Ný skæði

Í gær fékk Naglinn splunkunýja og sjóðandi heita Asics beint frá USA. Af því Naglinn er svo mikil skóhóra var ekki annað til umræðu en nýjasta týpan af Nimbus, numero 10 baby.

Þvílíkur munur að hlaupa, enda gömlu ræflarnir búnir að leggja mörg hundruð kílómetra undir hælinn og púðarnir orðnir handónýtir og Naglann farið að verkja í hné og sköflunga.

Naglinn bókstaflega sveif á brettinu í morgun á nýjum skæðunum, og keyrði á sprettina upp í áður óþekktar hæðir, 17 km/klst í 3°halla, og það þrátt fyrir 5 tíma svefn sökum útstáelsis í gærkvöldi.

Púlsinn fór upp í 96% í hörðustu sprettunum, en það hefur ekki gerst síðan í Þrekmeistaranum forðum daga.

Naglinn mælir með að fólk skipti um hlaupaskó á 9-12 mánaða fresti, sérstaklega þegar mikið mæðir á þeim greyjunum.

Athugasemdir

[M, 12.9.2008 kl. 10:25]

Það er sko kominn tími á mína garma.

Eigðu góða helgi framundan og svo klukkaði ég þig á síðunni minni í gær

[Anna María (IP-tala skráð) 12.9.2008 kl. 11:07]

Alltaf sami dugnaðurinn í þér mín kæra, enda ekki við öðru að búast. Ég átti í mestu vandræðum með að koma mér frammúr kl. 7 til að lufsast í ræktina kl. 8. En ég skil þig með skóna... ég vil helst ekki fara úr mínum.

[Hrund (IP-tala skráð) 12.9.2008 kl. 12:13]

Já góður punktur, verst hvað þetta er ógeðslega dýrt  18-20.000 kall fyrir góða skó

[Ragnhildur Þórðardóttir, 12.9.2008 kl. 12:50]

M! Ég þarf að athuga klukkið. Endilega skiptu görmunum út, það fer svo illa með hnén að hossast á ónýtum skóm.

Anna María! Ég var góð í morgun, en ég þekki sjálfa mig, ég verð orðin vel mygluð um kvöldmatarleytið.

Halldóra! Glæsilegur árangur!! Til hamingju. Þú ert að gera frábæra hluti.

Hrund! Ég veit, maður er tekinn í görnina hérna á Íslandi. Ekki ef maður kaupir í Ammeríkunni, kostuðu 9000 kjell.

[Vala Árnadóttir (IP-tala skráð) 12.9.2008 kl. 15:04]

Ohhh.......er einmitt búin að vera slefandi yfir þessum silfur og fjólubláu, er glisgjörn skóhóra í meira lagi.  Svei mér ef ég læt ekki vaða núna, til þess vinnandi ef maður svífur á brettinu eins og þú segir.

Bestu kveðjur,

[Elsa (IP-tala skráð) 12.9.2008 kl. 18:47]

Frábært að skórnir virki vel :)

[Arna (IP-tala skráð) 12.9.2008 kl. 21:09]

alveg eldheitur aðdáandi síðunnar, verð að spurja, hvar pantaru/kaupiru skóna? mínir eru einmitt að syngja sitt síðasta og ég var að spá í að kaupa fyrir mig og kallinn og reyna að sleppa við það að þurfa að borga nánast 40 þúsund kall hérna á íslandi fyrir 2 pör!

[Mama G, 12.9.2008 kl. 22:51]

Ég nýtti einmitt ferðina mína til USA í sumar og fékk mér Nimbus 10  

Ég hefði samt splæst í þá hérna heima líka. Góðir skór eru the ONE thing sem maður á ekki að reyna að spara pening - ekki ef þig langar að hafa þín eigin hné fram yfir fimmtugt

[Ragnhildur Þórðardóttir, 13.9.2008 kl. 09:56]

Vala! Ég fékk mér einmitt þessa fjólubláu-silfruðu. Láttu vaða, þeir eru algjör snilld.... og svo flottir líka.

Elsa mín, takk fyrir að ferja þá yfir hafið.

Arna! Takk fyrir það. Ég pantaði skóna á Amazon.com.

Mama G! Skórnir skipta ÖLLU máli, ég var alltaf með beinhimnubólgu og að drepast í hnjánum eftir hlaupin, en ekki fundið fyrir neinu (7,9,13) eftir að ég byrjaði að nota Asics fyrir 7 árum.

[Jon Kristinn Haraldsson (IP-tala skráð) 14.9.2008 kl. 18:32]

Sæl, það er betra að telja km en ekki mánuðina þegar maður fylgist með notkun á hlaupaskóm.  'Eg notaði lengi Asics en var ráðlagt að prófa SAUCONI, hef ekki notað annað síðan.