Hvatning

Sumir eiga erfitt með að hvetja sjálfa(n) sig áfram á braut hollustu og hreyfingar og sjá stundum ekki tilganginn með öllum þessum hamagangi í ræktinni og hörku í mataræði.

Hvað hvetur þessa allra hörðustu til að mæta samviskusamlega í ræktina dag eftir dag eftir viku eftir ár, og sleppa sukkóbjóði og halda sig við hollari kosti í mataræðinu?

Naglinn tók saman nokkra punkta frá nokkrum gallhörðum stallsystrum sínum sem hafa náð hrikalegum árangri um hvað hvetur þær áfram.

“1. sumarið er á næsta leiti sem þýðir meira af beru holdi.
2. ég er að verða eldri og ætla ekki að verða tölfræðinni að bráð - að fitna með aldrinum
3. hreyfing heldur vitglórunni í lagi – ég elska endorfín kikkið eftir æfingu
4. ég sýni 5 ára dóttur minni gott fordæmi með því að borða hollt og hreyfa mig”

“Að setja lokatakmark sem ég veit að ég vil ná hvetur mig áfram.
Ég þarf innri hvatningu til að halda mig við ákvarðanir. Ytri ábyrgð hjálpar, en það er ekki nóg hvatning til að gera breytingar. Það verður að vera eitthvað sem ÉG vil.”

“Litlir hlutir hvetja mig áfram: breyting á því hvernig fötin passa, sýnilegri vöðvar, breyting á vigtinni.
Ég reyni að taka svengdinni fagnandi, og minni sjálfa mig á að það sem lítur út eins og fórnir (t.d að velja hollari kosti á veitingastað) eru í raun ákvarðanir mínar sem færa mig eitt lítið skref í átt að lokamarkmiðinu.
Girnilegur sukkmatur verður til staðar fyrir mig í framtíðinni.
Hver 100% dagur í mataræðinu er sigur sem ég fagna.”

“Heilsan mín hvetur mig áfram. Ég greindist með brjóstakrabbamein 29 ára gömul og vil gera allt til að vera hraust og njóta lífsins.”

“Að vera 30 kg of þung á 40 ára afmælinu mínu var ekki sá staður sem ég vildi vera á. Ég vildi vera hraust og í formi. Eftir því sem ég kemst í betra form því meira þróa ég markmiðin mín.”

“Ég vil líta vel út og líða vel í bikiníinu í sumar.”
“Ég vil vera grennri því ég vil ögra sjálfri mér, ég vil sjá hvaða árangri ég næ með því að halda mig við mataræðið og æfingarnar.”

“Ég greindist með krabbamein 31 árs, svo það er ekki erfitt að halda sig frá unnum viðbjóði og borða heilar óunnar afurðir þegar þú vilt gefa líkamanum bestu mögulega næringu.
Það er líka ögrun að sjá hversu langt ég get ýtt sjálfri mér og breytt því sem ég hef þegar byggt upp.”

“Ég vil að matur og líkaminn séu frelsi en ekki höft. Aðhald í mataræðinu veitir mér vald yfir mat og það finnst mér frelsandi.
Yfirþyngd og lítið sjálfstraust eru það ekki.”

“Bara að passa í gallabuxurnar aftur án þess að kafna. Það er skammtímahvatning.”

Það væri gaman að fá komment frá ykkur lesendum um hvað hvetur ykkur áfram, hvort sem er í ræktinni eða mataræðinu, nú eða hvoru tveggja.

Athugasemdir

[Eygló Sara , 30.3.2009 kl. 11:56]

Mér finnst þetta frábært hjá þér að halda uppi þessari síðu um hreyfingu og mataræði, ég fer út að skokka á hverjum degi oft upp í 3 klukkutíma, reyni að forðast mjólkurvörur og sætindi, ger og  sykur ,hef gert þetta lengi,og borða ekki brauð, ég er ekki að segja að ég sé þveng mjó en er alveg ágæt eins og ég er...

[Bryndís Böðvarsdóttir, 30.3.2009 kl. 23:20]

Þetta er afar hvetjandi lesning fyrir mig. En hvað gerir þú varðandi blóðsykursójafnvægi í kringum blæðingar? (segir sú sem sækir í súkkulaði þá).

[Óli Jóns (IP-tala skráð) 31.3.2009 kl. 08:06]

Mín mesta hvatning er að horfa á stærstu handlóðin á rekkanum og geta ekki beðið eftir að ná þeim upp í bekkpressu með handlóðum!

[Ragnhildur Þórðardóttir, 31.3.2009 kl. 08:28]

Eygló! Takk fyrir falleg orð og takk fyrir kvittið. Þú ert greinilega eiturhörð bæði í þjálfun og mataræði.... keep up the good work :-)

Bryndís! Hef aldrei fundið fyrir þessari sykurþörf í kringum blæðingar. En almennt séð þá er besta ráðið til að halda blóðsykrinum stöðugum að borða reglulega 5-6 x á dag, þá kemurðu í veg fyrir sykurfall sem margir finna fyrir sérstaklega seinnipart dags.

Óli! Þetta er almennilegt markmið, ánægð með þig drengur!! Með þennan metnað í brjósti muntu rífa í lurka-lóðin áður en þú veist af ;-)

[nafna (IP-tala skráð) 31.3.2009 kl. 20:36]

Allt hvetur mann áfram :) Gaman að sjá árangur, bæði á líkama og getu. Gaman þegar aðrir kommenta á hvað gengur vel. Fylgjast með duglegu fólki og þeirra árangri sem er endalaust tilbúið að miðla þekkingu (þú t.d. ;) ). Gaman að heyra börnin segja hvað maður sé duglegur og hvað maður hafi hlaupið langt - þetta er bara gaman. Fyrir utan hvað það er erfitt að byrja aftur ef maður hættir ;)

[Harpa (IP-tala skráð) 31.3.2009 kl. 23:20]

árangurinn er besta hvatningin :-)

Varðandi sykurþörf (í kringum blæðingar eða bara hvenær sem er) langar mig að tékka á þurrkkuðum ávöxtum, ég veit að þeir eru kolvetnaríkir, en þeir slá ansi hreint vel á sykurþörfina, eru þeir slæmir ef takmarkið er að missa fitu???

takk fyrir skemmtilega og fróðlega síðu sem virkar einmitt mjög hvetjandi ;-)