Ótrúlegur árangur Heather

Ég verð að deila með ykkur lesendur góðir, reynslusögu einnar "online" vinkonu minnar, hennar Heather.  Árangur hennar er eitt það magnaðasta sem ég hef séð.  Hún hafði alltaf verið of þung og reyndar allir í fjölskyldu hennar líka og það var mikið um hjartasjúkdóma í ættinni. 

Mataræði Heather var ekki nógu gott, hún reyndi að borða hollt en datt oft í sukkið inn á milli.  Hún hreyfði sig lítið sem ekkert.  Hún var með of háan blóðþrýsting og hætti að vigta sig þegar hún var komin upp í 140 kg.

Þegar mamma hennar dó aðeins 55 ára eftir hjartaáfall, og amma hennar hafði dáið 40 ára af sömu orsökum ákvað hún: Hingað og ekki lengra!

Hún byrjaði að hreyfa sig, bara lítið til að byrja með, út að ganga og jók smám saman við hreyfinguna og keypti sér loks kort í ræktina og byrjaði að lyfta.  Hún breytti mataræðinu til hins betra, borðaði margar litlar máltíðir á dag, fullt af grænmeti, grófu korni og mögru kjöti.  Hún var komin niður í 80 kg í júlí 2006 og þá smitaðist hún af keppnisbakteríunni og keppti í fyrsta skipti í nóvember 2007, 57 kg og 10% fita.

 

Fyrri myndin, janúar 2001, u.þ.b 140 kg. 
Seinni myndin, apríl 2006, 65 kg.

Hér er hún í sinni fyrstu keppni (sú í miðjunni) í nóvember, 2007.

 

Þessi magnaði árangur Heather sýnir okkur að allt er hægt ef viljinn er fyrir hendi.

Athugasemdir

[Hrund (IP-tala skráð) 24.6.2008 kl. 11:05]

Váá... já það sko ýmislegt hægt ef maður ætlar sér það. Alltaf gott að sjá svona myndir og lesa reynslusögur fólks sem hefur náð svona frábærum árangri. Þetta er bara til að sparka í rassinn á manni

p.s. Sci-Tec prótínið komið í hús og get ekki annað sagt en að mér líki mjög vel Loksins á ég bragðgott prótín! ...

[Ragnhildur Þórðardóttir, 24.6.2008 kl. 11:08]

Já algjörlega.  Hún er ekkert smá dugleg þessi skvísa.

Hvaða bragðtegund pantaðirðu?  Protein delite eða 100% whey?

[Óla Maja (IP-tala skráð) 24.6.2008 kl. 11:19]

Glæsilegur árangur  Eins og þú segir, sýnir manni að allt er hægt ef viljinn er fyrir hendi. Stærsta hindrunin er alltaf blessaður hausinn á manni sjálfum  Ég missti svolítið stjórnina á mínu lífi í vetur (af ýmsum persónulegum ástæðum) og um leið fór matarræði og hreyfing í vitleysu.  Á sama tíma hætti ég hreinlega að kíkja við á síðunni þinni enda hausinn ekkert með á þessari línu á þeim tíma. Undanfarna daga er ég því búin að vera að lesa aftur í tímann og það er ótrúleg hvað þessi síða þín er mikill viskubrunnur og mikil hvatning. Held ég ætti að setja mér það markmið að byrja daginn á að lesa síðuna þína!

Í lokin; frábært að sjá nýjustu myndina af þér  Greinilega mikil breyting enda dugnaðurinn alveg með eindæmum. Hjartanlega til hamingju með árangurinn.

[Hrund (IP-tala skráð) 24.6.2008 kl. 11:21]

Ég pantaði súkkulaði-kókos delite. Fékk líka nokkrar prufur af 100% sem ég á eftir að smakka.

[Hrund (IP-tala skráð) 24.6.2008 kl. 11:23]

eitt annað... hvar getur maður keypt bara eggjahvitur einar og sér? Manstu hvar það er?

[Ragnhildur Þórðardóttir, 24.6.2008 kl. 11:38]

Óla Maja!  Ég hef saknað þín, velti mikið fyrir mér hvað hefði eiginlega orðið um þig.  Gott að fá þig um borð aftur.  Það er svo rétt að þetta er allt í hausnum á manni, og hann er eina hindrunin.  Sterkur vilji og rétt hugarfar kemur manni á áfangastað.  Takk fyrir falleg orð mín kæra .

Hrund! Súkk-kókos er algjör suddi, gæti lifað á því einu saman.  Ég athugaði Stjörnuegg og þeir selja ekki bara eggjahvítur.  Mig minnir að einhver hafi talað um að Nesbú selji svoleiðis en það er virkilega erfitt að ná í einhvern þar þrátt fyrir ítrekaðar tilraunir.  Ertu ekki komin með meirapróf í að aðskilja hvítur frá rauðum, ég gæti unnið í bérnaise sósu verksmiðju .

[Óla Maja (IP-tala skráð) 24.6.2008 kl. 13:33]

Takk fyrir það. Það er líka gott að vera komin aftur

Segðu mér.. hvað er hún Heather gömul? Bara smá vangavelta því mér sýnist hún hafa tekið af sér ein 20 ár um leið og kílóin! Ótrúlegur munur!

[Ragnhildur Þórðardóttir, 24.6.2008 kl. 14:36]

Hún er 32 ára.  Já það er ótrúlegt hvað fitan getur gert mann eldri í útliti, sérstaklega þegar hún er áberandi í kringum andlitið.

[Helga (IP-tala skráð) 24.6.2008 kl. 15:26]

Hæ hæ ein spurning...

Hefur þú, nú eða einhver annar sem kemur inn á þessa frábæru síðu þína, prófað uppskriftina af "haframjöls/prótein-kökunni", sem einhver setti hér inn í commenti um daginn?

Ég var að prófa þetta og þetta er alger snilld, sérstaklega fyrir okkur þau sem finnst hafragrautur algerlega off! Hins vegar var kakan mín gjörsamlega eins og gúmmí

Lumar þú eða einhver annar á einhverjum ráðum til þess að hún verði örlítið mýkri? Bakaði ég hana kannski bara aðeins of lengi...?

Takk takk fyrir fróðleik og skemmtun

bkv. Helga

[Ragnhildur Þórðardóttir, 24.6.2008 kl. 15:33]

Sæl og blessuð Helga,

Þú ert líklega að tala um haframjölskökuna frá Kristínu Birnu.  Nei ég hef ekki enn prófað hana.  Mér dettur helst í hug að hafa hana skemur inni í ofni, eða setja meiri vökva t.d eina hvítu í viðbót eða smá vatn.  Annars flokkast ég seint sem húsmóðir vikunnar hehehe .... svo allar ábendingar frá lesendum eru vel þegnar. 

 Takk fyrir að kíkja í heimsókn. 

[Ingunn Þ. (IP-tala skráð) 24.6.2008 kl. 15:53]

Ég þekki eina sem hefur náð svona rosalega frábærum árangri líka  

[Kristín Birna (IP-tala skráð) 24.6.2008 kl. 16:33]

Er kakan mín að slá í gegn ;-)

Helga! ég myndi prófa að annað hvort baka kökuna jafnvel aðeins lengur því þá þá ætti hún að verða stökk heldur en seig,  en þá er líklega meiri hætta á því að hún verði hörð. Þá er væri líka kanski hægt að hafa hana aðeins þykkri. Ég held að galdurinn sé lítill hiti og langur tími!

Endilega prófaðu þig áfram með þetta því hafrar á morgnanna er bara eitt það besta sem maður fær og einmitt sniðugt að baka úr þeim ef manni finnst grauturinn off eins og þú talaðir um ;-)

Kristín Birna

[Helga (IP-tala skráð) 24.6.2008 kl. 22:08]

Takk takk fyrir svörin skvísur

Ég reyni að þróa þetta eitthvað, þarf bara að ná "tötsinu".

Svo eru prótein-pönnslurnar þínar Ragga næstar á dagskrá í tilraunaeldhúsinu

bkv. Helga

[Palli (IP-tala skráð) 25.6.2008 kl. 10:10]

Hreint út sagt ótrúlegur árangur!



En svona off-topic, hver heldur þú að sé ákjósanleg keppnis-fituprósenta?

[Ragnhildur Þórðardóttir, 25.6.2008 kl. 11:23]

Sæll Palli!

Það er voða misjafnt, og fer í raun eftir líkamsvexti, byggingu og vöðvamassa.  Fyrir konur er bilið 8-14%, en 5-9% hjá körlum.  Ef ég tek dæmi um konur þá geta sumar verið helskornar í 14% en aðrar þurfa að fara alveg niður í 8% til að sjá skurð. 

[Adda (IP-tala skráð) 25.6.2008 kl. 22:06]

Lítill heimur, ég þekki hana líka ;)

[Ragnhildur Þórðardóttir, 26.6.2008 kl. 10:19]

Adda!  Já það má segja það að þetta sé lítill heimur.  Hvernig þekkist þið?

[Adda (IP-tala skráð) 26.6.2008 kl. 11:39]

Líka gegnum netið :) Oxygen síðuna