I never met a calorie I didn't like

Jæja páskarnir liðnir og það er ekki laust við smá eftir-frís niðurfall (post holiday blues) hjá Naglanum eftir að hafa spókað sig um götur Berlínarborgar yfir hátíðirnar.  En nú tekur hversdagurinn við, og að sjálfsögðu þarf Naglinn að taka á honum stóra sínum í ræktinni til að losna við lýsið sem hlóðst upp í Þýskalandsförinni, því ekki voru eggjahvítur á boðstólum þar ónei.  Hitaeiningafjöldinn sem innbyrtur var í þessari ferð í formi páskaeggja, morgunverðarhlaðborðs, tyrkneskra kræsinga hleypur eflaust á milljónum.

Fór reyndar í ræktina þarna úti á laugardagsmorgninum og ætlaði á mánudagsmorgun líka en það datt upp fyrir og engin afsökun fyrir því önnur en leti og ég er ennþá reið út í sjálfa mig yfir því.

Nú verður aldeilis spýtt í lófana enda eru bara tæpar 4 vikur í Þrekmeistarann.  Ég ætla að splæsa á mig mánaðarkorti í World Class, því aðstaðan þar til að æfa brautina er miklu betri en í Hreyfingu.  Í WC eru flest tækin úr brautinni á sama svæðinu og kassinn fyrir uppstigið í réttri hæð, og þessi fína róðravél en ekki veitir mér af að púla aðeins á henni.  Ég er líka komin með pínu leið á að æfa alltaf á sama stað og því verður fínt að breyta aðeins um umhverfi og sjá ný andlit.