Flensa smensa.... hlusta ekki á svona kjaftæði

Nú er Naglinn í bullandi sjálfsblekkingu og afneitun því kvef og flensa eru að herja á skrokkinn en hugurinn segir "Nei nei nei.... Naglar verða ekki veikir". 

Þrátt fyrir stútfullar ennisholur, hita og beinverki var samt tekin brennsla í morgun en ég held að ég þyrfti að vera við dauðans dyr til að sleppa ræktinni.  Vona bara að ég hafi svitnað sýklunum út.

Minn heittelskaði ráðlagði mér að fara ekki í vinnuna og vera bara heima, en ég hélt nú ekki.  Hafði ekki heyrt annað eins rugl um dagana, ég myndi bara drepast úr leiðindum.  Ekki nema ég væri hálf-meðvitundarlaus gæti ég hangið heima hjá mér alein í heilan dag.  Það er bara mannskemmandi. 

Þá er nú skárra að drattast í vinnuna og gera eitthvað gagn í þágu samfélagsins. Þar sem heilinn minn er nokkurra % öryrki í dag virðist gagn mitt hér samt aðallega felast í að skrifa inn bloggfærslur og vafra á vefnum. 

Hey! At least I'm getting paid!!  

Góða helgi gott fólk.

Athugasemdir

[Ingunn (IP-tala skráð) 23.3.2007 kl. 10:46]

Það er greinilega ekki mikið verið að hugsa um hina sem Naglinn gæti smitað af flensu og viðbjóði með þrjósku sinni

[Ragnhildur Þórðardóttir, 23.3.2007 kl. 10:58]

Tja, þetta er góður punktur en við skulum líta á þá staðreynd að einhver smitaði mig með sinni þrjósku.....hhhhmmmm.

[Ingunn (IP-tala skráð) 23.3.2007 kl. 13:46]

Hehehe...túsjey

[Óla Maja (IP-tala skráð) 24.3.2007 kl. 00:08]

Þú ert sannkallaður NAGLI..  Skil þig annars vel með að vilja ekki fórna ræktinni. Er sjálf bara nýlega komin í gang (aftur) við að vinna markvisst í ræktinni og get heldur ekki hugsað mér að missa úr dag. Annars ágætis punktur hjá Ingunni með að smita aðra

Þakka þér svo fyrir góðan pistil um lotuþjálfun. Ég er ákveðin í að prófa þetta á næstu dögum  

[Maria Mjoll (IP-tala skráð) 25.3.2007 kl. 00:27]

Hæ, ætla rétt að vona að þú takir samt góða vogarhelgi með afslöppun og nautnalíferni. Annars er ég með spurningu varðandi færlsu frá 16. mars: Hvað ef púls mælist hærri en hámarkspúls, hlýtur það ekki að vera hinn raunverulegi hámarkspúls, og á maður þá að æfa á no more than 90% af þeim púlsi? Ég er nefnilega 28 (going 29) og púlsinn minn hefur allnokkru sinnum mælst um og yfir 210 slögum á mín. Enginn sem ég hef spurt hefur átt svör við þessu en það sakar ekki að spyrja naglann...

[Ragnhildur Þórðardóttir, 26.3.2007 kl. 09:22]

María Mjöll mín, hér kemurðu því miður að tómum kofanum hvað þennan ofurháa púls þinn varðar.  Ég hef aldrei vitað til þess að fólk sé með svona háan púls í hvíld.  Ég ætla nú samt að fara á stúfana og athuga hvort ég geti ekki aflað mér einhverra upplýsinga um svona ástand.  En nokkrar spurningar fyrir þig: Hverjir hafa mælt púlsinn í þessi skipti? Með hverskonar græjum? Kom þetta bara fram meðan þú varst ólétt? Hefurðu upplifað hjartsláttartruflanir, og hvernig er blóðþrýstingurinn hjá þér? 

[Maria Mjoll (IP-tala skráð) 26.3.2007 kl. 10:11]

Takk fyrir að kíkja á málið. Þetta er nú bara mitt eðlilega ástand, þ.e. hefur verið svona frá því í píptestunum í MR í gamla daga (þá var púlsinn yfir 220). Í dag nota ég púlsmæli frá pulsar (getur það ekki verið) og fer í svona háan púls við álagsæfingar eins og sipp. Ég sat nú aðallega eins og klessa á óléttunni svo ekki fór púlsinn mjög hátt þá. Er með lágan blóðþrýsting (ekki of lágan, bara mjög góðan) og hvíldarpúlsinn er um 60 og hjartsláttartruflanir hafa ekki gert vart við sig. En ég hef nú svo sem ekki stórar áhyggjur, bara forvitin að vita hver æfingarpúlsinn minn ætti að vera þar sem maður blæs varla úr nös ef maður notast við formúluna 220-aldur etc.

[Ragnhildur Þórðardóttir, 28.3.2007 kl. 14:01]

Ég er búin að kanna málið og í ljós kom að blessaður einstaklingsmunurinn er hér á ferð.  Sumir hafa víst mjög háan æfingapúls, og mega alveg við því að bæta við 10-20 slögum við sinn hámarkspúls (220-aldur).  Aðrir komast aldrei upp í sinn hámarkspúls, sama hve mikið þeir djöflast (ég er í þeim hópi).  Svo þú skalt ekki miða við þessa formúlu.  Það er mun betra fyrir þig að miða við Borg skalann, þar sem 1 er skítlétt og 10 er við dauðans dyr af álagi.  Ágætt er að miða við að vera á bilinu 7-10, semsagt að taka á því, geta ekki haldið uppi samræðum, fá súrefni gegnum munninn og í hámarksálagi getirðu ekki haldið út meira en mínútu (óháð því hvaða tala stendur á púlsmælinum).

Vonandi hjálpar þetta eitthvað skvís.