Byssurnar massaðar

Naglinn massaði byssurnar í gær, ekki veitir af að pumpa aðeins þessar spírur sem hanga utan á manni í þeirri veiku von að þær stækki nú eitthvað.  Æfði með Jóhönnu svo það var vel tekið á því og spottað alveg grimmt í þyngstu settunum. Enda eru komnar góðar sperrur í tribbann, og vonandi tekur bibbinn við sér í dag líka.

Æfing gærdagsins:

Við tökum alltaf bibb og tribb til skiptis, til að þreyta þá jafnt í gegnum æfinguna. 

Byrjuðum á dýfum með eigin þyngd.  Þessi er mjög góð til að byggja upp kjöt á þríhöfðanum.  Erum að reyna að repsa þessa, svo við erum hættar að nota lóðabelti, enda báðar off-season og alveg nóg þyngd bara einar og sjálfar .

Svo negldum við curl með E-Z stöng vítt grip fyrir bibbann.  Þessi er eins og dýfurnar, hrikalega góð til að byggja upp massa.  Hér er mikilvægt að standa beinn allan tímann, ekki sveifla mjöðmum og baki fram og til baka.  Olnboga þétt við síðu allan tímann. 

Næst var það Skull crusher með E-Z stöng.  Þessi tekur hrikalega á þríhöfðanum og gott að hafa spott hérna.  Mikilvægt að fara vel niður í neðstu stöðu og hafa stöngina í línu við augun í efstu stöðu.

Preacher curli-ið með E-Z stöng þröngt grip var svo massað.  Hér er mikilvægt að láta bekkinn nema við handarkrikann og rétta vel úr handleggjum í neðstu stöðu.

Síðasta æfing fyrir tribbann var súpersett dauðans: Pressa með stöng í vél súpersettað með öfugri pressu með handfangi ein hönd í einu.  Þegar þessu var lokið var þríhöfðinn algjörlega game over.

Síðasta æfingin fyrir bíseppinn var hammer curl.  Hér er mikilvægt að hafa olnbogana þétt upp að síðunni allan tímann.

Eftir þessa æfingu vorum við algjörlega Dalai Lama í höndunum.

Athugasemdir

[Audrey, 23.5.2008 kl. 09:55]

Mætti segja mér að þú finndir aðeins fyrir þessu í dag.... eða hvað?  Miklar sperrur í tvíhöfða eru held ég einu sperrurnar sem mér finnast virkilega vondar