Naglinn á egó trippi

Naglinn fékk netta egó trippið á síðustu fótaæfingu. Var að massa beygjurnar og í hnébeygjurekkanum fyrir aftan var einkaþjálfari sem Naglinn kannast aðeins við með kúnnann sinn að taka beygjur líka. Kúnninn var greinilega nýgræðingur því ekki var mikið á stönginni hjá honum greyinu. Eftir nokkur sett hjá báðum aðilum segir þjálfarinn við kúnnann: " Þú ert óheppinn að vera að taka beygjur fyrir aftan Röggu því hún er meistari í beygjum." Naglinn varð upp með sér og tvíefldist allur við þessa athugasemd. Var frekar sterk þennan morguninn en egó trippið gaf auka "boost" og stöngin var hlaðin sem aldrei fyrr. Alltaf gaman þegar einhver tekur eftir að maður leggur hart að sér á æfingum.

Athugasemdir

[Eva (IP-tala skráð) 3.5.2008 kl. 12:39]

Heh já það er reyndar alveg satt hvað svona smá hrós rífur mann vel upp, man einu sinni var ég í svona maga tæki þegar kona kom í tæki á móti mér og sagði " svakalega ertu með sterka magavöðva stelpa! tekur engar smá þyngdir" .. ég gjörsamlega blómstraði og vissi varla hvað ég ætti að segja hehe :P

Kv Eva 

[forvitinn aðdáandi (IP-tala skráð) 3.5.2008 kl. 15:50]

Hvað er svo kellan að setja á stöngina í hnébeygjunum? ;o)

[Ragnhildur Þórðardóttir, 5.5.2008 kl. 08:45]

Já Eva, maður verður óþolandi montinn að fá svona komment, og ofmetnast allur... sem er bara hið besta mál .

Forvitinn aðdáandi! Fer þyngst í 75-80 kg, alltaf ass to grass.  Var komin upp í 100 kg en það voru bara sissy squats, bara niður í 90°.  Var tekin í kennslustund í beygjum af meistaranum sjálfum og þurfti að létta enda helmingi erfiðara að fara svona djúpt.  Markmiðið er að vinna sig aftur upp í 100 kg en ass to grass beygjur .

[Eva (IP-tala skráð) 5.5.2008 kl. 10:28]

Var að spá varðandi hnébeygjur og tækið sem maður fer í.. virkar það ekki nánast eins? Því ég er svakalega feimin að taka hnébeygjur og á erfitt með að biðja um hjálp *hóst*

Kv Eva 

[Ragnhildur Þórðardóttir, 5.5.2008 kl. 11:11]

Ertu að tala um Smith vélina?  Það er áhrifaríkara að taka stöngina því þú notar svo marga jafnvægisvöðva þegar þú ert með stangir og lóð.  Þú ert þá að virkja mun fleiri vöðva en þegar þú notar vélar.  Prófaðu bara með stöngina fyrst til að byrja með, og svo geturðu unnið þig smám saman upp í þyngdum. Lykilatriði er að passa að bakið sé beint allan tímann, horfa beint fram og hafa þungann í hælunum og passa að hnén fari aldrei fram fyrir tærnar.  Ímyndaðu þér að þú sért að setjast í stól. 

[forvitinn aðdáandi (Elísa) (IP-tala skráð) 5.5.2008 kl. 15:45]

Takk fyrir svarið!

Það er greinilegt að ég á svolítið eftir í þig... hehe  nokkuð sátt með mín 50kg ;o)

Það er allt annað að taka hnébeygjur með stöng heldur en í vél.. ég næ ekki að beyta mér rétt í vélinni.. erfitt að ná djúpum beygjum með því að komast bara með stöngina beint niður..  

Mæli með að reyna stöngina, miklu betra þegar tökunum á því er náð.. 

[Ragnhildur Þórðardóttir, 6.5.2008 kl. 08:53]

Mér finnst 50 kg nú bara alveg frábær árangur, það eru sko ekki margar konur sem taka beygjur og hvað þá komnar með svo þungt á stöngina .  Algjörlega sammála með vél vs. stöng, mér finnst óþægilegt að nota Smith vélina, hreyfingin verður svo óeðlileg einhvern veginn.