Út um græna grundu hleypur Naglinn

Naglinn massaði fyrsta útihlaup sumarsins í morgun, enda ekkert annað í stöðunni við slíkar kjöraðstæður... blankalogn, næstum 10 stiga hiti og sólin að brjótast fram úr skýjunum. Það jafnast ekkert á við hlaup eldsnemma morguns, aleinn, ekki hræða á ferli nema einstaka blaðberi og leigubíll, lyktin af nýslegnu grasi fyllir vitin og Led Zepp og Voodoo people á blasti í eyrunum, Það voru nett viðbrigði að fara af færibandinu í Laugum og út á malbikið. Það er nefnilega mun erfiðara að puða undir berum himni, maður er að vinna með meira súrefni og meiri mótspyrna í malbikinu. Reyndi að taka sem flestar brekkur til að láta afturendann vinna yfirvinnu (ekki veitir honum af), og henti nokkrum tröppuhlaupum inn í dæmið líka til að drepa lappirnar algjörlega. Var líka algjörlega búin á því eftir klukkutíma og lét það gott heita. Hlakka strax til næsta útihlaups.

Athugasemdir

[Kristín Arna (IP-tala skráð) 15.5.2008 kl. 01:09]

Dugleg ertu skvísa! ég fór akkurat eftir æfinguna með stelpuna uppá esjuna í góða veðrinu, aaaaaalgjör snilld..

Gaman að sjá þig í  ræktinni í dag ;)

[Ragnhildur Þórðardóttir, 15.5.2008 kl. 09:01]

Vá, ég segi bara sömuleiðis duglega kona.... upp á Esjuna eftir hard core brjóst æfingu, það er bara fyrir alvöru Nagla .

Gaman að sjá þig sömuleiðis, reynum endilega að kýla á æfingu saman við tækifæri .

[Palli (IP-tala skráð) 15.5.2008 kl. 13:22]

Einhverstaðar heyrði ég líka að það brenndi meiru að hlaupa á malarvegi eða grasi heldur en malbiki, veistu hvort að það sé eitthvað til í því?

[Ragnhildur Þórðardóttir, 15.5.2008 kl. 13:41]

Og í sandi á strönd.  Ég hef heyrt þetta líka.  Fæturnir þurfa víst að vinna meira þegar undirlagið er ójafnt sem leiðir til meiri brennslu.