Kryddsíld Naglans

Nú eru allir sjónvarpsþættir að líta um öxl og gera upp árið 2007 á ýmsum vettvangi og horfa fram á veginn árið 2008.

Naglinn ætlar að gera slíkt hið sama í þessum pistli.

Í einkalífinu er það án efa brúðkaupið okkar Snorra sem stendur upp úr. Það var mikil hamingjustund og ógleymanleg athöfn og veisla, stuð og stemmning all the way.

Á vettvangi hreystinnar er það Fitness keppnin í nóvember sem stendur upp úr, enda snerist líf Naglans um þessa keppni bróðurpart ársins.

Í undirbúningnum fyrir keppnina lærði ég meira um næringu, þjálfun og hvað virkar á minn eigin líkama, en öll þau 7 ár sem ég hef pælt í þessum hlutum.

Naglinn eignaðist líka fullt af góðum vinum í gegnum undirbúninginn, Heiðrúnu, Ingunni, Önnu Bellu og Sollu sem hjálpuðu mér heilmikið og hefði aldrei farið í gegnum þetta án þeirra.

Þó ég hafi ekki staðið á palli þá fannst mér ég samt hafa sigrað, því ég sigraði allar neikvæðu hugsanirnar, eins og að ég gæti þetta aldrei og fitness væri bara fyrir annað fólk, og stóð uppi á þessu sviði í mínu besta formi.
En lengi má gott bæta og árið 2008 er stefnan að bæta verulega við vöðvamassann, þá sérstaklega axlir, bak og hendur.

Naglinn er líka stoltur af þátttöku sinni í Þrekmeistaranum í vor, þar sem tíminn frá haustmótinu var bættur.
Stefnan árið 2008 er að gera enn betur og bæta þær greinar sem ég er léleg í, eins og armbeygjur, fótalyftur og uppsetur, en ég tapaði dýrmætum sekúndum í þessu greinum á báðum síðustu mótum.

Naglinn óskar öllum lesendum síðunnar gleðilegs og heilbrigðs árs, og takk fyrir að nenna að lesa blaðrið árið 2007. Sjáumst vonandi heil og hraust á síðunni á nýju ári.

Athugasemdir

[Eva (IP-tala skráð) 31.12.2007 kl. 14:33]

Gleðilegt ár og þakka æðislega fyrir fræðsluna á því gamla og býð spennt eftir nýjum og nýjum fróðleiksmolum á nýju ári :)

[Sesselja Fjóla Þorsteinsdóttir, 31.12.2007 kl. 15:51]

Megi nýtt ár færa þér gleði og gæfu !

[Helga Dögg (IP-tala skráð) 1.1.2008 kl. 13:03]

Gleðilegt nýtt heilsu- og hreystisár!

Takk fyrir alveg brilliant síðu. Maður lítur alltaf við spenntur yfir því hvaða fróðleik þú ætlar að ausa yfir okkur, lesendur þína. Engin pressa samt, við erum ósköp "einföld" mörg hver ;o) Það er bara svo mótiverandi að lesa um það hvað þú sjálf ert dugleg í ræktinni, rekur mann upp af rassg....

Bestu kveðjur frá einni ókunnugri :o)

[Óla Maja (IP-tala skráð) 1.1.2008 kl. 13:16]

Glæsilegt ár hjá Naglanum  Það verður spennandi að sjá árangur ársins 2008  Þakka enn og aftur fyrir mig á árinu sem var að líða og ég verð svo sannarlega hér áfram á þessu nýja og góða ári

[Eydís Hauksdóttir, 1.1.2008 kl. 14:08]

Gleðilegt ár sæta mín og haltu áfram að vera svona dugleg í heilsuræktinni og blogginu. Frábærir pistlar sem þú skrifar hérna inn og við Hilmar lesum þá í gríð og erg.... Eigðu frábært ár 2008 með honum Snorra þínum :-)

Kram og klejner fra Danmark, Eydís

[Mína (IP-tala skráð) 1.1.2008 kl. 14:42]

Gleðilegt ár mín kæra og takk fyrir það gamla. Hlakka til að fræðast enn meira um hreysti og heilsu á nýju ári og fylgjast með afrekum þínum

[Anna Marta (IP-tala skráð) 2.1.2008 kl. 10:44]

Hæ Ragga, sammála öllu því fólki sem segir sínar skoðanir á þínu BLOGGI. Frábærir molar þú ert alveg einstakur penni bæði fróðleg og fyndin. Takk fyrir flott Blogg árið 2007.  Veit að þú munt gera góða og kröftuga hluti á árinu 2008.  Gangi þér vel í öllu sem þú tekur þér fyrir hendur. Hreyfingakveðja Anna Marta

[Ingunn Þ. (IP-tala skráð) 2.1.2008 kl. 13:36]

Gleðilegt ár dúllan mín og megi þú ná öllum þínum markmiðum á nýju ári...kiss og knús

[Ragnhildur Þórðardóttir, 2.1.2008 kl. 14:23]

Hjartans þakkir allar saman fyrir falleg orð, Naglinn er hrærður yfir hvað þið eruð ánægð með pistlana frá mér og hve margir nenna að lesa nöldrið. Þá líður manni ekki eins og einhverjum siðapostula sem þrumar yfir athyglisskertum lýðnum heldur einum af hópnum þar sem allir eru námsfúsir og fróðleiksþyrstir.

Takk elskurnar mínar!!