Massaður í drasl

Naglinn er sáttur, Naglinn er verulega sáttur.

Þjálfari í Laugum spurði Naglann í gær: " Varstu að slasa þig, ég sá þig haltra hér í gær?" 
Naglinn: "Nei, nei, þetta eru bara einhver álagsmeiðsli."
Þjálfarinn:  " Hva!! Þú ert bara orðin svo mössuð að liðirnir ráða ekki við svona miklar bætingar."

Naglinn klökknaði nánast.  Kjellingin hlýtur bara að vera að bæta á sig kjöti fyrst að maðurinn kemur með svona athugasemd.  Varla hefði hann farið að segja að ég væri orðin svo feit að liðirnir væru allir að kikna undan spikinu.   Kannski hefur hann samt meint það .
Nei, ekkert svona... bara jákvæð hugsun.... Naglinn er að massast í drasl!!

 

Athugasemdir

[Ingunn Þ. (IP-tala skráð) 12.6.2008 kl. 10:10]

Auðvita ertu að massast í drasl....það er ekki annað hægt þegar maður hefur viðlíka dedication og þú 

[Stína (IP-tala skráð) 12.6.2008 kl. 10:13]

Lítur bara mjög vel út, sá það með eigin augum í apótekinu í gær... flottar, við alltaf í íþróttasettinu ávallt reiðubúnar í action

[Ragnhildur Þórðardóttir, 12.6.2008 kl. 10:33]

Ingunn! Takk fyrir það skvís .  Vonandi nær maður svo að skafa lýsið af fyrir keppni svo kjötið sjáist nú eitthvað.

Stína! Takk fyrir það, og sömuleiðis.  Ég sé mun á þér, það hefur heflast utan af þér, ekki spurning. Mikið var gaman að rekast á þig í gær. 
Utan vinnu er ég alltaf í íþróttafötum, svo ofur þægilegt eitthvað .... langar stundum að segja við fólk "Jú, ég á alveg önnur föt".  Þú ert samt verri en ég, þú ert líka í gallanum í vinnunni

[M, 12.6.2008 kl. 11:11]

Mikið væri gaman að sjá myndir af þér stækka og stækka hérna á síðunni þinni

Held mig hafa séð þig í WC um daginn, en nei hún er ekki svona mössuð á myndunum hugsaði ég og þorði ekki að heilsa

[Ragnhildur Þórðardóttir, 12.6.2008 kl. 11:56]

M!  Það er nú ansi mikið flabb utan á mér líka en ég gæti tekið eina í fötum og hent hér inn.... skal hugsa um það og reyna að safna hugrekki.

Hvenær sástu mig?.... ég veit nebblega ekki hvernig þú lítur út .  Ohhh, ég vona að það hafi verið ég, þá er einhver munur á mér frá myndunum. 

[Audrey, 12.6.2008 kl. 12:22]

Allt að gerast hérna og kannski ekki skrítið, þú ert með því duglegra sem ég þekki í þessum málum!  Helmassaköttaðar kerlingarnar í haust

[M, 12.6.2008 kl. 12:39]

Nú man ég það ekki alveg. Varst ( eða þessi kona) að lyfta lóðum í hvítri peysu(jafnvel hettupeysu) Tók eftir að kona ( þú ?) hehe var með tösku í salnum, kannski full af prótíndrykkjum og orkustöngum Ljóshærð með tagl, en það er þorri kvennanna í wc svo sem. 

Passar þetta við þig ? 

[Ragnhildur Þórðardóttir, 12.6.2008 kl. 13:13]

M! Gæti sko alveg hafa verið ég, á hvíta peysu, er ljóshærð með tagl og ALLTAF með brúnu Puma töskuna mína í salnum, sem er full af allskonar tækjum og tólum.... ströppum, belti, vafningum, magnesíum, vatnsbrúsa, síma, tyggjó, púlsmæli, iPod....

Ég verð að fá að vita hvernig þú lítur út!! Ferðu að æfa í dag?

[M, 12.6.2008 kl. 14:09]

Nei   hef lítið komist í þessari viku. Það yrði þá óvænt og þá veð ég á þig og sýni þér alla mína vöðva