Don't stop me now....

Naglinn hefur girt sig í brók, bitið í skjaldarrendur og rifið sig upp úr eymdinni og volæðinu.  Þegar tekst ekki nógu vel upp er ekkert annað í stöðunni en að halda áfram og leggja sig enn harðar fram til að betur gangi næst. 

Það er nauðsynlegt að endurskoða síðasta plan: hvað var að virka, hvað var ekki að virka og nýta sér það til að sjá hvernig væri betra að haga hlutunum í næsta preppi. 

Naglinn hefur nefnilega tekið þá ákvörðun að keppa um páskana.  Ekki er hægt að láta hryggðarmyndina sem blasti við almúganum í Háskólabíó vera síðasta orð Naglans. 
Nú er planið að halda sér í þessari þyngd og byrja svo aftur að skera í janúar. 
Sá undirbúningur ætti vonandi að verða auðveldari en síðast þar sem minna er af mör núna.

Naglinn tók einn dag í svindl og svínarí en var mætt á brettið kl. 0600 á mánudagsmorgun, og búin að taka lyftingarnar af fullum krafti alla vikuna.  Var komin með fráhvarfseinkenni frá beygjum enda ekki tekið fætur í meira en viku og Naglinn elskar að taka fætur.  Það er eitthvað svo fullnægjandi við að djöflast á staurunum.

Naglinn hefur meira að segja fengið nýja gulrót til að halda skrokknum í lagi en Naglinn var beðin um að vera bodypaint módel fyrir nema í förðunarskóla.  Svo Naglinn verður til sýnis aftur, og í þetta sinn máluð frá hvirfli til ilja og það á túttunum.... maður fékk þó að vera í brjósthaldara í Fitnessinu.....

Athugasemdir

[Mama G, 28.11.2008 kl. 12:13]

LOL  gott að heyra að þú ert komin aftur!

[þrúður (IP-tala skráð) 28.11.2008 kl. 12:32]

líst vel á þig núna .

[Elín H. Guðnadóttir (IP-tala skráð) 28.11.2008 kl. 12:41]

Snillingur :) þú massar þetta um páskana!

[Ingunn L (vinkona Bjarneyjar) (IP-tala skráð) 28.11.2008 kl. 13:40]

Líst vel á að þú farir um páskana.  Fannst ýkt gaman að tala við þig í gær, er búin að lesa bloggið þitt svo lengi

[Hrund (IP-tala skráð) 28.11.2008 kl. 13:46]

hahaha..... Frábært!!  Við sjáumst þá mega flottar um páskana !!

Þú verður rooosaleg....

[Ragnhildur Þórðardóttir, 28.11.2008 kl. 14:46]

Takk alle sammen. Er komin í góðan gír fyrir næsta prepp.

Sömuleiðis Ingunn, mjög gaman að hitta þig. Ég slefaði yfir myndunum af þér frá Ice-fitnessinu, enda stór stór glæsileg. Að mínu mati áttir þú að lenda í 1.sæti.

Hrund! Við verðum hrrrrikalegar um páskana. Það verður gaman að hafa þig þarna líka.

[sas (IP-tala skráð) 28.11.2008 kl. 15:00]

Já það er um að gera að setjast afrur uppá hestinn eða í þínu tilviki bekkinn

[Nanna (IP-tala skráð) 28.11.2008 kl. 15:33]

Líst vel á þig ;) mundu bara, ekki of mikið cardio !!!  1x í viku, og svo góðar upphitanir fyrir lyftingarnar ;)

[Björkin (IP-tala skráð) 28.11.2008 kl. 16:06]

Þú ert bara töffari!! Gott með þig stelpa... I like it :D

[Ingunn L (IP-tala skráð) 28.11.2008 kl. 16:35]

Ragga takk kærlega fyrir það, mér finnst voða gaman að heyra þetta frá manneskju eins og þér

[Helga (IP-tala skráð) 29.11.2008 kl. 10:11]

Alger snilld!

Gott að heyra ákveðnina í þér :)

[Ragnhildur Þórðardóttir, 29.11.2008 kl. 11:02]

Takk öll sömul. Naglinn hefur ekki tíma í eitthvað svekkelsiskjaftæði. Stend betur að vígi fyrir næsta prepp heldur en síðast, svo það væri synd að taka ekki þátt. Svo tek ég bara gott off-season eftir páska og byggi mig betur upp, sérstaklega yfir axlir og hendur.

[Bjarney Bjarnadóttir, 29.11.2008 kl. 13:23]

Þú ert snillingur! Leist líka ekkert smá vel út í ræktinni í fyrradag, áttir greinilega ekki langt í land á mótsdag! En ég stend samt við það að mér finnst aðdáunavert að þú kláraðir undirbúninginn alla leið, ég held að allir hafi einhvern tímann átt léleg mót og ég er viss um að þetta gerir það að verkum að þú kemur helmingi sterkari til leiks um páskana!!

Gangi þér vel mín kæra, þú ert endalaust dugleg!!

[Ragnhildur Þórðardóttir, 29.11.2008 kl. 13:36]

Æi, hjartans þakkir Bjarney mín fyrir falleg orð í minn garð. Það yljar mér um hjartarætur. Ég var mun léttari í lund eftir að hafa hitt ykkur stöllur í WC í vikunni, þú ert svo hrein og bein.

Það er pínu svekkjandi að skurðurinn virðist vera að detta inn þessa dagana.... öööö aðeins of seint.... en þá ætti næsta prepp að verða auðveldara.

Ég hef aðeins verið að velta þessu fyrir mér með þig og prepp + ritgerð á sama tíma. Þar sem ég hef gert B.A og M.Sc ritgerðir og tvö prepp, þá verð ég að segja að ég hefði aldrei meikað að gera hvoru tveggja á sama tíma. Hvort um sig tók alla mína orku og einbeitningu, og að vera að skrifa ritgerð dauðþreytt eftir 2 æfingar dagsins, vakna í cardio, heilinn ekki að fá kolvetnin sín.... nei veistu.... ég held að það sé ekki nógu sniðugt. Að ætla sér of mikið mun bara bitna á annað hvort ritgerð eða preppinu. Það kemur keppni eftir þessa keppni, svo ritgerðin ætti að hafa forgang að mínu mati.

En þetta er bara mín skoðun, þú auðvitað vegur þetta og metur sjálf.

[Bjarney Bjarnadóttir, 29.11.2008 kl. 13:58]

Nei ég er alveg búin að taka ákvörðun um að fresta þessu keppnisdæmi, myndi aldrei fyrirgefa mér að klára ekki háskólanámið mitt með sæmd! Fannst einmitt fínt að hitta þig til að bakka mig uppí þessari ákvörðun! Þá leið mér ekki eins og alveg jafn miklum aula með að vera að setja þetta fyrir mig! hehe

Og ef ég keppi þá langar mig að koma skikkanleg á svið, sé ekki fram á að ég gæti gert báða þessi hluti vel á sama tíma, og ekki nennum við að vera að hjakkast í einhverri meðalmennsku  stefni þá frekar bara á haustið ef ég verð ennþá í keppnishugleiðingum...  

[Ragnhildur Þórðardóttir, 29.11.2008 kl. 18:52]

Ég held að þú sért að taka hárrétta ákvörðun, að eyða öllum kröftunum í að klára námið með stæl, ekki viljum við heldur vera í einhverri meðalmennsku þar. Massar svo fitnessið bara á Bikarmótinu 2009.

[Björkin (IP-tala skráð) 29.11.2008 kl. 20:54]

Skurðurinn að detta inn núna sérðu.... þökk sé smá svindli..... Ég segi: Það þarf að vera með :D ooog ekki leiðinlegt að vita til þess að það virkar líka :D :D Awwwww

[Ragnhildur Þórðardóttir, 30.11.2008 kl. 10:57]

Ég held það nefnilega að svindlið hafi kveikt í brennslunni.... Það verður þokkalega inni í næsta preppi :D

[Óla Maja (IP-tala skráð) 1.12.2008 kl. 23:08]

Flottur tónninn í Naglanum  Nú er ég farin að kannast við mína

[Anna Bella (IP-tala skráð) 2.12.2008 kl. 21:35]

sjitt er ég glöð að sjá þetta stelpa... og mundu þetta nú þegar þú ferð að kötta um áramótin... það sem gerðist  var að þú varst OF öguð OF lengi og það veistu krútta mín.... ein svindlaseta á viku er nauðsynleg eða einn dag á tveggja vikna fresti and you know it baby :) way to go . veist hvar mig er að finna  en þú veist að mig fylgir skammarleg hreinskilni :)

stolt af þér krútta

Anna Bella