Le gym en Paris

Bon jour mon cheries.

París er yndisleg, algjörlega bjútíful borg.

Naglinn fór á stúfana að leita að líkamsræktarstöð um leið og rennt var inn í borgina.
Vopnuð niðurstöðum gúgglunar örkuðu Naglinn og hösbandið um hverfið og fundu eina sem hafði litið vel út á netinu, en að sjálfsögðu er ekki allt gull sem glóir, því engin lóð voru í stöðinni, aðeins tæki.
Þá var haldið á næsta gúgl, og þar var sama uppi á teningnum, engin lóð!!! og Naglanum tjáð að næsta slíka stöð væri talsverðan spöl í burtu. Frakkinn greinilega ekki að rífa of hart í járnið!!!

Svo Naglinn kyngdi stoltinu og framdi þau helgispjöll að hamast eingöngu í tækjum í morgun.
Aðrir meðlimir í tækjasalnum voru eingöngu karlkyns og Naglinn hefur ekki áður fundið jafn sterkt fyrir að vera nafli athyglinnar. Fransararnir greinilega ekki vanir dömum sem taka á því, enda voru þeir sjálfir ekki að toppa sig neitt. Einn var meira að segja með dagblað með sér sem hann las á milli setta í tækinu.

Naglinn skemmti sér hins vegar milli setta við að fylgjast með Jane Fonda leikfimitímanum í salnum við hliðina, og fannst magnað að sjá að ýmiss klæðnaður frá þeim tíma sé ennþá í góðu gildi hjá Frakkanum, t.d ennis svitaband og leikfimibolur utan yfir hjólabuxur.

Í brennslu eftir átökin var einnig boðið upp á skemmtiatriði, að þessu sinni var það sundleikfimi þar sem kennarinn var miðaldra karlmaður sem var örugglega Þjóðverji, ekki ósvipaður þjálfara þýska handbolta landsliðsins með yfirvaraskegg og grátt hár í tagli í stuttbuxum upp í görn.
Þarna stóð félaginn á bakkanum og sýndi kellingunum ýmsar hreyfingar sem þær áttu að framkvæma ofan í vatninu. Oftar en ekki leit hann út eins og hann væri að reyna að kúka.
Naglinn skemmti sér hreint konunglega og tíminn á þrekstiganum hefur aldrei áður liðið svona hratt.

Athugasemdir

[Audrey, 6.9.2008 kl. 18:28]

Hhahhaah frábært :) Allt sem styttir manni stundir í brennslu er æði, þó svo það líkist einhverju sem er að hægja sér :-þ

[Svava (IP-tala skráð) 6.9.2008 kl. 22:03]

hahaha þetta er nákvæmlega eins og þegar mér hlotnaðist sá heiður að heimsækja höfuðstöðvar EAS í Colorado. Þegar við æfðum í 24 hour fitness og já, greinilegt að konur eru ekki mikið að lyfta þar því það var horft á okkur eins og við værum ég veit ekki hvað... hehe

[Sesselja Fjóla Þorsteinsdóttir, 7.9.2008 kl. 22:11]

[Guðrún Emilía Guðnadóttir, 9.9.2008 kl. 18:36]

Greinilega ekki eins flottir í þessu og við.
Velkomin heim Ragga mín