Eru prótínsjeikar nauðsynlegir eftir æfingu?

Er nauðsynlegt að fá sér prótínsjeik eftir æfingu?

Markmiðið með EÆ (eftir æfingu) máltíð er að koma í veg fyrir niðurbrot próteina, stuðla að próteinmyndun í vöðvafrumum á meðan líkaminn er móttækilegur fyrir því að þessir hlutir gerist. 

Próteinmyndun í líkamanum verður til vegna áreitis - þetta áreiti eru þungar lyftingar -  semsagt tekið á járninu almennilega, og nei, bleiku plastlóðin teljast ekki til lyftinga. 

 

Þetta þýðir að eftir æfingu er líkaminn móttækilegastur fyrir upptöku næringarefna fyrir vöðvavöxt, þ. e próteinmyndun, en á öðrum tímum dagsins. 
Þessi móttækileiki er mestur fyrsta klukkutímann eftir æfingu, en fer stigminnkandi eftir það, þó hann haldist yfir eðlilegum mörkum í meira en sólarhring.
Það er því lykilatriði að nýta þennan glugga eftir æfingu og gefa líkamanum rétt byggingarefni fyrir vöðvavöx sem fyrst til að ná hámarksárangri. 

Af hverju að fá sér prótein sjeik en ekki kjúklingabringu eða aðra fæðu eftir æfingu? 

Ástæðan er sú að mysuprótín er hraðlosandi prótín, þ. e það skilar sér hratt út í blóðrás, á meðan kjúklingabringa er hæglosandi prótín og skilar sér mun hægar út í blóðrás. 
Hraðlosandi prótín (mysuprótín) 0-45 mín eftir æfingu hefur því þann kost umfram aðra fæðu að veita líkamanum nauðsynlegar amínósýrur sem allra fyrst fyrir próteinmyndun í vöðvafrumum, sem kemur í veg fyrir að hann brjóti niður það amínósýrur sem fyrir eru í vöðvavef til að svala þessari þörf sinni.

 

Það tekur alltaf smá tíma fyrir gumsið að meltast, sem þýðir að næringarefnin úr FyÆ (fyrir æfingu) máltíð eru tiltæk fyrir þessa hluti mun fyrr en EÆ máltíðin. 
Það sem við látum ofan í okkur fyrir æfingu er þannig að sama skapi mjög mikilvæg og ekki síður en EÆ máltíð. 
Ef FyÆ máltíð er hins vegar eingöngu djúsglas, próteinsjeik eða annað smáræði, verður EÆ máltíðin enn mikilvægari til að koma í veg fyrir frekara niðurbrot og stuðla að próteinmyndun í vöðvum.

 

 

Athugasemdir

[Snjólaug (IP-tala skráð) 24.9.2008 kl. 17:22]

Lífefnafræðikennarinn minn í menntaskóla sagði að það eina sem fólk fengi úr fæðubótarefnum væri dýr sk****, því að þarmarnir gætu ekki tekið þetta upp.. Money down the drain í orðsins fylgstu :Þ Ég tek nú samt sénsinn á því að hann hafi haft rangt fyrir sér ;)

[Ragnhildur Þórðardóttir, 25.9.2008 kl. 08:41]

Snjólaug! Þá er sk***** í mér rándýr. Spurning hvort hægt sé að koma honum í verð einhvers staðar, nú þegar kreppan herjar á.

Júlíus! Vá takk fyrir falleg orð... maður roðnar bara. Það er ekkert annað í boði en að taka almennilega á því. Er reyndar í high-reps núna og Naglanum þykir það ekki alveg nógu skemmtilegt, það særir stoltið aðeins að pikka upp kettlingaþyngdir. Gengur bara fínt núna, lýsið loksins að leka. En hjá þér? Þú ert nú ekki langt frá keppnisformi nú þegar.

Halldóra! Glæsilegt hjá þér. Gaman að fylgjast með árangrinum hjá þér mín kæra.

[sas (IP-tala skráð) 25.9.2008 kl. 10:36]

Nennirðu að segja mér hvort að þessi fullyrðing sem að ég var að lesa er rétt eður ei.

 Sjálfur er ég að lyfta og gengur bara vel er að bæta mig í öllum æfingum reglulega.  Nú er þó komið að því að fara að skera sig smá.  Og þar sem að mér þykir dead boring að skera þá er þetta bara eitthvað sem að þarf að gerast

Fullyrðingin er þessi:  Ef að maður tekur góða æfingu og hleypur svo ca 4km og kemur heim og fær sér prótein sjeikinn kreatínið eða bara einhverjar brennslutöflur.  þá á maður bæði að geta verið að brenna og byggja sig upp.  Mér finnst þetta hljóma eitthvað skrýtið.

 En allavega alltaf gaman að lesa pistlana þína og gangi þér vel á þessum síðustu metrum.

[Ragnhildur Þórðardóttir, 25.9.2008 kl. 11:33]

SAS!  Það er mjög erfitt og nánast ómögulegt að byggja upp vöðva og skera niður fitu á sama tíma.  Þessi ferli eru andstæð hvort öðru, annað krefst fleiri hitaeininga en þú brennir og hitt færri.  Eftir æfingu næringin er fyrst og fremst hugsuð til að hindra frekara niðurbrot og koma af stað próteinmyndun í vöðvafrumum, það ferli hins vegar er liður í uppbyggingu og því meiri vöðvamassi því meiri grunnbrennsla.  Svo þessi fullyrðing er hálf einkennileg að mínu mati.

[sas (IP-tala skráð) 25.9.2008 kl. 16:33]

Já fannst ett eiginlega vera of gott til að vera satt.