5 vikur... sjæse hvað tíminn flýgur.....

 

Undanfarnir dagar hafa verið prófsteinn á viljastyrk og telur Naglinn sig þess fullviss að geta staðist pyntingar í japönskum fangelsum án þess að blikka auga þegar þessu yfir lýkur.

En þetta er þess virði því björgunaraðgerðir Þjálfa virðast hafa svipaðar afleiðingar á skrokk Naglans og aðgerðir ríkisstjórnar Íslands á efnahag landsmanna, að minnsta kosti hefur þyngdin verið í frjálsu falli undanfarna daga líkt og krónukvikindið.  Nú er að bíða og sjá þegar þessum aðgerðarpakka lýkur hvort Naglinn hljóti náð fyrir augum Þjálfa og teljist samkeppnishæf á brókinni eftir 5 vikur.     

Reyndar hafa ýmis áföll dunið yfir undanfarna daga sem urðu næstum til þess að Naglinn legði árar í bát og hætti við keppni.  En sem betur fer var hösbandið til staðar til að kippa spúsu sinni úr þunglyndi og aumingjaskap. Hann sagði það ekki koma til greina að eftir ómælda vinnu í rækt og mataræði að láta nokkurn skapaðan hlut hafa áhrif á keppnina sem hefur verið markmiðið undanfarið ár.  Naglinn er honum þakklát fyrir þessa vatnsgusu enda hefði Naglinn séð eftir því endalaust að hætta við núna. 

Svo Naglinn heldur ótrauð áfram og fer nú óðum að nálgast lokasprettinn.  Þá þarf að fara að huga að smáatriðunum, sem eru reyndar ansi mörg og mikilvæg eins og lagfæring á bikiníi, máta sundbol, æfa göngulag á Leoncie hælunum, æfa pósurnar, tana, panta förðun, hárgreiðslu...... the list goes on and on......   

Athugasemdir

[ingunn (IP-tala skráð) 17.10.2008 kl. 14:50]

Ánægð með bóndann! Ég mæti bara brjáluð heim til þín og bumba þig ef þér dettur svona vitleysa aftur í hug!

Varstu búin að máta sundbolinn og skóna?

[Vala Árnadóttir (IP-tala skráð) 17.10.2008 kl. 15:59]

Naglinn á eftir að standa sig vel, hann fær góða strauma og kraft frá okkur öllum sem lesum þessa síðu og erum í "fanklúbbnum"

Go Nagli.

[Fjölnir (IP-tala skráð) 17.10.2008 kl. 16:36]

I feel your pain!  Ég er búinn að vera að losa einhver 5-6kg af vatni fyrir vigtun... það fer alveg inn á top 10 yfir leiðinlegustu hluti sem ég hef gert og viljað komast hjá!

Gangi þér vel og glansaðu á sviðinu!  Eftir 3-4 vikur áttu eftir að líta til baka og hugsa um hvað þú varst í fokking flottu formi á sviðinu!

Now go out there and kick some butts!!!

[Elsa (IP-tala skráð) 17.10.2008 kl. 23:31]

Þú átt eftir að verða rosaleg á sviðinu !

[M, 18.10.2008 kl. 00:43]

Vogir gefast ekki upp, þær þurfa bara stundum að væla, fá umhyggju og hvatningu sem þú svo fékkst frá þínum

Góða helgi.

[Soffía (IP-tala skráð) 18.10.2008 kl. 14:15]

Áfram Ragga

[Guðrún Emilía Guðnadóttir, 20.10.2008 kl. 19:42]

Þú meikar þetta eins og ekki neitt þótt erfitt sé, þú ert bara frábær, dugleg og flott og áfram nú hvet þig í huganum.
Knús Milla

[Ragnhildur Þórðardóttir, 20.10.2008 kl. 19:46]

Takk alle sammen fyrir peppið. Ómetanlegt að vita af svona stuðningi. Knús á ykkur öll.