Diet survival

 

Þó við pössum mataræðið og borðum hollt er engin ástæða til að maturinn sé jafn spennandi á bragðið og ljósritunarpappír. 
Við fæddumst jú öll með bragðlauka og þá þarf að kitla til að við séum sátt við lífið og tilveruna. 
Lífið er einfaldlega of stutt til að borða mat sem bragðast eins og trjábörkur og við framleiðum einfaldlega ekki nóg munnvatn til að tyggja þurrar bringur. 

 

Hér eru nefndir nokkrir hlutir sem eru nauðsynlegir þegar verið er að passa mataræðið:

 

Tyggjó

Splenda sætuefni

Sykurlaust síróp

Sykurlaus sulta (þessi franska: St. Dalfour held ég)  hrikalega góð á eggjahvítupönnsur

 

Allskonar krydd t.d:

Sítrónupipar

Svartur pipar

Kjúklingakrydd frá Bezt

Kryddblöndur í snúningsstaukum

Pizzakrydd frá Pottagöldrum

Tandoori

Hvítlaukur

Ostakrydd (snilld á blómkálið)

Krydd bréf frá Knorr blandað í sýrðan rjóma eða ólífuolíu sem sósur eða salatdressingar

 

Kanill

Múskat

Bragðdropar (vanillu, möndlu, appelsínu)

 

Sykurlaust gos

Sódavatn með bragði

 

Saltskert sojasósa

Teriyaki (lax eða kjúlli í Teriyaki...slef)

Sinnep

Tómatpúrra

Edik

Balsamedik

Te

Ólífuolía með bragði (sítrónu, basil, hvítlauks, chilli)

 

Hnetusmjör

Prótínduft (bláberja, hindberja, banana) í eggjahvítupönnsurnar

 

 

Endilega bætið við hugmyndum elskurnar...... 

 

 

 

Athugasemdir

[Svanur Heiðar Hauksson, 9.4.2008 kl. 12:12]

Ég les alltaf það sem þú ert að skrifa og nota það mér til heilsubótar. Þetta er frábært hjá  þér

[Ragnhildur Þórðardóttir, 9.4.2008 kl. 13:42]

Takk fyrir það kærlega, Svanur. 

Frábært að þú sért á réttri braut með heilsumálin . 

[Nanna (IP-tala skráð) 9.4.2008 kl. 13:55]

Ohh þennan lista þarf maður að eiga þegar maður verður hugmyndasnauður á skurðinum.... En sojasósan og léttsýrður rjómi er í uppáhaldi hjá mér!

Ertu að undirbúa þig fyrir bikarmótið skvís?

[Ragnhildur Þórðardóttir, 9.4.2008 kl. 14:02]

Elska sojasósu.... get ekki borðað brúnu grjónin án hennar. 

Jamm er að "bölka" á fullu, er orðin búttuð og fín.  Kemst í einar gallabuxur úr skápnum og það með herkjum.....  Hlakka nú svolítið til að byrja að skera í ágúst þó að það sé gaman að mega borða eins og meðalhross .

[Unnur (IP-tala skráð) 9.4.2008 kl. 14:42]

Frábær pistill eins og alltaf  

En ein spurning, hvað er ostakrydd? Hljómar spennandi

[Kristín (IP-tala skráð) 9.4.2008 kl. 15:51]

Les síðuna þín reglulega, sem er alveg full af fróðleik og skemmtilegheitum.

Er með eina spurningu...  Er nýbyrjuð að borða hnetusmjör, heyrði einhversstaðar að það væri sniðugt. Er það mjög fitandi? Er hálf hrædd við það ennþá..held að ég muni blása út af því

 Kv Kristín

[sas (IP-tala skráð) 9.4.2008 kl. 18:52]

þar sem að þú segir sykurlausir gosdrykkir þá datt mér í hug að þú hefðir áhuga á að horfa á þetta. Og bara allir þeir sem að eru að drekka light drykki

http://www.youtube.com/watch?v=YEQXkdu5_wM

Allavega alltaf gaman að lesa síðuna hjá þér

[Ragnhildur Þórðardóttir, 9.4.2008 kl. 21:06]

Unnur! Ostakrydd er frá Molly McButter http://mollymcbutter.com/ Algjör snilld út á allt mögulegt. Kallinn notar það líka helling.

Kristín! Hnetusmjör er auðvitað gert úr hnetum og því mikil fita í því, en það er góð fita sem hjálpar til við að brenna fitu og hægir á upptöku prótína svo þú ert södd lengur. Ein matskeið t.d með prótíni á kvöldin fyrir svefn er fínn skammtur. Ef þú ferð að úða því í þig þá getur það verið fitandi því það er jú mjög orkuríkt.

SAS! Ég hef heyrt svo margar hryllingssögur af aspartame, en það eru bara engar vísindalegar rannsóknir sem styðja þær. Hvað með baðkarið af Sprite-i og bláu M og M's. Allt er hættulegt í óhófi, og þar er sykurinn blessaður fremstur í flokki. Smá sætuefni ætti ekki að drepa neinn, ekki bráðdrepandi allavega ;-)

[Ingunn Þ. (IP-tala skráð) 9.4.2008 kl. 22:08]

Mér finnst einmitt alltof mikið fár í kringum eins og t.d. aspartame og MSG og hvað þetta allt heitir...gott og vel að sumir þoli þessar vörur illa en það er þá bara eins og þeir sem eru með mjólkuróþol eða glutenóþol o.fl. að þá eiga viðkomandi aðilar bara að sniðganga þessi efni en ekki vera að básúna það út um allar trissur að þetta sé frá djöflinum komið og gangi hreinlega af þeim dauðum sem láta þetta inn fyrir sínar varir.

[Ragnhildur Þórðardóttir, 10.4.2008 kl. 09:11]

Nákvæmlega, og ef þær ætla að troða þessu upp á mannskapinn að hafa þá allavega gögn í höndunum sem styðja þessar fullyrðingar.  Enn sem komið er hafa rannsóknir ekki getað sýnt fram á þessa bráðdrepandi og krabbameinsvaldandi eiginleika Aspartame.  Ekki frekar en að Gsm-símar og örbylgjuofnar valdi krabbameini sem hefur nú aldeilis verið blásið upp í gegnum tíðina.