið aftur í eyrað og haldið áfram þar sem frá var horfið.... á handriðunum. Ætlaði sko ekki að gera þessum afskiptasama Breta til geðs að rétta úr mér. Gerði það bara þegar hann var horfinn sjónum. Fyrr má nú aldeilis bera hag náungans fyrir brjósti þarna í Norður London!!!

Athugasemdir

[Nanna (IP-tala skráð) 29.4.2008 kl. 09:29]

Vó rólegir á afskiptaseminni....  Hjálpsemin að gera útaf við fólk ;)

[Ragnhildur Þórðardóttir, 29.4.2008 kl. 09:47]

Algjörlega... hvenær myndi maður pikka í einhvern á þrekstiganum í World Class og segja honum að rétta úr sér... öööö aldrei.

[Bjarney Bjarnadóttir, 29.4.2008 kl. 10:39]

Og fyrir utan það þá er bara fínt að halla sér stundum fram og targeta aðeins meira á rassinn svo lengi sem þunginn hvílir á fótunum en ekki höndunum!

Finnst reyndar ógeðslegt þegar fólk er með olnbogana þráðbeina, í lás og með allan þungan á höndunum og rétt tiplar á tánnum, en myndi samt aldrei pikka í viðkomandi og skipta mér af, nema viðkomandi væri í þjálfun hjá mér og borgaði mér fyrir að skipta mér af

[Hrund (IP-tala skráð) 29.4.2008 kl. 13:07]

Váá... fyrr má nú vera, hahaha...

[Audrey, 30.4.2008 kl. 10:06]

Ohh ég læt einmitt pirra mig líka fólk sem hangir á þrekstiganum á læstum handleggjunum.   Og á svaka hraða - heldur að það sé að púla alveg rosalega