Mökk pirraður Nagli

Stundirnar í ræktinni eru uppáhaldsstundir Naglans, það jafnast ekkert á við tilfinninguna að rífa í járnið, massa stálið, berjast, hamast, mása og blása.

En annað var uppi á teningnum á æfingu í gær.  Á dagskránni var að massa bakið, víkka latsana og þykkja herðablöðin.  Eftir upphitun byrjar Naglinn á upphífingum, og greinilegt að morgunbrennslurnar og kaloríuköttið er byrjað að segja til sín á æfingum, því hífurnar gengu ekki eins vel og vanalega, og það fór í skapið á Naglanum  Þessi pirringur magnaðist eftir því sem leið á æfinguna, og allt fór í taugarnar á mér, þó sérstaklega mín eigin risastóra spegilmynd. 

Einhverjir aumingja Danir urðu fyrir því óláni að vera á bekk við hliðina á Naglanum á meðan ég var að taka róður með lóð.  Þeir voru að spjalla saman á sínu hrognamáli og hvetja hvorn annan áfram: "Je, kom so, hallo, hallo, kom so...."  Þessi hvatning og þeir yfirhöfuð fóru í gegnum merg og bein á pirruðum Naglanum og ekkert annað í stöðunni en að þyngja vel og fá útrás í gegnum lóðin.  Enda djöflaðist Naglinn svo svakalega að eftir settið sá ég að Danakvikindin voru allir að glápa á aðfarir hlussunnar við hliðina.

Hleypti svo restinni af skapvonskunni út í brennslu og fór bara nokkuð sátt við lífið út úr Laugum.

 

Svona er maður klikkaður .

 

Athugasemdir

[Audrey, 7.5.2008 kl. 14:07]

Hehe, alvöru skap hér á ferð

En af hverju ertu að auka brennsluna núna?  Ef ég má spyrja.

[Jana (IP-tala skráð) 7.5.2008 kl. 15:34]

Hehe passa mig á því að vera ekki að taka upphífingar núna, er eitthvað svo þung á mér þessar vikurnar og vil ekki vita hvað ég er ógeðslega léleg

[M, 7.5.2008 kl. 18:10]

Þyrfti að elta þig um salinn, var eins og villuráfandi hæna í tækjunum þar sem Body shape tímarnir eru farnir í sumarfrí.  Er alltof lin við sjálfa mig

[Ragnhildur Þórðardóttir, 8.5.2008 kl. 09:03]

Auður! Kellingin er í míní kötti núna í nokkrar vikur, fékk grænt ljós frá Konna og Guðrúnu Hólmfríði að það væri í lagi svona á miðju tímabili.  Verð að ná mér aðeins niður, spikið er komið út yfir öll velsæmismörk

Jana!  Ég hefði betur sleppt þeim enda ógeðslega þung og léleg í þeim... ekki gott fyrir skapið í minni að vera ekki 100% .

M! Þér er velkomið að elta mig um salinn hvenær sem er mín kæra .  Ég er að lyfta um 4 leytið á daginn.