Ljúffengur lax

Það kom ósk frá dyggum lesanda um uppskrift í athugasemdum og að sjálfsögðu verður Naglinn við slíkum beiðnum. Því slengi ég hér fram vinsælum hádegisverði á borðum Naglans.

Lax með spínati og hýðishrísgrjónum:

Lax (frábær uppspretta af Omega fitusýrum). Marineraður í 1 msk af Teriyaki í 2-3 klst í nestispoka í ísskáp. Bakaður í ofni við 200° í 15-20 mínútur. Tíminn fer eftir ofninum, því betri ofn því styttri tími en ofninn á heimili Naglans er jafn öflugur og ljósapera og því hef ég hann inni í 20 mínútur.

Spínat (grænmeti á að vera í hverri máltíð enda fjörefni og gott í kroppinn). Skolað og skellt á sjóðandi heita pönnu í 2-3 mínútur (engin olía) og hrært í á meðan. Spínatið sett á disk og piprað veeeel með svörtum pipar.

Skammtur af hýðishrísgrjónum (flókin kolvetni eru orkugjafi  fyrir átökin í ræktinni).

 Hér er dýrindis máltíð sem er holl og rétt samsett af kolvetnum, prótíni og fitu.

Bon appetit!!!

Athugasemdir

[Anna Brynja (IP-tala skráð) 20.9.2007 kl. 09:28]

Jeminn ertu bara búin að binda hnútinn!
Innilega til hamingju með það sæta mín! Hlakka til að sjá myndir
Og ég bara verð að segja ... sluuuuuuurp hvað þetta er girnó máltíð! Ég nota helst spínat í alla rétti namm namm

Hamingjukveðjur,
Anna Brynja

[Ragnhildur Þórðardóttir, 20.9.2007 kl. 11:09]

Takk fyrir það skvís. Já já nú er mín bara orðin gift kona og frelsið farið út í veður og vind. Nú er það bara elda, þvo og strauja alla daga.

Spínat er algjör snilld, bæði gómsætt og svo sneisafullt af fjörefni fyrir bicepinn. Sjáðu bara Stjána bláa ;-).

Myndin í fyrri færslu er úr brúðkaupinu, kannski erfitt að átta sig á því þar sem brúðurin klæddist ekki hvítu. Set inn fleiri myndir fljótlega.