Kúpubrjótur

Skull crusher eða Kúpubrjótur er ekki persóna úr He-man eða fjall (sbr. Leggjabrjótur í Skaftafelli), heldur er um að ræða þríhöfða æfingu sem felst í því að legið er á bakinu á bekk. Stöng er haldið í augnhæð fyrir ofan höfuð og eingöngu olnbogar beygðir þar til stöng nemur við enni og nota þríhöfðann til að lyfta stöng til baka í augnhæð.

Passa skal að olnbogar vísi alltaf beint fram en ekki út til hliðar til að einangra þríhöfðann.

Ekki taka of þungt í þessari æfingu því eins og nafnið gefur til kynna þá getur slíkt leitt til kramdrar kúpu.

Má einnig framkvæma með handlóðum.

Athugasemdir

[Óla Maja (IP-tala skráð) 23.8.2007 kl. 19:35]

Sæl mín kæra..

Góðar þessar útskýringar á tækjum og tólum

Ég er með þrjár spurningar:

1. Ég man ekki hvort þú hefur skrifað um kolvetni en mig langar svo að vita - á sama hátt og próteinið - hvernig veit ég hversu mikið ég á að borða af góðum kolvetnum?

2. Getur verið að ég eigi að borða undir 50 g af próteini í hvert mál (miðað við 6 máltíðir á dag)? Mér finnst það virka svo lítið  

3. Ég er líka í vandræðum með fitu-útreikninginn (agalega mikill rati í þessu) því að í bókinni er talað um að fitan eigi að vera 20% af dagsskammtinum. Á ég þá að vigta allt sem ég borða til að átta mig á réttu magni?

Ég er mjög stressuð á því að borða of mikið eða of lítið því mér finnst þetta dálítið flókið allt saman - er kannski bara svona treg

Hef reyndar fjórðu spurninguna en hún er allt annars eðlis. Er möguleiki á því í blog.is að setja inn svona leitarramma - þ.e. svo maður geti leitað eftir orði á síðunni þinni?

Bestu kveðjur, Óla Maja með harðsperrur dauðans í dag

[Hrund (IP-tala skráð) 26.8.2007 kl. 16:40]

Hæhæ, veistu hvort það er komin dagsetning fyrir Þrekmeistarann?

kv. Hrund

[Ragnhildur Þórðardóttir, 27.8.2007 kl. 10:04]

Sæl Óla Maja,

1. Miðaðu bara við að borða einn skammt af flóknum kolvetnum og einn skammt af grænmeti og einn skammt af prótíni í hverri máltíð.  Nema á kvöldin þá sleppirðu flóknu og eykur við grænmetið í staðinn.

2. Það fer eftir því hvað þú ert þung og hvað þú þarft að borða mikið prótín á dag, ég þarf að borða c.a 140-200 g af prótíni á dag og skipti því niður í 5-6 máltíðir og borða c.a 30 g prótín í hvert mál. 

3. Það getur verið ágætt að vigta matinn sinn, ég geri mjög mikið af því.  Reyndu að hafa góða fitu í mataræðinu, t.d eitt laxastykki, eða 1 msk af ólífuolíu út á salatið eða taka CLA/EFA hylki.

4. Hef ekki hugmynd, ég er svo tæknilega fötluð og kann bara grunnatriðin hér á blogginu. 

Hrund! 

Það virðist ekki vera komin dagsetning á Þrekmeistarann, var einmitt að athuga www.fitness.is og engar fréttir ennþá. 

[Óla Maja (IP-tala skráð) 27.8.2007 kl. 11:59]

Sæl aftur.

Þúsund þakkir fyrir svörin. þetta hjálpar helling. Ég var t.d. ekki búin að átta mig á því að sleppa flóknu kolvetnunum á kvöldin  Sýnist ég vera með nokkuð rétta tölu á próteininu miðað við það sem þú segist borða. Ég er örugglega þó nokkuð þyngri en þú  Líklega er ég með fituna meira á hreinu en ég hélt. Nota yfirleitt msk út á salatið (eða nokkrar furuhnetur eða valhnetur) og sleppi því þegar ég hef lax.

Bestu kveðjur og takk fyrir mig